Read Original Shona Union Bible 1949 Baiberi Magwaro Matȿene aMŋari Ruka 19 Bible Online

Ruka 19 - Original Shona Union Bible 1949 Baiberi Magwaro Matȿene aMŋari bible

Ruka 19

²Ɀino murume waiʋa’po, wainzi Zakeo; iye wakaŋga ari mukuru waʋateresi, ʋuye waiʋa mufumi;

³akatȿaka kuʋona Jesu, kuti ndiye ani; asi wakaŋga asiŋgagoni, nokuti wakaŋga akafupika.

⁴Ipapo akamhanyira mberi, akakwira mumuʋonde kuti amuʋone, nokuti wakaŋga opfuʋura napo.

⁵Ɀino Jesu wakati aciȿika’po, akatarira kumsoro, akati kwaari: Zakeo, kurumidza uɓuruke; nokuti nhasi ndinofanira kugara mumba mako.

⁶Iye akakurumidza kuɓuruka, akamugamucira nomufaro.

⁷Ʋose ʋakaɀiʋona, ʋakaŋuŋuna, ʋaciti: Wapinda kundogara nomurume uri mutadzi.

⁸Ipapo Zakeo akamira, akati kunaShe: Tarirai, Ishe, ndinopa ʋarombo hafu yefuma yaŋgu, ʋuye kana ndatorera mumŋe cinhu cake nokunyeŋgera, ndinomudzosera ɀaʋa ɀinna.

⁹Jesu akati kwaari: Nhasi ruponeso rwaȿika paimba ino; nokuti naiye ʋo mŋanakomana waAbrahama.

¹⁰Nokuti Mŋanakomana womunhu wakaʋuya kuzotȿaka nokuponesa cakarashika.

¹¹Ʋakati ʋacanzwa iɀoɀo, akawedzera akataura mumŋe mufananidzo, nokuti wakaŋga aʋa pedyo neJerusarema, iʋo ʋakati ʋushe bgaMŋari bgobva bgoʋonekwa pakarepo.

¹²Naiɀoɀo akati: Mumŋe munhu mukuru wakaenda kunyika yakaŋga iri kure, kuti andopiwa ʋushe, agodzoka ɀe.

¹³Akaɗana ʋaranda ʋake ʋanegumi, akaʋapa pondo dzinegumi, akati kwaʋari: Shambadzirai, kuȿikira ndiciʋuya ɀe.

¹⁴Asi ʋanhu ʋenyika yake ʋakaŋga ʋacimuʋeŋga, ʋakatuma nhume kumuteʋera, kundoti: Hatiɗi kuti uyu munhu aʋe ishe weɗu.

¹⁵Ɀino wakati adzoka kuya kwaakaŋga andopiwa ʋushe, akaraira kuti ʋaya ʋaranda ʋaakaŋga apa mari, ʋaɗanirwe kwaari, anzwe kuti mumŋe nomumŋe wakawanei nokushambadzira kwake.

¹⁶Wokutaŋga akaȿika, akati: Ishe, pondo yenyu yakawana dzimŋe pondo dzinegumi ɀe.

¹⁷Akati kwaari: Ɀakanaka, muranda wakanaka; ɀawakaŋga wakatendeka paɀiɗuku‐ɗuku, uɓate maguta anegumi.

¹⁸Wecipiri akaȿika, akati: Ishe, pondo yenyu yakawedzera ɀe pondo shanu.

¹⁹Akati kwaari ʋo: Newe, uɓate maguta mashanu.

²⁰Ɀino mumŋe akaȿika, akati: Ishe, tarirai pondo yenyu heyi, yandakaŋga ndaceŋgeta mumuceka.

²¹Nokuti ndakaŋga ndicikutyai, ɀamuri munhu unehasha, munotora ɀamusakaisa’po, munoceka ɀamusakakusha.

²²Akati kwaari: Ndicakutoŋga namashoko ako amene, iwe muranda wakaipa! Wakaŋga uciziʋa kuti ndiri munhu unehasha, ndicitora ɀandisakaisa, ndiciceka ɀandisakakusha;

²³ɀino wakaregereiko kuisa mari yaŋgu mubaŋga, ndikazoitora pakudzoka kwaŋgu yawanda.

²⁴Ipapo akati kunaʋakaŋga ʋamire’po: Mutorerei pondo iyo, muipe unepondo dzinegumi.

²⁵Ʋakati kwaari: Ishe, watoʋa nepondo dzinegumi.

²⁶Ndinoti kwamuri: Mumŋe nomumŋe unecinhu, ucapiwa; asi usina, ucatorerwa neɀaanaɀo.

²⁷Asi ʋaʋeŋgi ʋaŋgu aʋo, ʋakaŋga ʋasiŋgaɗi kuti ndiʋe ishe waʋo, ʋuyai naʋo pano, muʋaʋuraye pamberi paŋgu.

²⁸Wakati areʋa iɀoɀo, akatuŋgamirira mberi, acikwira Jerusarema.

²⁹Wakati osweɗera Betfage neBetania, kugomo rinonzi reMiorivi, akatuma ʋadzidzi ʋake ʋaʋiri,

³⁰aciti: Endai kumusha wakatarisana nemi; kana mucipinda mauri, mucawana mhuru yemboŋgoro yakasuŋgirwa, isina‐kumbotaȿwa nomunhu; muisunuŋgure, mugoʋuya nayo.

³¹Kana mumŋe akakubvunzai, aciti: Munoisunuŋgurireiko? muti kwaari kuɗai: Ishe unoiɗa.

³²Aʋo ʋakatumŋa ʋakaenda, ʋakandowana seɀaakaŋga aʋaʋudza.

³³Ɀino ʋakati ʋacisunuŋgura mhuru, ʋene ʋayo ʋakati kwaʋari: Munosunuŋgurireiko mhuru?

³⁴Ʋakati: Ishe unoiɗa.

³⁵Ʋakaʋuya nayo kunaJesu, ʋakaisa ŋguʋo dzaʋo pamsoro pemhuru, ʋakataȿisa Jesu pamsoro payo.

³⁶Ɀino acifamba, ʋakawarira ŋguʋo dzaʋo munzira.

³⁷Akati osweɗera pamaɓurusiro egomo reMiorivi, ʋadzidzi ʋake ʋazhinji ʋose ʋakataŋga kufara nokurumbidza Mŋari nenzwi guru pamsoro pamaɓasa ose esimba aʋakaŋga ʋaʋona,

³⁸ʋaciti: Mambo ŋgaakudzwe, iye unoʋuya muzita raShe! Rugare ŋgaruʋe kuɗeŋga, nokubginya kumsoro‐soro!

³⁹Ʋamŋe ʋaFarise pakati paʋazhinji ʋakati kwaari: Mudzidzisi, rairai ʋadzidzi ʋenyu!

⁴⁰Akapindura, akati: Ndinokuʋudzai, kana aʋa ʋakanyarara, mabge aŋgaɗanidzira.

⁴¹Ɀino wakati asweɗera pedyo, akaʋona guta, akacema pamsoro paro,

⁴²aciti: Ƌai waiziʋa iwe zuʋa rino ɀinhu ɀiŋgakupa rugare, asi ɀino ɀakaʋanzirwa meso ako!

⁴³Nokuti ucaȿikirwa namazuʋa, aucaʋakirwa nawo mucinjiziri naʋaʋeŋgi ʋako, ʋacakukomba, nokukumanikidza pamatiʋi ose;

⁴⁴ʋacakuparadzira pasi, iwe naʋana ʋako mukati mako; haʋaŋgaregi mukati mako ibge rimŋe riri pamsoro perimŋe; nokuti hauna‐kuziʋa ŋguʋa yokushanyirwa kwako.

⁴⁵Ɀino wakapinda mutembere, akataŋga kuɓuɗisira kunze ʋakaŋga ʋaciteŋgesa’mo,

⁴⁶aciti kwaʋari: Kwakanyorwa kuti imba yaŋgu icaʋa imba yokunyeŋgetera; asi imi makaiita ɓako ramakororo.

⁴⁷Waidzidzisa zuʋa rimŋe nerimŋe mutembere; asi ʋaprista ʋakuru naʋanyori naʋakuru ʋaʋanhu ʋakaŋga ʋacitȿaka kumuʋuraya.

⁴⁸Asi ʋakaŋga ʋasiŋgawani ɀaʋaŋgaita, nokuti ʋanhu ʋose ʋakamunamatira, ʋacimunzwa.