Read Original Shona Union Bible 1949 Baiberi Magwaro Matȿene aMŋari Zekaria 12 Bible Online

Zekaria 12 - Original Shona Union Bible 1949 Baiberi Magwaro Matȿene aMŋari bible

Zekaria 12

¹Cireʋo ceshoko raJehova pamsoro paIsraeri. Ɀanzi naJehova, iye unotatamura ɗeŋga rose, unoteya nheyo dzenyika, nokuʋumba mŋeya womunhu mukati make:

²Tarirai, ndicaita Jerusarema mukombe wokudzedzeresa ndudzi dzose dzaʋanhu ʋakapoteredza; ucaʋa ʋo pamsoro paJuda pakukombga kweJerusarema.

³Nezuʋa iro ndicaita Jerusarema ibge rinoremedza ndudzi dzose dzaʋanhu; ʋose ʋanoɀitakudza iro ʋacakuʋadzwa kwaɀo; ndudzi dzose dzenyika dzicariʋuŋganira kuzorwa naro.

⁴Nezuʋa iro — ndiɀo ɀinotaura Jehova — ndicaroʋa biza rimŋe nerimŋe nokutya, nomutaȿi waro nokupeŋga; ndicaȿinudzira imba yaJuda meso aŋgu, nokuroʋa biza rimŋe nerimŋe rendudzi dzaʋanhu nokupofumara.

⁵Ipapo madzishe aJuda acati mumŋoyo maʋo: Ʋagere Jerusarema ndiʋo simba reɗu munaJehova wehondo, Mŋari waʋo.

⁶Nezuʋa iro ndicaita madzishe aJuda segaŋgo romŋoto pakati pehuni, ʋuye sezhenje romŋoto pakati peɀisote; ʋacaparadza ndudzi dzose dzaʋanhu ʋakapoteredza, kuruʋoko rworudyi nokuruʋoko rworuɓoshwe; ʋeJerusarema ʋacagara ɀe panɀimbo yaʋo, ipo paJerusarema.

⁷Jehova ucataŋga kuponesa ʋo matente aJuda, kuti kukudzwa kweimba yaDavidi nokukudzwa kwaʋagere Jerusarema kurege kupfuʋura kukudzwa kwaJuda.

⁸Nezuʋa iro Jehova ucadzitira ʋagere Jerusarema; unoshaiwa simba pakati paʋo nezuʋa iro ucaʋa saDavidi; imba yaDavidi icaʋa saMŋari, somutumŋa waJehova pamberi paʋo.

⁹Ɀino nezuʋa iro ndicatȿaka kuparadza ndudzi dzose dzaʋanhu dzinomukira Jerusarema.

¹⁰Ndicaɗira mŋeya wenyasha nowokunyeŋgetera pamsoro peimba yaDavidi, napamsoro paʋagere Jerusarema; ʋacanditarira ini, waʋakabvoʋora; ʋacamucema iye, somunhu unocema mŋanakomana wake mumŋe cete, ʋacaʋa neshuŋgu kwaɀo pamsoro pake, somunhu uneshuŋgu pamsoro pomŋana wake weɗaŋgwe.

¹¹Nezuʋa iro paJerusarema pacaʋa nokucema kukuru, sokucema kweHadadi‐Rimoni mumupata waMegidoni.

¹²Nyika icacema, ʋeimba imŋe neimŋe ʋari ʋoga; ʋeimba yaDavidi ʋari ʋoga, naʋakadzi ʋaʋo ʋari ʋoga, ʋeimba yaNatani ʋari ʋoga, naʋakadzi ʋaʋo ʋari ʋoga;

¹³naʋeimba yaRevi ʋari ʋoga, naʋakadzi ʋaʋo ʋari ʋoga; ʋeimba yaʋaShimei ʋari ʋoga, naʋakadzi ʋaʋo ʋari ʋoga;

¹⁴nedzimba dzose dzakasara, ʋeimba imŋe neimŋe ʋari ʋoga, naʋakadzi ʋaʋo ʋari ʋoga.