Read Original Shona Union Bible 1949 Baiberi Magwaro Matȿene aMŋari Ruka 17 Bible Online

Ruka 17 - Original Shona Union Bible 1949 Baiberi Magwaro Matȿene aMŋari bible

Ruka 17

¹Ɀino wakati kuʋadzidzi ʋake: Haɀiŋgaitiki kuti ɀigumbuso ɀisaʋuya. Asi unenhamo iye waɀinoʋuya naye.

²Ɀaiʋa nani kwaari, kuti guyo risuŋgirirwe pamutsipa wake, awisirwe muguŋgwa, pakuti agumbuse mumŋe waʋaɗuku aʋa.

³Cenjerai; kana hama yako ikatadza, umuraire; kana akatendeʋuka, umukaŋganwire.

⁴Kunyaŋge akutadzira kanomŋe nezuʋa rimŋe, akadzokera kwauri kanomŋe, aciti: Ndatendeʋuka; umukaŋganwire.

⁵Ɀino ʋaapostora ʋakati kunaShe: Tiwedzerei kutenda kweɗu.

⁶Ishe akati: Kana maiʋa nokutenda kwakaita setsaŋga yemastarda, maiti kumuʋonde uyu: Dzurwa, usimŋe muguŋgwa! ucakutererai.

⁷Ndiani kwamuri uŋgaʋa nomuranda unorima, kana unofudza makwai, akati kwaari, acibva kumunda: Ʋuya, ugare pakudya?

⁸Handiti uŋgati kwaari: Ndigadzirire ɀokudya, uɀisuŋge ciʋuno, undishandire, kuȿikira ini ndadya, ndikanwa; iwe ugozodya, nokunwa?

⁹Ko uŋgatenda muranda, ɀaaita ɀakaŋga ɀarairwa here?

¹⁰Saiɀoɀo nemi ʋo, kana maita ɀose ɀamarairwa, muti: Tiri ʋaranda pasina, takaita seɀataifanira kuita.

¹¹Ɀino ʋakati ʋacienda Jerusarema, akapfuʋura napaSamaria neGarirea.

¹²Ɀino acipinda munomumŋe musha, akasoŋgana naʋarume ʋanegumi ʋaiʋa namaperembudzi, ʋamire kure.

¹³Ʋakaɗanidzira, ʋaciti: Jesu, Tenzi, tinzwirei ŋgoni!

¹⁴Ɀino wakati aciʋaʋona, akati kwaʋari: Endai mundoɀiratidza kuʋaprista. Ʋakati ʋacienda, ʋakapora.

¹⁵Ɀino mumŋe waʋo, wakati aciʋona kuti ndaporeswa, akadzoka, acikudza Mŋari nenzwi guru;

¹⁶akawira pasi neciso patsoka dzake, akamuʋoŋga. Ɀino iye wakaŋga ari muSamaria.

¹⁷Ipapo Jesu akapindura, akati: Haʋana‐kuporeswa ʋanegumi here? Ʋapfumbamŋe ʋaripiko?

¹⁸Hapanawakawanikwa wadzokera kuzokudza Mŋari, asi uyu mutorwa here?

¹⁹Ipapo akati kwaari: Simuka, uende; kutenda kwako kwakuponesa.

²⁰Ɀino wakati acibvunzwa naFarise kuti ʋushe bgaMŋari bgunoȿika rini, akapindura, akati: Ʋushe bgaMŋari habguʋuyi bguciʋonekwa.

²¹Haʋaŋgati: Tarirai pano! kana: Uko! Nokuti tarirai, ʋushe bgaMŋari bguri mukati menyu.

²²Akati kuʋadzidzi ʋake: Mazuʋa acaȿika amucatȿaka kuʋona zuʋa rimŋe ramazuʋa oMŋanakomana womunhu, asi hamuŋgariʋoni.

²³Ʋacati kwamuri: Tarirai uko! Tarirai pano! Regai kuenda, kana kuʋateʋera;

²⁴nokuti semheni inopenya, icibva kunorumŋe rutiʋi pasi peɗeŋga, icivenekera kuȿikira kunorumŋe rutiʋi pasi peɗeŋga; ndiɀo ɀicaita Mŋanakomana womunhu ʋo nezuʋa rake.

²⁵Asi unofanira kumbotambudzika ɀizhinji, nokurashwa norudzi urwu.

²⁶seɀaɀakaŋga ɀakaita namazuʋa aNoa, ndiɀo ɀaɀicaita ʋo namazuʋa oMŋanakomana womunhu;

²⁷ʋaidya, nokunwa, nokuwana, nokuwaniswa, kuȿikira zuʋa rakapinda Noa muareka, mvura zhinji ikaȿika, ikaparadza ʋose.

²⁸seɀaɀakaŋga ɀakaita ʋo namazuʋa aRoti; ʋaidya, nokunwa, nokuteŋga, nokuteŋgesa, nokusima, nokuʋaka;

²⁹asi nomusi wakaɓuɗa Roti muSodoma, mŋoto nesurferi ɀakanaya, ɀicibva kuɗeŋga, ɀikaʋaparadza ʋose.

³⁰Ndiɀo ɀaɀicaita ʋo nezuʋa iro, Mŋanakomana womunhu raacaʋonekwa naro.

³¹Nezuʋa iro, uri pamsoro peimba, nhumbi dzake dziri mumba, ŋgaarege kuɓuruka kundodzitora; saiɀoɀo ʋo, uri kumunda ŋgaarege kudzokera kuneɀiri shure.

³²Raŋgarirai mukadzi waRoti.

³³Aninani unotȿaka kuŋgwarira ʋupenyu bgake, ucarashikirwa nabgo, ʋuye aninani unorashikirwa nabgo, ucabguraramisa.

³⁴Ndinoti kwamuri: Ʋusiku ubgo ʋarume ʋaʋiri ʋacaʋa panhoʋo imŋe, mumŋe ucatorwa, mumŋe ucasiyiwa.

³⁵Ʋakadzi ʋaʋiri ʋacakuya pamŋe cete, mumŋe ucatorwa, mumŋe ucasiyiwa.

³⁶Ʋaʋiri ʋacaʋa kumunda, mumŋe ucatorwa, mumŋe ucasiyiwa.

³⁷Ipapo ʋakapindura, ʋakati kwaari: Ipiko, Ishe? Akati kwaʋari: Apo panomutumbu, ndi’po panoʋuŋganira ʋo magora.