Read Original Shona Union Bible 1949 Baiberi Magwaro Matȿene aMŋari Maraki 2 Bible Online

Maraki 2 - Original Shona Union Bible 1949 Baiberi Magwaro Matȿene aMŋari bible

Maraki 2

¹Ɀino imi ʋaprista, cinzwai uyu murairo unoʋuya kwamuri.

²Kana imi musiŋgaɗi kunzwa, kana musiŋgaɗi kuita nomŋoyo wenyu ɀandakaraira kuti mukudze zita raŋgu — ndiɀo ɀinotaura Jehova wehondo — ipapo ndicatuma kutuka pamsoro penyu, ndicatuka ropafadzo dzenyu; ɀirokwaɀo ndatoɀituka, nokuti hamuɀiiti nomŋoyo wenyu.

³Tarirai, ndicatuka ʋana ʋenyu, ndicamhamira ndoʋe kuɀiso ɀenyu, iyo ndoʋe yemitambo yenyu; mucabviswa pamŋe cete naro.

⁴Ipapo mucaziʋa kuti ndini ndakakutumirai murairo uyu, kuti suŋgano yaŋgu iʋe naRevi — ndiɀo ɀinotaura Jehova wehondo.

⁵Suŋgano yaŋgu naʋo yakaŋga iri yoʋupenyu norugare; ndakaʋapa iɀo kuti ʋanditye, ʋakanditya, ʋakaɗeɗera nokuɗa kwezita raŋgu.

⁶Murairo weɀokwaɗi wakaŋga uri mumuromo waʋo, kusarurama hakuna‐kuwanikwa pamiromo yaʋo; ʋakafambidzana neni norugare nokururama, ʋakadzora ʋazhinji paɀakaipa.

⁷Nokuti miromo yomuprista inofanira kuceŋgeta ziʋo, ʋanhu ʋanofanira kubvunza murairo pamuromo wake; nokuti ndiye nhume yaJehova wehondo.

⁸Asi imi makatsauka panzira; makagumbusa ʋazhinji pamurairo; makaȿiɓisa suŋgano yaRevi — ndiɀo ɀinotaura Jehova wehondo.

⁹Saka ndakakuitai ʋanhu ʋanoɀidzwa naʋanorambga naʋanhu ʋose, ɀamusina‐kuceŋgeta nzira dzaŋgu, mukatsaura ʋanhu pakutoŋga murairo.

¹⁰Ko isu tose hatinaɓaɓa ʋamŋe here? Haazi Mŋari mumŋe wakatisika here? Tinogonyeŋgerana neiko mumŋe nomumŋe hama yake, ticimhura suŋgano yamadziɓaɓa eɗu?

¹¹Juda ʋakanyeŋgera, cinhu cinonyaŋgadza cakaitwa pakati paIsraeri napaJerusarema; nokuti Juda ʋakamhura nɀimbo tȿene yaJehova, inoɗikanwa naye, ʋakawana mukunda wamŋari waʋatorwa.

¹²Munhu unoita ɀakaɗai, Jehova ucamubvisira pamatente aJakobo, unoɗana nounopindura, nounoʋigira Jehova wehondo ɀipiriso.

¹³Munoita ʋo iɀoɀi: Munofukidza artari yaJehova nemisodzi, nokucema, nokugomera, naiɀoɀo haacaraŋgariri cipiriso, kana kucigamucira nomufaro pamaʋoko enyu.

¹⁴Kunyaŋge ɀakaɗaro munoti: Nemhaka yeiko? Nokuti Jehova wakaŋga ari capupu pakati pako nomukadzi woʋujaya bgako, wawakanyeŋgera, kunyaŋge ari shamŋari yako, nomukadzi wako wawakaita suŋgano yako naye.

¹⁵Ko haana‐kuita mumŋe cete, kunyaŋge akaŋga anomumŋe Mŋeya wakasara here? Ɀino wakaitireiko mumŋe cete? Wakatȿaka rudzi rwaMŋari. Saka cenjererai mŋeya yenyu, kurege kuʋa nomumŋe unonyeŋgera mukadzi woʋujaya bgake.

¹⁶Nokuti ndinoʋeŋga kurambana — ndiɀo ɀinotaura Jehova, Mŋari waIsraeri — ʋuye munhu unofukidza ŋguʋo yake nokumanikidza — ndiɀo ɀinotaura Jehova wehondo; saka cenjererai mŋeya yenyu, kuti murege kunyeŋgera.

¹⁷Makanetsa Jehova namashoko enyu. Kunyaŋge ɀakaɗaro munoti: Takamunetsa neiko? Pakutaura kwenyu, muciti: Mumŋe nomumŋe unoita ɀakaipa, wakanaka pamberi paJehova, ndiʋo ʋaanofarira; kana: Mŋari weɀakarurama uripiko?