Read Original Shona Union Bible 1949 Baiberi Magwaro Matȿene aMŋari Marko 4 Bible Online

Marko 4 - Original Shona Union Bible 1949 Baiberi Magwaro Matȿene aMŋari bible

Marko 4

¹Ɀino wakataŋga ɀe kudzidzisa paguŋgwa; ʋanhu ʋazhinji‐zhinji ʋakaʋuŋganira kwaari, nokuɗaro wakapinda mugwa, akagara’mo muguŋgwa; ʋazhinji ʋose ʋakaŋga ʋari pedyo neguŋgwa pamhenderekedzo.

²Akaʋadzidzisa ɀizhinji nemifananidzo, akati kwaʋari pakudzidzisa kwake:

³Tererai: Mukushi wakaɓuɗa kundokusha.

⁴Wakati acikusha, dzimŋe mbeu dzakawira panzira; shiri dzikaʋuya dzikadzidya.

⁵Dzimŋe dzakawira parukaŋgarabge, padzakaŋga dzisinevu zhinji; dzikamera pakarepo, nokuti dzakaŋga dzisinevu rakadzika;

⁶asi zuʋa rakati raɓuɗa, dzikapiswa; dzikawoma, nokuti dzakaŋga dzisinomudzi.

⁷Dzimŋe dzakawira muminzwa; minzwa ikamera, ikadzivuŋga, dzikasaɓereka ɀiɓereko.

⁸Dzimŋe dzakawira muvu rakanaka, dzikaɓereka ɀiɓereko, nokuti dzakakura, dzikawanza; dzikaɓereka makumi matatu, namakumi matanhatu, nezana.

⁹Akati: Unenzeʋe dzokunzwa, ŋgaanzwe.

¹⁰Wakati ari oga, ʋakaŋga ʋanaye naʋanegumi naʋaʋiri ʋakamubvunza ɀemifananidzo.

¹¹Akati kwaʋari: Imi makapiwa ɀakaʋanzika ɀoʋushe bgaMŋari, asi kunaaʋa, ʋari kunze, ɀose ɀinoitwa nemifananidzo.

¹²Kuti kuʋona ʋaʋone, asi ʋarege kuʋonesesa, nokunzwa ʋanzwe, asi ʋarege kunzwisisa, kuti ɀimŋe ʋarege kutendeʋuka, ʋakaŋganwirwe.

¹³Ɀino akati kwaʋari: Hamuziʋi here mufananidzo uyu? Mucaziʋa seiko mifananidzo yose?

¹⁴Mukushi unokusha shoko.

¹⁵Ʋari munzira panokushwa shoko ndiʋo ʋanoti kana ʋanzwa, pakarepo Satani unoʋuya, ndokubvisa shoko rakakushwa mukati maʋo.

¹⁶Naʋakakushwa parukaŋgarabge ʋakaita saiɀoɀo, ndiʋo ʋanoti kana ʋanzwa shoko rakakushwa, ʋanorigamucira pakarepo nomufaro,

¹⁷asi haʋanomudzi maʋari, asi ndiʋo ʋeciŋguʋa ciɗuku; pashure kana kutambudzika nokuʋeŋgwa ɀiciʋuya nokuɗa kweshoko, pakarepo ʋanogumburwa.

¹⁸Ʋamŋe ʋanokushwa muminzwa, ndiʋo ʋanonzwa shoko,

¹⁹asi kufuŋganya kwenyika, nokunyeŋgera kwefuma, nokuciʋa ɀimŋe, ɀinopinda, ɀicivuŋga shoko, rikashaiwa ɀiɓereko.

²⁰Ʋakakushwa muvu rakanaka, ndiʋo ʋanonzwa shoko, ʋakarigamucira, ʋakaɓereka, mumŋe makumi matatu, mumŋe makumi matanhatu, mumŋe zana.

²¹Ɀino wakati kwaʋari: Mŋenje uri’po kuti uiswe pasi peɗeŋgu, kana pasi pomubeda here? Hauzi’po kuti uiswe pacigadziko here?

²²Nokuti hapanecinhu cakaʋanzika cisiŋgazoʋoneswi, hapana‐cakaʋigwa cisiŋgazoɓuɗi pacena.

²³Kana munhu anenzeʋe dzokunzwa, ŋgaanzwe.

²⁴Ɀino akati kwaʋari: Cenjerai ɀamunonzwa. Ciyero camunoyera naco, nemi mucayerwa naco; mukawedzerwa.

²⁵Nokuti unaco ucapiwa, asi usina, ucatorerwa necaanaco.

²⁶Ɀino akati: Ʋushe bgaMŋari bgakafanana nomunhu unodɀara mbeu muvu,

²⁷akaʋata, akamuka, ʋusiku namasikati; mbeu inomera, icikura, iye asiŋgaziʋi kuti ɀinoitika sei;

²⁸ivu rinoŋgoɓereka haro, pakutaŋga cipande, pashure hura, pashure ɀiyo ɀakakora pahura.

²⁹Kana ɀiɓereko ɀaibva, pakarepo unoceka neɓaŋga, nokuti kuceka kwaȿika.

³⁰Ɀino akati: Ʋushe bgaMŋari ticabgufananidza neiko? Ticabguenzanisira nomufananidzo upiko?

³¹Bgakafanana netsaŋga yemastarda, iyo kana icidɀarwa muvu iɗuku kumbeu dzose dzapanyika;

³²asi kana yadɀarwa, inomera, iciʋa huru kumiriʋo yose iciita mataʋi makuru, akaɗaro kuti shiri dzokuɗeŋga dzinogara pamumvuri wayo.

³³Akasireʋa shoko kwaʋari nemifananidzo mizhinji yakaɗaro, paʋaigona kunzwa napo.

³⁴Haana‐kutaura naʋo kunze kwemifananidzo, asi waiɗudzira ʋadzidzi ʋake ɀose ʋari ʋoga.

³⁵Ɀino nezuʋa iro, aʋa maɗekwana, wakati kwaʋari: Ŋgatiyambukire mhiri.

³⁶Ʋakasiya ʋanhu ʋazhinji, ʋakaenda naye mugwa akaŋgoɗaro; mamŋe magwa akaŋga aiʋa naye.

³⁷Ɀino ɗutu guru remhepo rakamuka, mafuŋgu emvura akaroʋa mugwa, rikaŋga roɗo‐kuzara.

³⁸Asi iye wakaŋga ari mushure megwa aʋete pamutsago; ʋakamumutsa, ʋakati kwaari: Mudzidzisi, hamunehanya kunyaŋge tofa here?

³⁹Akamuka, akaraira mhepo, akati kuguŋgwa: Nyarara, ugadzikane! Mhepo ikanyarara, kudzikama kukuru kukaʋa’po.

⁴⁰Ɀino akati kwaʋari: Munotyireiko kuɗaro? Hamunokutenda here?

⁴¹Ʋakatya nokutya kukuru, ʋakataurirana ʋaciti: Ndianiko uyu, nokuti mhepo kunyaŋge neguŋgwa ɀinomuterera?