Read Original Shona Union Bible 1949 Baiberi Magwaro Matȿene aMŋari Marko 16 Bible Online

Marko 16 - Original Shona Union Bible 1949 Baiberi Magwaro Matȿene aMŋari bible

Marko 16

¹Saɓata yakati yapfuʋura, Maria Magdarene, naMaria mai ʋaJakobo, naSarome, ʋakateŋga ɀinonhuwira, kuti ʋaende kuzomuzodza.

²Maŋgwanani nomusi wokutaŋga weviki, ʋakaenda kubgiro, zuʋa roɓuɗa.

³Ʋakataurirana, ʋaciti: Ndianiko ucatikuŋgurusira ibge pamukoʋa wobgiro?

⁴Ɀino ʋakati ʋacitarira, ʋakaʋona kuti ibge rakaŋga ratokuŋguruswa, nokuti raiʋa guru‐guru.

⁵Ʋakapinda mubgiro, ʋakaʋona jaya, rakaŋga rigere kurudyi, rakapfeka ŋguʋo cena yakareɓa, ʋakavunduka.

⁶Rikati kwaʋari: Musavunduka, munotȿaka Jesu weNazareta, wakaŋga aroʋerwa pamucinjikwa; wamuka, haa’po pano; tarirai paʋakaŋga ʋamuisa.

⁷Asi endai, mundoʋudza ʋadzidzi ʋake naPetro, kuti unokutuŋgamirirai Garirea, mucandomuʋona’ko, seɀaakakuʋudzai.

⁸Ʋakaɓuɗa, ʋakatiza ʋacibʋa pabgiro, nokuti ʋakaŋga ʋaɓatwa nokuɗeɗera nokushamiswa; ʋakasaʋudza munhu cinhu, nokuti ʋakaŋga ʋacitya.

⁹Ɀino wakati amuka maŋgwanani nomusi wokutaŋga weviki, akaɀiratidza pakutaŋga kunaMaria Magdarene, waakaŋga aɓuɗisa mŋeya yakaipa minomŋe kwaari.

¹⁰Iye akaenda kundoʋudza aʋo ʋaiʋa naye, ʋakaŋga ʋacicema nokurira.

¹¹Iʋo ʋakati ʋacinzwa kuti uri mupenyu, ʋuye kuti wakaʋonekwa naye, ʋakasatenda.

¹²Shure kwaiɀoɀo wakaɀiratidza nomumŋe mutoʋo kunaʋaʋiri ʋaʋo, ʋakaŋga ʋacifamba muruwa.

¹³Naiʋo ʋo ʋakaenda, ʋakandoʋudza ʋamŋe; naiʋo ʋakasaʋatenda ʋo.

¹⁴Pashure wakaɀiratidza kunaʋanegumi nomumŋe, ʋagere pakudya; akaʋapa mhaka pamsoro pokusatenda kwaʋo noʋukukutu bgemŋoyo yaʋo, nokuti haʋana‐kutenda ʋaya ʋakaŋga ʋamuʋona amuka.

¹⁵Akati kwaʋari: Endai munyika yose, muparidzire ɀisikwa ɀose Evaŋgeri.

¹⁶Unotenda, akabapatidzwa, ucaponeswa; asi usiŋgatendi ucatoŋgwa.

¹⁷Ɀiratidzo iɀi ɀicaʋa naʋanotenda: Ʋacaɓuɗisa mŋeya yakaipa nezita raŋgu, ʋacataura nendimi itȿa;

¹⁸ʋacaɓata nyoka; kunyaŋge ʋakanwa cinhu cinoʋuraya, haciŋgaʋarwadzi; ʋacaisa maʋoko pamsoro paʋarwere, ʋakapora.

¹⁹Ɀino Ishe Jesu wakati ataura naʋo, akagamucirwa kuɗeŋga, akagara kuruʋoko rworudyi rwaMŋari.

²⁰Iʋo ʋakaenda, ʋakaparidza kwose‐kwose, Ishe aciɓata naʋo, acisimbisa shoko neɀiratidzo ɀaiʋa naʋo.