Read Original Shona Union Bible 1949 Baiberi Magwaro Matȿene aMŋari Zekaria 11 Bible Online

Zekaria 11 - Original Shona Union Bible 1949 Baiberi Magwaro Matȿene aMŋari bible

Zekaria 11

¹Zarura mikoʋa yako, iwe Rebanoni, kuti mŋoto upedze misidari yako.

²Wuŋgudza iwe musipresi, nokuti musidari wawira pasi, nokuti miti yakanaka kwaɀo yaparadzwa; wuŋgudzai, imi miouki yeBashani, nokuti ɗondo risiŋgabviri kupindwa ratemŋa.

³Inzwai inzwi rokuwuŋgudza kwaʋafudzi! nokuti kukudzwa kwaʋo kwaparadzwa; inzwai inzwi rokuʋomba kwaʋana ʋeshumba! nokuti kuɀikudza kwaJoridani kwaitwa ɗoŋgo.

⁴Ɀanzi naJehova Mŋari waŋgu: Fudza makwai anozoʋurawa;

⁵iwo anoʋurawa naʋene ʋawo, ʋasinemhoȿa; ʋanoateŋgesa ʋanoti: Jehova ŋgaaʋoŋgwe, nokuti ndakafuma; ʋafudzi ʋawo haʋanetsitsi nawo.

⁶Nokuti handicazoʋi netsitsi naʋagere munyika — ndiɀo ɀinotaura Jehova; asi tarirai, ndicaisa ʋanhu aʋo, mumŋe nomumŋe muruʋoko rwowokwake, nomuruʋoko rwamambo wake; ʋacaparadza nyika, ini ndisiŋgaʋarwiri paruʋoko rwaʋo.

⁷Saka ini ndakafudza makwai aizoʋurawa, ɀirokwaɀo aiʋa makwai anonzwisa ʋurombo. Ndikatora tȿimbo mbiri, imŋe ndikaitumidza zita rinonzi Kunaka, imŋe ndikaitumidza zita rinonzi Ɀisuŋgo; ndikafudza makwai.

⁸Ndikaparadza ʋafudzi ʋatatu nomŋedzi mumŋe, nokuti mŋeya waŋgu wakaŋga waneta naʋo, nemŋeya yaʋo yakandisema ʋo.

⁹Ipapo ndikati: Handicaɗi kukufudzai; cinoɗa kufa ŋgacife haco, cinofanira kuparadzwa, ŋgaciparadzwe haco; akasara ŋgaadye mumŋe nomumŋe nyama yomumŋe.

¹⁰Ipapo ndikatora tȿimbo yaŋgu yainzi Kunaka, ndikaivuna‐vuna, kuti ndiputse suŋgano yaŋgu yandakaŋga ndaita nendudzi dzose dzaʋanhu.

¹¹Ikavuniwa nezuʋa iro; naiɀoɀo marombo pakati pamakwai, akanditerera, akaziʋa kuti ishoko raJehova.

¹²Ndikati kwaʋari: Kana muciti ɀakanaka, cindipai muɓairo waŋgu; kana ɀisakanaka, regai. Ipapo ʋakandiyerera muɓairo waŋgu, masirveri anamakumi matatu.

¹³Jehova akati kwandiri: Ciɀikandira kumuʋumbi wehari; ndiwo muteŋgo wakanaka wandakateŋgwa nawo naʋo. Ini ndikatora masirveri anamakumi matatu, ndikaakandira kumuʋumbi wehari mumba maJehova.

¹⁴Ipapo ndikavuna‐vuna imŋe tȿimbo yaŋgu, yainzi Ɀisuŋgo, kuti ndiputse ʋukama bgaiʋa pakati paJuda naIsraeri.

¹⁵Ipapo Jehova akati kwandiri: Citora ɀe nhumbi dzomufudzi ɓenzi.

¹⁶Nokuti tarirai, ndicamutsa panyika ino mufudzi usiŋgaʋi nehanya naakarashika, kana kutȿaka akapararira, kana kurapa akavunika, kana kufudza anofara; asi ucadya nyama yaakakora, nokubvamburanya mahwanda awo.

¹⁷Unenhamo mufudzi usinamaturo, unosiya makwai! Munondo ucatema ruʋoko rwake neziso rake rorudyi; ruʋoko rwake rucawoma cose, ʋuye ziso rake rorudyi ricaȿiɓirwa cose.