Read Original Shona Union Bible 1949 Baiberi Magwaro Matȿene aMŋari Ruka 22 Bible Online

Ruka 22 - Original Shona Union Bible 1949 Baiberi Magwaro Matȿene aMŋari bible

Ruka 22

¹Ɀino mutambo weɀiŋgwa ɀisinembiriso, unonzi paseka, wakasweɗera.

²Ʋaprista ʋakuru naʋanyori ʋakatȿaka kuti ʋaŋgamuʋuraya sei; nokuti ʋakaŋga ʋacitya ʋanhu.

³Ɀino Satani wakapinda kunaJudasi wainzi Iskarioti, mumŋe waʋanegumi naʋaʋiri.

⁴Akaenda, akandoraŋgana naʋaprista ʋakuru naʋakuru ʋetembere, kuti uŋgamuisa kwaʋari sei.

⁵Ʋakafara, ʋakatenderana naye ʋose kuti ʋamupe mari.

⁶Akatenda, akatȿaka ŋguʋa yokumuisa nayo kwaʋari pasinaʋanhu ʋazhinji.

⁷Ɀino zuʋa reɀiŋgwa ɀisinembiriso rakati raȿika, rakafanira kuɓayirwa paseka naro,

⁸akatuma Petro naJohane, aciti: Endai, mundotigadzirira paseka, kuti tidye.

⁹Ʋakati kwaari: Munoɗa kuti tigadzirirepiko?

¹⁰Akati kwaʋari: Tarirai, kana mapinda muguta, mucasoŋgana nomunhu akatakura ciroŋgo cemvura; mumuteʋere iye kumba kwanoenda;

¹¹muti kumŋene weimba: Mudzidzisi unoti kwauri: Imba yaʋaeni iripiko, mandiŋgadyira paseka naʋadzidzi ʋaŋgu?

¹²Ucakuratidzai imba huru iri kumsoro, yakaroŋgedzwa; gadzirai ipapo.

¹³Ʋakaenda, ʋakandowana seɀaakaŋga aʋaʋudza; ʋakagadzira paseka.

¹⁴Ɀino ŋguʋa yakati yaȿika, akagara pakudya naʋaapostora.

¹⁵Akati kwaʋari: Ndakaŋga ndiciɗa ɀikuru kudya paseka iyi nemi ndisati ndatambudzika.

¹⁶Nokuti ndinoti kwamuri: Handicazoidyi, kuȿikira yaitika muʋushe bgaMŋari.

¹⁷Ɀino akatora mukombe; akaʋoŋga, akati: Torai ici, mugoʋane pakati penyu.

¹⁸Nokuti ndinoti kwamuri: Kubva ɀino handicatoŋgonwi ɀe ɀiɓereko ɀomuzambiriŋga, kuȿikira ʋushe bgaMŋari bgaȿika.

¹⁹Akatora ciŋgwa, akaʋoŋga, akameɗura, akaʋapa, aciti: Ici muʋiri waŋgu, unopiwemi; itai iɀi, mugondiraŋgarira.

²⁰Nokuɗaro ʋo, ʋapedza kurayira, akatora mukombe, akati: Mukombe uyu isuŋgano itȿa muropa raŋgu, rinoteʋurirwemi.

²¹Asi tarirai, ruʋoko rwaiye, unondipandukira, runeni patafura.

²²Nokuti Mŋanakomana womunhu unoenda hake, seɀaɀakatemŋa; asi unenhamo munhu uyo waanopandukirwa naye.

²³Ipapo ʋakataŋga kubvunzana kuti ndianiko kwaʋari uŋgaita cinhu ico.

²⁴Ɀino nharo dzakamuka pakati paʋo kuti ndiani kwaʋari ucanzi mukuru.

²⁵Akati kwaʋari: Madzimambo aʋahedeni anesimba pamsoro paʋo, naʋaɓati ʋaʋo ʋanonzi ʋaɓatsiri.

²⁶Ɀino imi musaɗaro, asi mukuru kwamuri ŋgaaʋe somuɗuku, nomutuŋgamiri sounoshumira.

²⁷Nokuti ndianiko mukuru, ugere pakudya, kana unomushumira? Haazi iye ugere pakudya here? Asi ini ndiri pakati penyu sounoshumira.

²⁸Ɀino imi ndimi makagara neni pamiidzo yaŋgu.

²⁹Ndinokugarisai nhaka yoʋushe saƂaɓa ʋaŋgu ʋakandigarisa nhaka,

³⁰kuti mugodya nokunwa patafura raŋgu muʋushe bgaŋgu; mucagara paɀigaro ɀoʋushe, mucitoŋga marudzi anegumi namaʋiri aʋaIsraeri.

³¹Simoni! Simoni! tarira Satani wakakumbira kuti akuzuŋgurei imi seɀiyo;

³²asi ini ndakakukumbirira iwe, kuti kutenda kwako kurege kupera; iwe kana watendeʋuka, usimbise hama dzako.

³³Akati kwaari: Ishe, ndakaɀigadzirira kuenda nemi mutoroŋgo, kunyaŋge kurufu.

³⁴Akati: Petro, ndinoti kwauri: Nhasi, joŋgwe risati rarira, ucaramba katatu uciti haundiziʋi.

³⁵Ɀino akati kwaʋari: Musi wandakakutumai, musinecikwama nehomboɗo neshaŋgu, makashaiwa cinhu here? Ʋakati: Hakuna.

³⁶Akati kwaʋari: Asi ɀino, unecikwama, ŋgaacitore, nokuɗaro ʋo unehomboɗo; usinomunondo, ŋgaateŋgese ŋguʋo yake, auteŋge.

³⁷Nokuti ndinoti kwamuri, kuti iɀi ɀakanyorwa ɀinofanira kuitika kwandiri, ɀinoti: Wakaʋereŋgwa pamŋe cete naʋaɗariki ʋomurairo; nokuti iɀo ɀakanyorwa pamsoro paŋgu ɀoitika.

³⁸Ipapo ʋakati: Ishe, tarirai, heyi minondo miʋiri. Akati kwaʋari: Ɀariŋgana.

³⁹Ɀino wakaɓuɗa, akaenda kugomo reMiorivi, seɀaaisiita; naʋadzidzi ʋake ʋakamuteʋera.

⁴⁰Wakati aȿika panɀimbo iyo, akati kwaʋari: Nyeŋgeterai kuti murege kupinda pakuidzwa.

⁴¹Akaparadzana naʋo, cinhambo ciŋgaȿika ibge, kana rikaposherwa; akafugama, akanyeŋgetera,

⁴²aciti: Ƃaɓa, kana muciɗa, bvisai mukombe uyu kwandiri! Asi kuɗa kwaŋgu kurege kuitwa, asi kwenyu.

⁴³Ipapo mutumŋa akaʋonekwa naye, wakabva kuɗeŋga, akamusimbisa.

⁴⁴Ɀino, ari pakutambudzika kukuru, wakanyanya kunyeŋgetera; ziya rake rikaita samaɗonhwe eropa, akaɗonhera pasi.

⁴⁵Akasimuka pakunyeŋgetera, akaenda kuʋadzidzi, akaʋawana ʋaʋata neshuŋgu dzomŋoyo.

⁴⁶Akati kwaʋari: Maʋatireiko? Mukai, munyeŋgetere, kuti murege kupinda pakuidzwa.

⁴⁷Wakati acataura, tarira, ʋanhu ʋazhinji, naiye wainzi Judasi, mumŋe waʋanegumi naʋaʋiri, akaʋatuŋgamirira; akasweɗera kunaJesu, kuti amuȿete.

⁴⁸Jesu akati kwaari: Judasi, unopandukira Mŋanakomana womunhu nokuȿeta here?

⁴⁹Ɀino ʋaiʋa naye ʋakati ʋaciʋona ɀicaitika, ʋakati: Ishe, totema neminondo here?

⁵⁰Ipapo mumŋe waʋo akatema muranda womuprista mukuru, akamugura nzeʋe yorudyi.

⁵¹Jesu akapindura, akati: Regai, ɀariŋgana. Akaɓata nzeʋe yake, akamuporesa.

⁵²Ɀino Jesu akati kuʋaprista ʋakuru naʋakuru ʋetembere, naʋakuru ʋakaŋga ʋaʋuya kwaari kumuɓata: Maɓuɗa neminondo netȿimbo sokugororo here?

⁵³Ndaiʋa nemi mutembere mazuʋa ose mukasandiɓata; asi ɀino iŋguʋa yenyu nesimba rerima.

⁵⁴Ɀino ʋakamuɓata, ʋakaenda naye, ʋakandomuisa kumba kwomuprista mukuru. Petro akateʋera ari kure.

⁵⁵Ʋakati ʋaʋesa mŋoto pakati poruʋazhe, ʋakagara pasi pamŋe cete, naPetro akagara pakati paʋo.

⁵⁶Ɀino mumŋe mushandiri wakati acimuʋona agere muciedza comŋoto, akamutarisisa, akati: Noyuyu ʋo wakaŋga anaye.

⁵⁷Asi iye wakaramba, aciti: Iwe mukadzi, handimuziʋi.

⁵⁸Garegare, mumŋe ɀe akamuʋona, akati: Iwe uri mumŋe waʋo. Petro akati: Iwe munhu, handizati.

⁵⁹Ŋguʋa ineŋge seimŋe yakati yapfuʋura, mumŋe ɀe akasimbisa, aciti: Ɀirokwaɀo, uyu wakaŋga anaye ʋo; nokuti muGarirea.

⁶⁰Petro akati: Iwe munhu, handiziʋi ɀaunoreʋa! Pakarepo, acataura, joŋgwe rikarira.

⁶¹Ipapo Ishe akatendeʋuka, akatarira Petro. Petro akaraŋgarira shoko raShe, raakaŋga amuʋudza, aciti: Joŋgwe risati rarira nhasi, ucandiramba katatu.

⁶²Akaɓuɗa, akacema ɀikuru.

⁶³Ʋarume ʋo ʋakaŋga ʋaɓata Jesu, ʋakamuseka, nokumuroʋa.

⁶⁴Ʋakafukidzira meso ake, ʋakamubvunza, ʋaciti: Profita kuti ndiani wakuroʋa.

⁶⁵Neɀimŋe ɀizhinji ʋakareʋa kwaari, ʋacimutuka.

⁶⁶Ɀino kwakati kwaedza, ʋakuru ʋaʋanhu naʋaprista ʋakuru naʋanyori ʋakaʋuŋgana, ʋakamuisa kumakurukota aʋo,

⁶⁷ʋaciti: Kana uri Kristu, utiʋudze. Iye akati kwaʋari: Kana ndikakuʋudzai, hamuŋgatendi.

⁶⁸Kana ndikakubvunzai, hamuŋgandipinduri.

⁶⁹Asi kubva ɀino Mŋanakomana womunhu ucagara kurudyi rwesimba raMŋari.

⁷⁰Ipapo ʋose ʋakati: Uri Mŋanakomana waMŋari kanhi? Akati kwaʋari: Mareʋa kuti ndini iye.

⁷¹Iʋo ʋakati: Ticatȿakireiko capupu? Nokuti taɀinzwira timene pamuromo wake.