Read Original Shona Union Bible 1949 Baiberi Magwaro Matȿene aMŋari Ruka 23 Bible Online

Ruka 23 - Original Shona Union Bible 1949 Baiberi Magwaro Matȿene aMŋari bible

Ruka 23

¹Ɀino ʋose ʋakaŋga ʋakaʋuŋgana, ʋakasimuka, ʋakaenda naye kunaPirato.

²Ʋakataŋga kumupomera mhoȿa, ʋaciti: Takawana munhu uyu acitsausa rudzi rweɗu, aciʋadziʋisa kuti ʋarege kuʋigira Kesari mutero; ʋuye aciɀiidza Kristu Mambo.

³Ipapo Pirato akamubvunza, akati: Ko uri Mambo waʋaJuda here? Akamupindura, akati: Ndiɀo ɀamareʋa.

⁴Pirato akati kuʋaprista ʋakuru nokuʋazhinji: Handiwani mhoȿa kumunhu uyu.

⁵Iʋo ʋakanyanya, ʋaciti: Unomutsa ʋanhu, acidzidzisa muJudea rose, acitaŋga paGarirea kuȿikira pano.

⁶Pirato wakati acinzwa iɀoɀo, akabvunza kana munhu uyu ari muGarirea.

⁷Akati anzwa kuti unobva kunyika yakaɓatwa naHerode, akamutumira kunaHerode, nokuti wakaŋga ari muJerusarema amene pamazuʋa iwayo.

⁸Ɀino Herode wakafara kwaɀo‐kwaɀo aciʋona Jesu; nokuti waiɗa kumuʋona kare, ɀaakaŋga anzwa ɀake; akafuŋga kuti ucaʋona cimŋe ciratidzo ciŋgaitwa naye.

⁹Akamubvunza mashoko mazhinji; asi iye haana‐kumupindura cinhu.

¹⁰Ʋaprista ʋakuru naʋanyori ʋakamira ʋakamupomera mhoȿa ɀikuru.

¹¹NaHerode naʋarwi ʋake ʋakamuɀidza, nokumuseka; ʋakazomupfekedza ŋguʋo dzinobginya, ʋakamudzosera kunaPirato.

¹²Nomusi uyo Pirato naHerode ʋakayanana; nokuti ʋaiʋeŋgana.

¹³Ɀino Pirato akaʋuŋganidza ʋaprista ʋakuru naʋaɓati naʋanhu,

¹⁴akati kwaʋari: Maʋuya kwandiri nomunhu uyu, muciti: Unotsausa ʋanhu; tarirai ini ndamubvunzisisa pamberi penyu, ndikasawana kumunhu uyu mhoȿa yeɀinhu ɀamunomupomera naɀo;

¹⁵kunyaŋge naHerode ʋo; nokuti wamudzosera kwatiri; tarirai, hakunecinhu cakaitwa naye, cakafanira rufu.

¹⁶Naiɀoɀo ndicamuroʋa, ndigomusunuŋgura. [

¹⁷Nokuti waifanira kuʋasunuŋgurira mumŋe pamutambo.]

¹⁸Asi ʋose ʋakaɗanidzira pamŋe cete, ʋaciti: Bvisai munhu uyu, mutisunuŋgurire Barabasi!

¹⁹Iye wakaŋga asuŋgwa mutoroŋgo nemhaka yeɓope rakaŋga ramutswa muguta, neyokuʋuraya.

²⁰Ɀino Pirato akataura ɀe naʋo, aciɗa kusunuŋgura Jesu.

²¹Asi iʋo ʋakaramba ʋaciɗanidzira, ʋaciti: Roʋerai pamucinjikwa, mumuroʋere pamucinjikwa!

²²Akati kwaʋari rwecitatu: Uyu wakagotadzeiko? Handina‐kuwana mhoȿa yorufu kwaari. Naiɀoɀo ndicamuroʋa, ndigomusunuŋgura.

²³Asi iʋo ʋakasimbisa namanzwi makuru, ʋacikumbira kuti aroʋerwe pamucinjikwa. Manzwi aʋo akakunda.

²⁴Ɀino Pirato akatoŋga kuti ɀaʋakakumbira ɀiitwe;

²⁵akaʋasunuŋgurira uyo waʋakakumbira, wakaŋga asuŋgwa mutoroŋgo nemhaka yeɓope neyokuʋuraya; akaʋapa Jesu ʋaite nokuɗa kwaʋo.

²⁶Ʋakati ʋacienda naye, ʋakaɓata mumŋe, wainzi Simoni weKurini, acibva kuruwa, ʋakaisa mucinjikwa pamsoro pake, kuti autakure shure kwaJesu.

²⁷Akateʋerwa naʋanhu ʋazhinji‐zhinji, naʋakadzi ʋaimuririra nokumucema.

²⁸Asi Jesu wakatendeʋukira kwaʋari, akati: Ʋakunda ʋeJerusarema, musandicema ini, asi muɀiceme imi naʋana ʋenyu;

²⁹nokuti tarirai, mazuʋa anoʋuya, aʋacati: Ʋakaropafadzwa ʋasiŋgaponi, neɀiɀaro ɀisinakutoŋgoɓereka, namazamu asina‐kumŋisa.

³⁰Musi uyo mucataŋga kureʋa kumakomo, muciti: Wirai pamsoro peɗu, nokuɀikomo: Tifukidzei.

³¹Nokuti kana ʋaciita iɀi kumuti munyoro, wakawoma ucaitirweiko?

³²Kwakaŋga kunaʋamŋe ʋatadzi ʋaʋiri ʋo, ʋaʋakaenda naʋo pamŋe cete naye kundoʋurawa.

³³Ɀino ʋakati ʋaȿika panɀimbo inonzi Ƌehenya, ʋakamuroʋera’po naʋatadzi, mumŋe kurudyi mumŋe kuruɓoshwe.

³⁴Ipapo Jesu akati: Ƃaɓa, muʋakaŋganwire, nokuti haʋaziʋi caʋanoita. Ʋakagoʋana ŋguʋo dzake, ʋacikanda mijenya pamsoro padzo.

³⁵Ʋanhu ʋakamira, ʋacitarira; naʋaɓati ʋakamuseka ʋo, ʋaciti: Wakaponesa ʋamŋe; ŋgaaɀiponese, kana ari Kristu waMŋari, Musanaŋgurwa wake.

³⁶Naʋarwi ʋo ʋakamuseka, ʋakaʋuya kwaari, ʋakamupa vinega,

³⁷ʋaciti: Kana uri Mambo waʋaJuda, uɀiponese.

³⁸Ɀino kwakaŋga kunorunyoro ʋo pamsoro pake, rwaiti: UYU NDIMAMBO WAƲAJUDA.

³⁹Mumŋe waʋatadzi ʋakaŋga ʋakaturikwa, wakamutuka, aciti: Hauzi Kristu here? Uɀiponese, nesu ʋo.

⁴⁰Mumŋe akapindura, akamuraira, aciti: Hautyi kunyaŋge naMŋari kanhi, ɀauri pakutoŋgwa kumŋe naye?

⁴¹Kana tirisu, takaitirwa patakafanirwa napo; nokuti isu tinopiwa ɀakafanira maɓasa eɗu; asi uyu haana‐kuita cinhu cisakafanira.

⁴²Ipapo akati: Jesu mundiraŋgarire, kana moȿika muʋushe bgenyu!

⁴³Iye akati kwaari: Ɀirokwaɀo, nhasi ucaʋa neni muParadiso.

⁴⁴Ɀino yakaŋga yaʋa ŋguʋa ineŋge yecitanhatu; rima rikaʋa’po panyika yose, kuȿikira paŋguʋa yepfumbamŋe,

⁴⁵Zuʋa rikaȿiɓa; cidzitiro cetembere cikabvaruka napakati.

⁴⁶Ɀino Jesu akaɗana nenzwi guru, aciti: Ƃaɓa, ndinoisa mŋeya waŋgu pamaʋoko enyu! Akati areʋa iɀoɀo, akaɓuɗisa mŋeya wake.

⁴⁷Ipapo mukuru wezana wakati aʋona ɀaitwa, akarumbidza Mŋari, aciti: Ɀirokwaɀo, munhu uyu wakaŋga akarurama.

⁴⁸Ʋazhinji ʋose ʋakaŋga ʋakaʋuŋgana kuzoʋona iɀoɀo, ʋakati ʋaʋona ɀaitwa, ʋakadzoka ʋaciroʋa ɀifuʋa ɀaʋo.

⁴⁹Naʋazikani ʋake ʋose, naʋakadzi, ʋaimuteʋera ʋacibva Garirea, ʋakamira kure, ʋaciʋona iɀoɀo.

⁵⁰Ɀino kwakaŋga kunomumŋe, wainzi Josefa, mumŋe wamakurukota, murume wakanaka wakarurama,

⁵¹(iye wakaŋga asina‐kutenderana naʋo pakuraŋgana nokuita kwaʋo), waiʋa weArimatia, guta raʋaJuda, wakaŋga acimirira ʋushe bgaMŋari;

⁵²iye akaenda kunaPirato, akandokumbira mutumbu waJesu,

⁵³akauɓurusa, akauputira nomuceka, akauisa mubgiro bgakaŋga bgakacerwa pabge, makaŋga musina‐kumboʋigwa munhu.

⁵⁴Waiʋa musi woKugadzirira, saɓata roɗokutaŋga.

⁵⁵Naʋakadzi ʋakaŋga ʋaʋuya naye, ʋacibva Garirea, ʋakaʋateʋera, ʋakaʋona bgiro, nomuisirwe womutumbu wake.

⁵⁶Ʋakadzoka, ʋakagadzira ɀinonhuwira namafuta. Ʋakazorora nomusi wesaɓata ʋaciterera murairo.