Read Original Shona Union Bible 1949 Baiberi Magwaro Matȿene aMŋari Zekaria 8 Bible Online

Zekaria 8 - Original Shona Union Bible 1949 Baiberi Magwaro Matȿene aMŋari bible

Zekaria 8

¹Ɀino shoko raJehova wehondo rakaȿika kwandiri, riciti:

²Ɀanzi naJehova wehondo: Ndinegoɗo pamsoro peZioni, goɗo guru, ndinegoɗo pamsoro paro, dziri shuŋgu kwadzo.

³Ɀanzi naJehova: Ndadzokera paZioni, ndicagara pakati peJerusarema; Jerusarema ricanzi guta reɀokwaɗi, ʋuye gomo raJehova ricanzi gomo dɀene.

⁴Ɀanzi naJehova wehondo: Ʋatana naʋacembere ʋacagara ɀe munzira dzomuguta reJerusarema, murume mumŋe nomumŋe anomuɗonɀo wake nemhaka yokukwegura kwake.

⁵Nzira dzomuguta dzicazara naʋakomana naʋasikana ʋanotamba munzira dzaro.

⁶Ɀanzi naJehova wehondo: Kana ɀicishamisa pamberi paʋanhu aʋa ʋakasara namazuʋa iwayo, ko ɀiŋgashamisa pamberi paŋgu here? — ndiɀo ɀinotaura Jehova wehondo.

⁷Ɀanzi naJehova wehondo: Tarirai, ndicaponesa ʋanhu ʋaŋgu kunyika yamabvazuʋa, nokunyika yamaʋirira;

⁸ndicaʋaʋuyisa, ʋagare pakati peJerusarema; ʋacaʋa ʋanhu ʋaŋgu, neni ndicaʋa Mŋari waʋo neɀokwaɗi nokururama.

⁹Ɀanzi naJehova wehondo: Maʋoko enyu ŋgaasimbe, iyemi munonzwa mashoko awa mazuʋa ano pamiromo yaʋaprofita, ʋaiʋa’po nezuʋa rakateyiwa nheyo dzeimba yaJehova wehondo, iyo tembere, kuti iʋakwe.

¹⁰Nokuti mazuʋa iwayo asati aȿika, kwakaŋga kusinomuɓairo womunhu kana muɓairo weɀipfuwo; kwakaŋga kusinorugare kunowaiɓuɗa kana kunowaipinda, nemhaka yomudziʋisi; nokuti ndairwisanisa ʋanhu ʋose mumŋe nomumŋe nowokwake.

¹¹Asi ɀino handicazoʋi kunaʋanhu aʋa ʋakasara sapamazuʋa akare — ndiɀo ɀinotaura Jehova wehondo.

¹²Nokuti mbeu yorugare icaʋa’po; muzambiriŋga ucaɓereka ɀiɓereko ɀawo, nyika icaɓereka ɀayo, ɗeŋga ricaɓuɗisa ɗoʋa raro; ʋanhu aʋa ʋakasara ndicaʋagarisa nhaka yeɀinhu iɀi ɀose.

¹³Ɀino seɀamaiʋa cinhu cakatukwa pakati pendudzi dzaʋanhu, imi imba yaJuda nemi imba yaIsraeri, saiɀoɀo ndicakuponesai, muʋe cinhu cinoropafadza. Regai kutya, asi maʋoko enyu asimbe.

¹⁴Nokuti ɀanzi naJehova wehondo: Seɀandakafuŋga kukuitirai ɀakaipa, ŋguʋa yandakatsamŋiswa namadziɓaɓa enyu, ini ndikasaɀiɗemba — ndiɀo ɀinotaura Jehova wehondo;

¹⁵saiɀoɀo ʋo ndakafuŋga mazuʋa ano kuitira Jerusarema ɀakanaka ʋuye neimba yaJuda ʋo; regai kutya.

¹⁶Heɀi ɀinhu ɀamunofanira kuita: Mumŋe nomumŋe ŋgaareʋe ɀokwaɗi kunowokwake; toŋgai neɀokwaɗi norugare mumasuʋo enyu;

¹⁷kurege kuʋa nomumŋe wenyu unofuŋgira wokwake ɀakaipa mumŋoyo make; musaɗa kupika kwenhema; nokuti ɀinhu iɀi ɀose ndinoɀiʋeŋga — ndiɀo ɀinotaura Jehova.

¹⁸Ɀino shoko raJehova wehondo rakaȿika kwandiri, riciti:

¹⁹Ɀanzi naJehova wehondo: Kuɀinyima ɀokudya nomŋedzi wecinna, nokuɀinyima ɀokudya nomŋedzi wecishanu, nokuɀinyima ɀokudya nomŋedzi wecinomŋe, nokuɀinyima ɀokudya nomŋedzi wegumi, ɀinofanira kuʋa kuimba yaJuda mufaro nokufarisisa, nemitambo inomufaro; saka iɗai ɀokwaɗi norugare.

²⁰Ɀanzi naJehova wehondo: Ndudzi dzaʋanhu dzicaʋuya ɀe, naʋagere mumaguta mazhinji;

²¹ʋagere muguta rimŋe ʋacaenda kunerimŋe, ʋaciti: Hendei, ticimbidzike kundokumbira nyasha kunaJehova, tindotȿaka Jehova wehondo; neni ndicaenda ʋo.

²²Ɀirokwaɀo, ndudzi zhinji dzaʋanhu namarudzi anesimba acaʋuya kuzotȿaka Jehova wehondo paJerusarema, nokukumbira nyasha kunaJehova.

²³Ɀanzi naJehova wehondo: Namazuʋa iwayo ʋarume ʋanegumi pandimi dzose dzendudzi dzaʋanhu ʋacaɓata ŋguʋo yomunhu uri muJuda, ʋaciti: Ticaenda nemi, nokuti takanzwa kuti Mŋari unemi.