Read Original Shona Union Bible 1949 Baiberi Magwaro Matȿene aMŋari Marko 15 Bible Online

Marko 15 - Original Shona Union Bible 1949 Baiberi Magwaro Matȿene aMŋari bible

Marko 15

¹Pakarepo maŋgwanani ʋaprista ʋakuru ʋakaraŋgana naʋakuru naʋanyori namakurukota ose, ʋakasuŋga Jesu, ʋakaenda naye, ʋakamuisa kunaPirato.

²Pirato akamubvunza, akati: Ndiwe Mambo waʋaJuda here? Akapindura, akati kwaari: Ndiɀo ɀamataura.

³Ʋaprista ʋakuru ʋakaramba ʋacimupomera ɀizhinji.

⁴Pirato akamubvunza ɀe akati: Haupinduri cinhu here? Cinzwa, ʋanokupomera ɀizhinji seiko!

⁵Asi Jesu haana‐kuzopindura cinhu, Pirato akashamiswa naɀo.

⁶Ɀino pamutambo waisiʋasunuŋgurira musuŋgwa mumŋe, waʋaneŋge ʋaikumbira.

⁷Ɀino kwakaŋga kunomumŋe wainzi Barabasi, wakaŋga asuŋgwa pamŋe cete naʋamŋe ʋakaŋga ʋamutsa ɓope, ʋakaʋuraya ʋanhu paɓope irero.

⁸Ʋanhu ʋazhinji ʋakakwira, ʋakataŋga kukumbira kunaPirato kuti aʋaitire saiɀoɀo.

⁹Pirato akaʋapindura, akati: Munoɗa kuti ndikusunuŋgurirei Mambo waʋaJuda here?

¹⁰Nokuti wakaŋga aciziʋa kuti ʋaprista ʋakuru ʋakaŋga ʋamuisa kwaari negoɗo.

¹¹Ɀino ʋaprista ʋakuru ʋakakurudzira ʋanhu ʋazhinji, kuti ʋakumbire kuti ɀirinani aʋasunuŋgurire Barabasi.

¹²Pirato akapindura ɀe, akati kwaʋari: Ndicagoiteiko naiye, wamunoti ndiye Mambo waʋaJuda?

¹³Ʋakaɗanidzira ɀe, ʋaciti: Muroʋere pamucinjikwa!

¹⁴Pirato akati kwaʋari: wakagotadzeiko? Ʋakanyanyisa kuɗanidzira, ʋaciti: Muroʋere pamucinjikwa!

¹⁵Ɀino Pirato, nokuti wakaŋga aciɗa kufadza ʋanhu ʋazhinji, akaʋasunuŋgurira Barabasi, asi Jesu wakamuroʋesa, akamuisa kwaʋari kuti aroʋerwe pamucinjikwa.

¹⁶Ɀino ʋarwi ʋakamuisa mukati moruʋazhe, imo muimba yomuɓati, ʋakaʋuŋganidza hondo yose;

¹⁷ʋakamupfekedza ŋguʋo tȿuku, ʋakaruka korona yeminzwa, ʋakamudzika iyo.

¹⁸Ʋakataŋga kumukwazisa, ʋaciti: Kwaziwai, Mambo waʋaJuda!

¹⁹Ʋakamuroʋa musoro norutsaŋga, ʋakamupfira mate, ʋakafugama namabvi, ʋakamunamata.

²⁰Ʋakati ʋamuseka, ʋakamubvisa ŋguʋo tȿuku, ndokumupfekedza ŋguʋo dzake, ʋakaenda naye kundomuroʋera pamucinjikwa.

²¹Ɀino ʋakamanikidza mumŋe, wakaŋga acipfuʋura acibva kuruwa, wainzi Simoni weKurini, ɓaɓa ʋaAreksandro naRufo, kuti atakure mucinjikwa wake.

²²Ʋakamuisa kunɀimbo inonzi Gorgota, ndokuti nɀimbo yeɗehenya, kana ɀicishandurwa.

²³Ʋakamupa waini, yakaveŋganiswa nemura, asi iye wakaɀiramba.

²⁴Ʋakati ʋamuroʋera pamucinjikwa, ʋakagoʋana ŋguʋo dzake, ʋacikanda mijenya pamsoro padzo, kuti mumŋe nomumŋe apiwe cake.

²⁵Yakaŋga iri ŋguʋa yecitatu, ʋakamuroʋera pamucinjikwa.

²⁶Norugwaro rwemhoȿa yake rwakaŋga rwakanyorwa pamsoro pake, ruciti: MAMBO WAƲAJUDA.

²⁷Ʋakaroʋera pamucinjikwa pamŋe cete naye makororo maʋiri, mumŋe kurudyi rwake, mumŋe kuruɓoshwe. [

²⁸Rugwaro rukaitika, runoti: Wakarabga naʋaɗariki ʋomurairo.]

²⁹Naʋaipfuʋura ʋakamutuka, ʋacidzuŋgudza misoro yaʋo, ʋaciti: Iwe, wokuputsa tembere, nokuiʋaka ɀe namazuʋa matatu,

³⁰ciɀiponesa iwe, uɓuruke pamucinjikwa!

³¹Saiɀoɀo ʋaprista ʋakuru naʋanyori ʋakamuseka pakati paʋo, ʋaciti: Wakaponesa ʋamŋe, ɀino haagoni kuɀiponesa.

³²Kristu, Mambo waʋaIsraeri, ŋgaaɓuruke ɀino pamucinjikwa, kuti tiʋone titende. Naʋakaŋga ʋaroʋerwa pamŋe cete naye ʋakamuɀidza.

³³Ɀino yakati yaʋa ŋguʋa yecitanhatu, rima rikaʋa’po panyika yose kuȿikira paŋguʋa yepfumbamŋe.

³⁴Neŋguʋa yepfumbamŋe Jesu akaɗana nenzwi guru, aciti: Eroi, Eroi, rama Sabaktani! Ndokuti, kana ɀicishandurwa: Mŋari waŋgu, Mŋari waŋgu, mandisiyireiko?

³⁵Ʋamŋe ʋakaŋga ʋamire’po ʋakati ʋaciɀinzwa, ʋakati: Cinzwai, unoɗana Eria.

³⁶Ipapo mumŋe wakamhanya, akazadza cipanje nevinega, akaciisa parutsaŋga, ndokumunwisa, aciti: Regai timboʋona kana Eria acizoʋuya kumuɓurusa.

³⁷Ipapo Jesu akaɗana nenzwi guru, akaɓuɗisa mŋeya wake.

³⁸Cidzitiro cetembere cikabvaruka napakati, kubva kumsoro kuȿikira pasi.

³⁹Ɀino mukuru wezana wakaŋga amire’po, akatarisana naye, wakati aciʋona mutoʋo wokufa kwake, akati: Ɀirokwaɀo, munhu uyu wakaŋga ari Mŋanakomana waMŋari.

⁴⁰Naʋakadzi ʋakaŋga ʋari’po, ʋakatarira ʋari kure; pakati paʋo kwakaŋga kunaMaria Magdarene, naMaria mai ʋaJakobo muɗuku naJose, naSarome;

⁴¹ndiʋo ʋaimuteʋera aciri muGarirea ʋacimushandira, naʋamŋe ʋakadzi ʋazhinji ʋakaŋga ʋakwira Jerusarema naye.

⁴²Ɀino aʋa maɗeko, ɀarakaŋga riri zuʋa rokugadzirira, ndokuti rinotaŋgira saɓata,

⁴³Josefa weArimatea, mumŋe wamakurukota, munhu wakakudzwa — iye amene wakaŋga acigarira ʋo ʋushe bgaMŋari — wakaʋuya akapinda nokutsuŋga kunaPirato, akakumbira mutumbu waJesu.

⁴⁴Pirato akashamiswa acinzwa kuti wakaŋga atofa; akaɗana mukuru wezana, akamubvunza kana akaŋguʋa afa.

⁴⁵Ɀino wakati aɀinzwa kumukuru wezana, akapa Josefa mutumbu.

⁴⁶Iye akateŋga muceka, akamuɓurusa, akamuputira nomuceka, ndokumuʋiga mubgiro bgakaŋga bgakacerwa pabge, ndokukuŋgurusira ibge pamuromo wobgiro.

⁴⁷Maria Magdarene, naMaria mai ʋaJose, ʋakaʋona paakaʋigwa.