Read Original Shona Union Bible 1949 Baiberi Magwaro Matȿene aMŋari Marko 5 Bible Online

Marko 5 - Original Shona Union Bible 1949 Baiberi Magwaro Matȿene aMŋari bible

Marko 5

¹Ʋakaȿika mhiri kweguŋgwa kunyika yaʋaGerasa.

²Ɀino wakati aɓuɗa mugwa, pakarepo akasoŋgana nomunhu waiʋa nomŋeya wetȿina, acibva kumarinda.

³Uyo waigara mumarinda; kwakaŋga kusinomunhu wakaŋga acagona kumusuŋga kunyaŋge neketani.

⁴Nokuti kazhinji waisuŋgwa neɀisuŋgo ɀamakumbo namaketani, asi waiɗambura maketani, nokuɗashura ɀisuŋgo; kwakaŋga kusinomunhu waigona kumunyoroʋesa.

⁵Ŋguʋa dzose, ʋusiku namasikati, waigara mumarinda nomumakomo, aciɗanidzira, aciɀiceka namabge.

⁶Ɀino wakati aciʋona Jesu ari kure, akamhanya, ndokumunamata;

⁷akaɗanidzira nenzwi guru, akati: Ndinemhaka yeiko nemi Jesu, Mŋanakomana waMŋari Wokumsoro‐soro? Ndinokupikirai naMŋari kuti murege kunditambudza.

⁸Nokuti wakati kwaari: Ƃuɗa pamunhu, iwe mŋeya wetȿina!

⁹Akamubvunza, akati: Zita rako ndianiko? Akati kwaari: Regioni ndiro zita raŋgu, nokuti tiri ʋazhinji.

¹⁰Akakumbira ɀikuru kwaari kuti arege kuidziŋga panyika iyo.

¹¹Ɀino kwakaŋga kuri’po pagomo ɓoka guru reŋguruʋe dzakaŋga dzicifura.

¹²Ikakumbira ɀikuru kwaari, iciti: Titumirei kuŋguruʋe, kuti tindopinda madziri.

¹³Akaitendera. Mŋeya yetȿina ikaɓuɗa, ikapinda muŋguruʋe; ɓoka rikamhanyira kumawere kuguŋgwa, dzineŋge dzaiʋa ɀuru ɀiʋiri, dzikafira muguŋgwa.

¹⁴Ʋaidzifudza ʋakatiza, ʋakandoʋudza iɀoɀo muguta naparuwa. Ʋakaʋuya kuzoʋona ɀaitwa.

¹⁵Ʋakaʋuya kunaJesu, ʋakaʋona wakaŋga anemŋeya yakaipa agere, apfeka, ari munhu kwaye — iye waiʋa neregioni; ʋakatya.

¹⁶Ʋaya ʋakaŋga ʋaɀiʋona, ʋakarondedzera ɀaakaitirwa, iye wakaŋga anemŋeya yakaipa, neŋguruʋe ʋo.

¹⁷Ʋakataŋga kukumbira ɀikuru kwaari kuti abve munyika yaʋo.

¹⁸Ɀino wakati acipinda mugwa, iye waiʋa nemŋeya yakaipa akakumbira ɀikuru kwaari kuti agare naye.

¹⁹Asi haana‐kumutendera, asi wakati kwaari: Enda kumba kwako, kuhama dzako, uʋaʋudze ɀinhu ɀikuru ɀawakaitirwa naShe, napawakaitirwa ŋgoni napo.

²⁰Akaenda, akataŋga kuparidza munyika yeDekapori ɀinhu ɀikuru ɀaakaitirwa naJesu; ʋakashamiswa ʋose.

²¹Jesu wakati ayambukira ɀe mhiri negwa, ʋanhu ʋazhinji ʋakaʋuŋganira kwaari; wakaŋga ari paguŋgwa.

²²Mumŋe waʋakuru ʋesinagoge, wainzi Jairosi, akaȿika; akati acimuʋona, akaɀiwisira pasi petsoka dzake,

²³akakumbira ɀikuru kwaari, aciti: Mukunda waŋgu muɗuku wotandadza, ʋuyai, muise maʋoko enyu pamsoro pake aporeswe, ararame.

²⁴Akaenda naye; ʋanhu ʋazhinji ʋakamuteʋera, ʋacimumanikidza.

²⁵Ɀino mumŋe mukadzi waiʋa nokurwara kwokuɓuɗa ropa makore anegumi namaʋiri,

²⁶wakaŋga aʋoneswa nhamo neŋaŋga zhinji, akapedza ɀose ɀaakaŋga anaɀo asina‐kutoŋgoɓatsirwa, asi kuŋgonyanyiswa,

²⁷wakati anzwa ɀaJesu, akaʋuya pakati paʋanhu ʋazhinji ʋaiʋa mashure, akaɓata ŋguʋo yake.

²⁸Nokuti wakati: Kana ndikaɓata ŋguʋo yake ɓedzi, ndicaponeswa.

²⁹Pakarepo tsime rake reropa rikapxa, akanzwa pamuʋiri wake kuti waporeswa pakurwara kwake.

³⁰Pakarepo Jesu wakati aciziʋa mukati make kuti simba rakaɓuɗa kwaari, akatendeʋuka pakati paʋanhu ʋazhinji, akati: Ndianiko waɓata ŋguʋo dzaŋgu?

³¹Ʋadzidzi ʋake ʋakati kwaari: Munoʋona ʋanhu ʋazhinji ʋanokumanikidzai, ɀino muŋgati seiko: Ndiani wandiɓata?

³²Ɀino akariŋga‐riŋga kuti aʋone wakaita iɀoɀo.

³³Mukadzi akatya, akaɗeɗera, aciziʋa ɀaaitirwa, akaʋuya, ndokuɀiwisira pamberi pake, ndokumuʋudza ɀirokwaɀo ɀose.

³⁴Akati kwaari: Mukunda, kutenda kwako kwakuponesa; enda norugare, upore pakurwara kwako.

³⁵Wakati acataura, ʋamŋe ʋeimba yomukuru wesinagoge ʋakaȿika, ʋakati: Mukunda wenyu wafa; mucatambudzireiko Mudzidzisi?

³⁶Jesu wakati acinzwa shoko rataurwa, akati kumukuru wesinagoge: Usatya, tenda ɓedzi.

³⁷Akasatendera munhu kumuteʋera, asi Petro, naJakobo, naJohane munuŋuna waJakobo.

³⁸Ʋakaȿika mumba momukuru wesinagoge; akawana iri mhere‐mhere, naʋanocema ɀikuru, naʋanorira.

³⁹Akapinda, akati kwaʋari: Munoitireiko mhere‐mhere, mucicema? Mŋana haana‐kufa, asi uʋete.

⁴⁰Ʋakamuseka. Akaʋaɓuɗisa ʋose, akatora ɓaɓa ʋomŋana namai, naʋaakaŋga anaʋo, akapinda kwakaŋga kunomŋana.

⁴¹Akaɓata ruʋoko rwomŋana, akati kwaari: Tarita kumi! ndokuti, kana ɀicishandurwa, Musikana, ndinoti kwauri: Muka!

⁴²Pakarepo musikana akasimuka, akafamba; nokuti waiʋa namakore anegumi namaʋiri; ʋakashamiswa nokushama kukuru.

⁴³Akaʋaraira ɀikuru kuti ɀirege kuzikanwa nomunhu; akati, ŋgaapiwe ɀokudya.