Read Original Shona Union Bible 1949 Baiberi Magwaro Matȿene aMŋari Ruka 15 Bible Online

Ruka 15 - Original Shona Union Bible 1949 Baiberi Magwaro Matȿene aMŋari bible

Ruka 15

¹Ɀino ʋateresi ʋose naʋatadzi ʋakasweɗera kwaari, kuzomunzwa.

²Ʋafarise naʋanyori ʋose ʋakaŋuŋuna, ʋaciti: Uyu munhu unogamucira ʋatadzi, acidya naʋo.

³Ɀino wakaʋaʋudza mufananidzo uyu, aciti:

⁴Ndianiko kwamuri unamakwai anezana, kana akarashikirwa nerimŋe rawo, uŋgasasiya makumi mapfumbamŋe namapfumbamŋe murenje, akateʋera rakarashika kuȿikira ariwana?

⁵Kana ariwana, unoriisa pamafudzi ake, acifara.

⁶Kana aȿika kumusha, unokokera shamŋari dzake naʋakaʋaka naye, akati kwaʋari: Farai neni, nokuti ndawana gwai raŋgu rakaŋga rakarashika.

⁷Ndinoti kwamuri, saiɀoɀo mufaro ucaʋa kuɗeŋga pamsoro pomutadzi mumŋe unotendeʋuka, kupfuʋura paʋakarurama ʋanamakumi mapfumbamŋe naʋapfumbamŋe, ʋasiŋgatȿaki kutendeʋuka.

⁸Ndoupiko mukadzi unamadrakema[6] anegumi, kana arashikirwa nerimŋe, uŋgarega kutuŋgidza mŋenje, akatȿaira imba, akatȿakisisa, kuȿikira ariwana?

⁹Kana ariwana, unokokera hama dzake naʋakaʋaka naye, akati kwaʋari: Farai neni, nokuti ndawana drakema randakaŋga ndarashikirwa naro.

¹⁰Ndinoti kwamuri, saiɀoɀo mufaro uri’po pamberi paʋatumŋa ʋaMŋari pamsoro pomutadzi mumŋe unotendeʋuka.

¹¹Ɀino wakati: Mumŋe munhu waiʋa naʋanakomana ʋaʋiri.

¹²Muɗuku waʋo akati kunaɓaɓa ʋake: Ƃaɓa, ndipei mugoʋe wenhaka ucazoʋa waŋgu. Akaʋagoʋera fuma yake.

¹³Mazuʋa mashoma akati apfuʋura, mŋanakomana muɗuku akaʋuŋganidza ɀose, akaenda kunyika iri kure; akaparadza’ko nhaka yake acifamba nemitoʋo yakaipa.

¹⁴Ɀino wakati apedza ɀose, nzara huru ikaȿika panyika iyo, akataŋga kushaiwa.

¹⁵Ipapo akaenda, akandoɀiisa kunomumŋe waʋanhu ʋenyika iyo; iye akamutumira kuminda yake, kundofudza ŋguruʋe.

¹⁶Wakaŋga aciɗa kuɀigutsa namateko aidyiwa neŋguruʋe; asi kwakaŋga kusinomunhu waimupa.

¹⁷Ɀino wakati aciɀifuŋga, akati: Ʋaranda ʋazhinji sei ʋaɓaɓa ʋaŋgu ʋaneɀokudya ɀakawandisa, asi ini ndofa pano nenzara.

¹⁸Ndicasimuka, ndiende kunaɓaɓa ʋaŋgu, nditi kwaʋari: Ƃaɓa, ndatadzira kuɗeŋga, napamberi penyu,

¹⁹handicafaniri kunzi mŋanakomana wenyu; mundiite somumŋe waʋaranda ʋenyu.

²⁰Akasimuka, akaenda kunaɓaɓa ʋake. Wakati aciri kure, ɓaɓa ʋake ʋakamuʋona, ʋakamunzwira tsitsi, ʋakamhanya, ndokumufuŋgatira, nokumuȿeta.

²¹Mŋanakomana akati kwaʋari: Ƃaɓa, ndatadzira kuɗeŋga napamberi penyu, handicafaniri kunzi mŋanakomana wenyu.

²²Asi ɓaɓa ʋakati kuʋaranda ʋaʋo: Kurumidzai, muʋuye neŋguʋo yakaiȿo‐naka, mumupfekedze iyo; muise mhete pamunwe wake, neshaŋgu patsoka dzake;

²³muʋuye nemhure yakakodzwa, muiɓaye, tidye, tifare;

²⁴nokuti mŋanakomana waŋgu uyu wakaŋga afa, wararama ɀe; wakaŋga arashika, wawanika ɀe Ɀino ʋakataŋga kufara.

²⁵Mŋanakomana wake weɗaŋgwe wakaŋga ari kumunda; ɀino wakati aciȿika, acisweɗera paimba, ndokunzwa kuimba nokutamba.

²⁶Ipapo akaɗanira kwaari mumŋe waʋaranda, akamubvunza kuti iɀi ɀinyiko.

²⁷Akati kwaari: Munuŋuna wako waȿika, ɀino ɓaɓa ʋako ʋaɓaya mhuru yakakodzwa, nokuti ʋamuwana ɀe ari mupenyu.

²⁸Asi iye wakatsamŋa, akaramba kupinda. Ɀino ɓaɓa ʋake ʋakaɓuɗa, ʋakakumbira ɀikuru kwaari.

²⁹Asi iye wakapindura, akati kunaɓaɓa ʋake: Tarirai, ndakakuɓatirai makore awa mazhinji, ndisiŋgatoŋgoɗariki murairo wenyu, asi hamuna‐kutoŋgondipa mbudzana, kuti ndifare neshamŋari dzaŋgu.

³⁰Asi mŋanakomana wenyu uyu, wakaparadza fuma yenyu neɀifeʋe, wakati aciȿika, mamuɓayira mhuru yakakodzwa.

³¹Iʋo ʋakati kwaari: Mŋana waŋgu, iwe uneni ŋguʋa dzose, ɀose ɀaŋgu ndeɀako.

³²Kwaifanira kuti tifare nokufarisisa, nokuti munuŋuna wako uyu wakaŋga afa, wararama; wakaŋga arashika, akawanika.