Read Original Shona Union Bible 1949 Baiberi Magwaro Matȿene aMŋari Ruka 1 Bible Online

Ruka 1 - Original Shona Union Bible 1949 Baiberi Magwaro Matȿene aMŋari bible

Ruka 1

¹Ʋazhinji ɀaʋakaidza kurondedzera mashoko eɀinhu iɀo ɀakaitika pakati peɗu,

²seɀaʋakatipa iʋo ʋakaɀiʋona nameso aʋo kubva pakutaŋga, naʋaiʋa ʋanyai ʋeshoko,

³neni ʋo, ndakati ndanatso‐feya ɀose kubva pakutaŋga, ndakati ɀakanaka kuti ndikunyorerei ʋo nokuteʋedzanisa, imi Teofiro, makakurumbira;

⁴kuti muziʋe kuti mashoko amakadzidziswa ndeeɀokwaɗi.

⁵Namazuʋa aHerode, mambo weJudea, mumŋe muprista waiʋa’po, wainzi Zakaria, wegoʋero raAbia; mukadzi wake waiʋa waʋanasikana ʋaAroni, zita rake rainzi Erisabete.

⁶Ʋakaŋga ʋakarurama ʋose, ʋari ʋaʋiri, pamberi paMŋari, ʋacifamba nemirairo neɀakarurama ɀose ɀaShe, ʋasina‐caʋaŋgapomerwa.

⁷Ʋakaŋga ʋasinomŋana, nokuti Erisabete wakaŋga asiŋgaɓereki, ʋuye ʋakaŋga ʋacembera ʋose ʋari ʋaʋiri.

⁸Ɀino, wakati aciɓate‐ɓasa roʋuprista pamberi paMŋari, padzoro regoʋero rake,

⁹akagoʋerwa netsika dzoʋuprista, kuti apinde mutembere yaShe, kuzopisa ɀinonhuwira.

¹⁰Ʋanhu ʋazhinji ʋose ʋakaŋga ʋacinyeŋgetera kunze neŋguʋa yokupisa ɀinonhuwira.

¹¹Ipapo mutumŋa waShe wakaʋonekwa naye, amire kurudyi rweartari yeɀinonhuwira.

¹²Zakaria akamanikidzwa acimuʋona; kutya kukamuwira.

¹³Mutumŋa akati kwaari: Usatya Zakaria, nokuti kukumbira kwako kwanzwika, mukadzi wako Erisabete ucakuɓerekera mŋanakomana, ugomutumidza zita rinonzi Johane.

¹⁴Iwe ucaʋa nomufaro nokufarisisa, naʋazhinji ʋacafarira kuɓerekwa kwake.

¹⁵Nokuti iye ucaʋa mukuru pamberi paShe; haaŋgatoŋgonwi waini neɀinoɓata; ucazadzwa noMŋeya Mutȿene kubva paɗumbu ramai ʋake.

¹⁶Ucadzorera ʋazhinji ʋaʋana ʋaIsraeri kunaShe, Mŋari waʋo.

¹⁷Ucafamba pamberi pake noMŋeya nesimba raEria, kuti adzorere mŋoyo yamadziɓaɓa kuʋana, naʋasiŋgatereri kuʋucenjeri bgaʋakarurama, agadzirire Ishe ʋanhu ʋakamugadzirirwa kwaɀo.

¹⁸Zakaria akati kumutumŋa: Iɀoɀi ndicaɀiziʋa seiko? Nokuti ini ndaʋa mutana, nomukadzi waŋgu wacembera.

¹⁹Mutumŋa akapindura, akati kwaari: Ndini Gabrieri, ndinomira pamberi paMŋari; ndatumŋa kuti nditaure newe, ndikuparidzire mashoko awa akanaka.

²⁰Tarira, ucanyarara, usiŋgagoni kutaura, kuȿikira zuʋa rinoitwa ɀinhu iɀi, nokuti hauna‐kutenda mashoko aŋgu, acaitika neŋguʋa yawo.

²¹Ʋanhu ʋakaŋga ʋakamirira Zakaria ʋakashamiswa nokunonoka kwake mutembere.

²²Ɀino wakati aciɓuɗa, akasagona kutaura naʋo; ʋakaziʋa kuti wakaŋga aʋona ciratidzo mutembere; iye akaramba acininira namaʋoko, akaramba ari mbeʋeʋe.

²³Ɀino mazuʋa okushumira kwake akati apera, akaenda kumba kwake.

²⁴Mazuʋa iwayo akati apfuʋura, Erisabete mukadzi wake akatora mimba, akaɀiʋanza mŋedzi mishanu, aciti:

²⁵Ndiɀo ɀandakaitirwa naShe namazuʋa aakanditarira, kuti abvise kunyadzwa kwaŋgu pakati paʋanhu.

²⁶Nomŋedzi wecitanhatu mutumŋa Gabrieri wakatumŋa naMŋari kuguta reGarirea, rinonzi Nazareta,

²⁷kumhandara yakaŋga yanyeŋgwa nomurume, wainzi Josefa, weimba yaDavidi; zita remhandara rainzi Maria.

²⁸Mutumŋa akapinda kwaari, akati: Kwaziwa, iwe wakaropafadzwa, Ishe unewe!

²⁹Iye akavunduswa kwaɀo neshoko iro, akafuŋga kuti kukwazisa kwakaɗaro ndokweiko.

³⁰Ipapo mutumŋa akati kwaari: Usatya Maria, nokuti wanzwirwa nyasha naMŋari.

³¹Tarira, ucaʋa nemimba, ucaɀara mŋanakomana, ugomutumidza zita rinonzi Jesu.

³²Iye ucaʋa mukuru, ucanzi Mŋanakomana woWokumsoro‐soro; Ishe Mŋari ucamupa cigaro coʋushe caɓaɓa ʋake Davidi.

³³Ucaɓata imba yaJakobo nokusiŋgaperi, noʋushe bgake habguŋgaʋi nomugumo.

³⁴Ipapo Maria akati kumutumŋa: Iɀoɀi ɀiŋgaʋa seiko, ɀandisiŋgaziʋi murume?

³⁵Mutumŋa akapindura, akati kwaari: Mŋeya Mutȿene ucaʋuya pamsoro pako, nesimba roWokumsoro‐soro ricakufukidza; saka ico citȿene cicaɓerekwa cicanzi: Mŋanakomana waMŋari.

³⁶Ʋuye tarira, Erisabete, hama yako, naiye waʋa nemimba ʋo yomŋanakomana pakucembera kwake; mŋedzi uno waʋa wecitanhatu kunaiye wainzi haaɓereki.

³⁷Nokuti hakuneshoko raMŋari ricashaiwa simba.

³⁸Ipapo Maria akati: Tarirai, ndiri mushandiri waShe; ndiitirwe haŋgu seɀamataura. Mutumŋa akabva kwaari.

³⁹Namazuʋa iwayo Maria akasimuka, akakurumidza kuenda kunyika yamakomo, kuguta reJudea;

⁴⁰akapinda mumba maZakaria, akakwazisa Erisabete.

⁴¹Ɀino Erisabete wakati acinzwa kukwazisa kwaMaria, mŋana akakwakuka muɗumbu rake; ipapo Erisabete akazadzwa noMŋeya Mutȿene,

⁴²akaɗana nenzwi guru, akati: Wakaropafadzwa iwe pakati paʋakadzi, neciɓereko ceɗumbu rako cakaropafadzwa!

⁴³Ɀaita seiko kwandiri, kuti ndamutswa namai ʋaShe waŋgu?

⁴⁴Nokuti, tarira, inzwi rokukwazisa kwako rakati riciȿika munzeʋe dzaŋgu, mŋana akakwakuka nomufaro muɗumbu raŋgu.

⁴⁵Wakaropafadzwa iye mukadzi wakatenda, nokuti ɀakataurwa naShe kwaari ɀicaitika.

⁴⁶Maria akati: Mŋoyo waŋgu unokudza Ishe,

⁴⁷Mŋeya waŋgu wakafara naMŋari, Muponesi waŋgu;

⁴⁸Ɀaakaʋona ʋurombo bgomushandiri wake; Nokuti, tarira, kubva ɀino marudzi ose acati, ndakaropafadzwa;

⁴⁹Nokuti uyo unamasimba wakandiitira ɀinhu ɀikuru; Zita rake idɀene.

⁵⁰Ŋgoni dzake dziri kumarudzi namarudzi Aʋanhu ʋanomutya.

⁵¹Wakaratidza simba rake noruʋoko rwake; Wakaparadza ʋaiɀikudza mundaŋgariro dzemŋoyo yaʋo;

⁵²Wakabvisa madzimambo paɀigaro ɀaʋo ɀoʋushe, Akasimudza ʋakaninipiswa;

⁵³Ʋanenzara wakaʋagutsa neɀakanaka, Akadzosera ʋafumi ʋasina;

⁵⁴Wakaɓatsira Israeri, muranda wake, Kuti araŋgarire ŋgoni dzake,

⁵⁵(Seɀaakareʋa kumadziɓaɓa eɗu), KunaAbrahama nokurudzi rwake nokusiŋgaperi.

⁵⁶Maria akagara naye mŋedzi ineŋge semitatu, akadzokera kumusha kwake.

⁵⁷Ɀino ŋguʋa yaErisabete yokuɀara kwake yakaȿika; akaɓereka mŋanakomana.

⁵⁸Ɀino ʋakaʋakirana naʋo nehama dzake ʋakati ʋanzwa kuti Ishe wakaŋga amuitira ŋgoni huru, ʋakafara naye.

⁵⁹Ɀino nezuʋa rorusere ʋakaʋuya kuzodziŋgisa mŋana, ʋakaɗa kumutumidza zita raɓaɓa ʋake, Zakaria.

⁶⁰Ipapo mai ʋakapindura, ʋakati: Kwete, ucatumidzwa Johane.

⁶¹Ʋakati kwaari: Hakunomunhu kuhama dzenyu wakatumidzwa zita iro.

⁶²Ʋakabvunza ɓaɓa ʋake, ʋaciɗudzira namaʋoko, kuti anzi aniko.

⁶³Ʋakakumbira ibge rokunyora pariri, ʋakanyora ʋaciti: Johane, ndiro zita rake. Ʋakashamiswa ʋose.

⁶⁴Kamŋe‐kamŋe muromo wake ukashamiswa, norurimi rwake rukasunuŋguka, akataura, akarumbidza Mŋari.

⁶⁵Kutya kukawira ʋose ʋakaŋga ʋagere naʋo; namashoko iwayo ose akanzwika kunyika yose yamakomo eJudea.

⁶⁶Ʋose ʋakaanzwa, ʋakaaceŋgeta mumŋoyo maʋo, ʋaciti: Ucazoʋa mŋana wakaɗiniko? Nokuti ruʋoko rwaShe rwakaʋa naye.

⁶⁷Ƃaɓa ʋake, Zakaria, ʋakazadzwa noMŋeya Mutȿene, ʋakaprofita, ʋaciti:

⁶⁸Ishe, Mŋari waʋaIsraeri, ŋgaakudzwe; Nokuti wakamutsa ʋanhu ʋake, nokuʋadzikinura,

⁶⁹Akatisimudzira runyaŋga rwokuponeswa Mumba momuranda wake, Davidi;

⁷⁰(Seɀaakataura nomuromo waʋaprofita ʋake ʋatȿene, ʋakaŋga ʋari’po kubva pakuʋamba kwenyika),

⁷¹Kutiponesa paʋaʋeŋgi ʋeɗu, napamaʋoko aʋose ʋanotiʋeŋga;

⁷²Kunzwira madziɓaɓa eɗu ŋgoni, Nokuraŋgarira suŋgano yake tȿene;

⁷³Kupika kwaakapika nako kunaɓaɓa ʋeɗu Abrahama,

⁷⁴Kutipa simba isu, tasunuŋgurwa mumaʋoko aʋaʋeŋgi ʋeɗu, Kuti timushumire tisiŋgatyi,

⁷⁵Noʋutȿene nokururama pamberi pake mazuʋa eɗu ose.

⁷⁶Iwe, Mŋana, ucanzi muprofita woWokumsoro‐soro, Nokuti iwe ucatuŋgamira pamberi paShe, kumugadzirira nzira dzake;

⁷⁷Kuziʋisa ʋanhu ʋake nzira yokuponeswa nayo, Ʋacikaŋganwirwa ɀiʋi ɀaʋo,

⁷⁸Nomŋoyo munyoro waMŋari weɗu, Ucatishanyira namambakwedza okuɗeŋga,

⁷⁹Kuvenekera ʋagere murima nomumumvuri worufu; Nokuraramisa tsoka dzeɗu munzira yorugare.

⁸⁰Mŋana akakura, akasimba mumŋeya, akagara mumarenje, kuȿikira zuʋa rokuratidzwa kwake kuʋaIsraeri.