Read Original Shona Union Bible 1949 Baiberi Magwaro Matȿene aMŋari Zekaria 14 Bible Online

Zekaria 14 - Original Shona Union Bible 1949 Baiberi Magwaro Matȿene aMŋari bible

Zekaria 14

¹Tarirai, zuʋa raJehova rinoȿika, neŋguʋa iyo ɀawakapamba ɀicagoʋerwa mukati mako.

²Nokuti ndicaʋuŋganidza ndudzi dzose dzaʋanhu kuzorwa neJerusarema; guta ricakundwa, dzimba dzicapambga, naʋakadzi ʋaʋo ʋacacinyiwa; hafu yeguta ʋacatapxa, asi ʋakasara ʋaʋanhu haʋaŋgabviswi muguta.

³Ipapo Jehova ucaɓuɗa, ndokurwa nendudzi idzedzo, seɀaakarwa nezuʋa rehondo.

⁴Nezuʋa iro tsoka dzake dzicamira pagomo reMiorivi, riri pamberi peJerusarema kurutiʋi rwamabvazuʋa; gomo reMiorivi ricapamuka napakati, ɀicibva kumabvazuʋa ɀicienda kumaʋirazuʋa, kukaʋa’po mupata mukuru kwaɀo; imŋe hafu yegomo icatseɗukira kurutiʋi rwokumsoro, imŋe hafu yaro kurutiʋi rwezasi.

⁵Mucatiza nomumupata wamakomo aŋgu, nokuti mupata wamakomo ucandoȿika paAzeri; ɀirokwaɀo mucatiza, seɀamakatiza kuɗeŋgenyeka kwenyika pamazuʋa aUzia mambo waJuda; ipapo Jehova Mŋari waŋgu ucaʋuya, naʋatȿene ʋose pamŋe cete newe.

⁶Ɀino nezuʋa iro ciedza cicashaikwa, ɀinopenya ɀicadzimŋa.

⁷Asi ricaʋa zuʋa rimŋe rinozikanwa naJehova, hapaŋgaʋi namasikati kana ʋusiku, asi neŋguʋa yamaɗekwana ciedza cicaʋa’po.

⁸Ɀino nezuʋa iro mvura mhenyu zhinji icaɓuɗa muJerusarema; imŋe hafu yayo icayerera kuguŋgwa rokumabvazuʋa, imŋe hafu yayo kuguŋgwa rokumaʋirazuʋa; ɀicaitwa pazhezha napacando.

⁹Jehova ucaʋa Mambo wenyika yose; nezuʋa iro Jehova ucaʋa mumŋe cete, nezita rake rimŋe cete.

¹⁰Nyika yose icaita seɓani, ɀicibva Geba kuȿikira paRimoni, kurutiʋi rwezasi rweJerusarema; iro ricakwiridzwa, ricagara panɀimbo yaro, kubva pasuʋo raBenjamini kuȿikira kunɀimbo yesuʋo rokutaŋga, kuȿikira kusuʋo rekona, nokubva kurutura rwaHananeri kuȿikira kuɀiȿiniro ɀewaini ɀamambo.

¹¹Ʋanhu ʋacagara’mo; kutukwa hakuŋgazoʋi’po, asi Jerusarema ricagara rakaceŋgetwa.

¹²Uku ndiko kuroʋa Jehova kwaacaroʋa nako ndudzi dzose dzaʋanhu dzakarwa neJerusarema: nyama yaʋo icaʋora ʋamire namakumbo aʋo, meso aʋo acaʋorera mumakomba awo, norurimi rwaʋo rucaʋorera mumiromo yaʋo.

¹³Ɀino nezuʋa iro kunyoŋganiswa kukuru kunobva kunaJehova kucaʋa’po pakati paʋo; mumŋe nomumŋe ucaɓata ruʋoko rwowokwake, ʋuye ruʋoko rwake rucasimudzirwa ruʋoko rwowokwake.

¹⁴Juda ʋacarwa ʋo paJerusarema; fuma yendudzi dzose dzaʋanhu ʋakapoteredza icaʋuŋganidzwa, inoti ndarama, nesirveri, neŋguʋo, ɀizhinji kwaɀo.

¹⁵Seɀakaita kurobga uku, ndiɀo ɀicaita ʋo kurobga kwamabiza namahesera, namakamera, nemboŋgoro, neɀipfuwo ɀose ɀicaʋa’po pamisasa iyo.

¹⁶Ɀino ʋose ʋakasara ʋendudzi dzose dzakarwa neJerusarema, ʋacakwira gore rimŋe nerimŋe kundonamata Mambo, iye Jehova wehondo, nokutamba mutambo wamatumba.

¹⁷Aninani pamarudzi enyika usiŋgakwiri Jerusarema kundonamata Mambo, Jehova wehondo, haaŋganisirwi mvura.

¹⁸Kana rudzi rwaʋaEgipita rusiŋgakwiri, ʋakasaȿika’po, naiʋo ʋacaʋiŋgwa nokurobga Jehova waacaroʋa nako ndudzi dzaʋanhu dzinoramba kukwira kundotamba mutambo wamatumba.

¹⁹Uku ndiko kurobga kwaʋaEgipita nokurobga kwendudzi dzose dzinoramba kukwira kundotamba mutambo wamatumba.

²⁰Nezuʋa iro pamatare anorira amabiza pacanyorwa, paciti: ⱿITⱾENE KUNAJEHOVA; nehari dziri mumba maJehova dzicafanana nembiya dziri pamberi peartari.

²¹Ɀirokwaɀo, hari imŋe neimŋe paJerusarema napaJuda icaʋa tȿene kunaJehova wehondo; ʋose ʋanoɗa kuɓayira ʋacaʋuya ʋacidzitora, kuzoɓikira’mo; nezuʋa iro hapacazoʋi nomuKanani mumba maJehova wehondo.