Read Original Shona Union Bible 1949 Baiberi Magwaro Matȿene aMŋari Ruka 7 Bible Online

Ruka 7 - Original Shona Union Bible 1949 Baiberi Magwaro Matȿene aMŋari bible

Ruka 7

¹Ɀino wakati apedzisa mashoko ake ose, ʋanhu ʋacianzwa, akapinda Kapernaume.

²Muranda womumŋe mukuru wezana waiɗikanwa naye, wakaŋga acirwara, acitandadza.

³Ɀino wakati anzwa ɀaJesu, akatuma ʋakuru ʋaʋaJuda kwaari acikumbira kuti aʋuye kuzoporesa muranda wake.

⁴Iʋo ʋakati ʋaciȿika kunaJesu, ʋakakumbira ɀikuru kwaari, ʋaciti: Iye wakafanira kuti mumuitire iɀoɀo;

⁵nokuti unoɗa rudzi rweɗu, ndiye wakatiʋakira sinagoge reɗu.

⁶Jesu akaenda naʋo. Ɀino aʋa pedyo neimba, mukuru wezana akatuma shamŋari dzake, kuzoti kwaari: Ishe, musaɀitambudza; nokuti handina‐kufanirwa kuti mupinde mumba maŋgu;

⁷naiɀoɀo ndakati handifaniri kuʋuya kwamuri; asi taurai henyu shoko, muranda waŋgu ucapora.

⁸Nokuti neni ʋo ndiri munhu wakaiswa pasi paʋamŋe, ndinaʋarwi pasi paŋgu; kana ndikati kunomumŋe: Enda! unoenda; kunomumŋe: Ʋuya! unoʋuya; nokumuranda waŋgu: Ita cici, unoita.

⁹Jesu wakati acinzwa iɀoɀo, akashamiswa naye, akatendeʋuka, akati kuʋazhinji ʋakaŋga ʋacimuteʋera: Ndinoti kwamuri: Handina‐kumboʋona kutenda kwakaɗai, kunyaŋge napakati paʋaIsraeri.

¹⁰Ʋakaŋga ʋatumŋa ʋacidzokera kumba, ʋakandowana muranda apora.

¹¹Ɀino nezuʋa rinoteʋera, wakaenda kuguta rainzi Naini; ʋadzidzi ʋake naʋanhu ʋazhinji‐zhinji ʋakaenda naye.

¹²Ɀino, wakati acisweɗera pedyo nesuʋo reguta, akaʋona ʋanhu ʋakaŋga ʋakatakura wakafa, mŋanakomana mumŋe woga wamai ʋake, yaiʋa cirikadzi; naʋanhu ʋazhinji ʋeguta ʋakaŋga ʋanaye.

¹³Ɀino Ishe wakati acimuʋona, akamunzwira tsitsi, akati kwaari: Usacema.

¹⁴Ipapo akasweɗera, akaɓata bganyanza; ʋakaŋga ʋacitakura ʋakamira. Akati: Jaya, ndinoti kwauri: Muka.

¹⁵Iye wakaŋga afa akagara, akataŋga kutaura; akamupa mai ʋake.

¹⁶Ʋakaɓatwa ʋose nokutya; ʋakarumbidza Mŋari, ʋaciti: Muprofita mukuru wakamuka pakati peɗu; ʋuye ɀe: Mŋari wakashanyira ʋanhu ʋake.

¹⁷Shoko iri pamsoro pake rikanzwika muJudea rose nenyika yose yakapoteredza.

¹⁸Ʋadzidzi ʋaJohane ʋakamuʋudza iɀoɀo ɀose.

¹⁹Johane akaɗana ʋadzidzi ʋake ʋaʋiri, akaʋatuma kunaShe neshoko rokuti: Ko ndimi iye wakaŋga acinzi unoʋuya here, kana ticakatarira mumŋe?

²⁰Ɀino ʋarume ʋaciȿika kwaari, ʋakati: Johane Mubapatidzi wakatitumira kwamuri neshoko rokuti: Ko ndimi iye wakaŋga acinzi unoʋuya here, kana ticakatarira mumŋe?

²¹Neŋguʋa iyo akaporesa ʋazhinji hosha dzaʋo, noʋurwere, nemŋeya yakaipa; namapofu mazhinji wakaaȿinudza.

²²Akapindura, akati kwaʋari: Endai, mundoʋudza Johane ɀamakaʋona neɀamakanzwa; ɀokuti, mapofu anoʋona, ʋanokamhina ʋanofamba, ʋanamaperembudzi ʋanonatswa, ʋematsi ʋanonzwa, ʋakafa ʋanomutswa, naʋarombo ʋanoparidzirwa Evaŋgeri.

²³Wakaropafadzwa usiŋgagumbuswi neni.

²⁴Nhume dzaJohane dzakati dzabva, akataŋga kuʋudza ʋanhu ʋazhinji pamsoro paJohane, aciti: Makaŋga maɓuɗa kundoʋoneiko kurenje? Rutsaŋga runozunuŋguswa nemhepo here?

²⁵Asi makaŋga maɓuɗa kundoʋoneiko? Munhu wakapfeka ŋguʋo nyoro here? Tarirai, ʋaneŋguʋo dzinobginya, naʋanogara ɀinonaka, ʋari mudzimba dzamadzimambo.

²⁶Asi makaŋga maɓuɗa kundoʋoneiko? Muprofita here? Hoŋo, ndinoti kwamuri: Unopfuʋura ɀikuru muprofita.

²⁷Uyu ndiye wakanyorwa pamsoro pake, ɀicinzi: Tarira, ndinotuma munyai waŋgu pamberi pako, Ucakugadzirira nzira yako pamberi pako.

²⁸Ndinoti kwamuri: Kunaʋakaɓerekwa naʋakadzi, hakunomukuru kunaJohane Mubapatidzi; asi muɗuku muʋushe bgaMŋari mukuru kwaari.

²⁹Ɀino ʋanhu ʋose naʋateresi ʋakati ʋaciɀinzwa, ʋakati Mŋari wakarurama, ɀaʋakaŋga ʋabapatidzwa norubapatidzo rwaJohane.

³⁰Asi ʋaFarise naʋaɗudziri ʋomurairo ʋakaramba kufuŋga kwaMŋari pamsoro paʋo, ʋakasabapatidzwa naye.

³¹Naiɀoɀo ʋanhu ʋorudzi urwu ndicaʋafananidza neiko? Ʋakafanana nei?

³²Ʋakafanana naʋana ʋagere paɗare, ʋanoɗanidzirana, ʋaciti: Takakuridzirai nyere, mukasatamba; takakuririrai, mukasacema.

³³Nokuti Johane Mubapatidzi wakaʋuya, asiŋgadyi ciŋgwa, asiŋganwi waini, ɀino moti: Unomŋeya wakaipa.

³⁴Mŋanakomana womunhu wakaʋuya acidya, acinwa, ɀino moti: Tarirai, munhu unokara, nomunwi, neshamŋari yaʋateresi naʋatadzi.

³⁵Asi ʋucenjeri bgunoruramiswa naʋana ʋabgo ʋose.

³⁶Ɀino mumŋe waʋaFarise wakakumbira kuti adye naye. Akapinda mumba momuFarise uyo, akagara pakudya.

³⁷Ɀino tarira, muguta iro makaŋga munomukadzi waiʋa mutadzi; iye wakati anzwa kuti ugere pakudya mumba momuFarise, akaʋuya necinu cearbastera caiʋa necizoro,

³⁸akamira patsoka dzake mashure make, aciŋgocema, akataŋga kunyoroʋesa tsoka dzake nemisodzi, akadzipisika nevudzi romusoro wake, ndokuȿeta tsoka dzake ndokudzizodza necizoro.

³⁹Ɀino muFarise wakaŋga amuɗana, wakati aciɀiʋona, akareʋa mumŋoyo make, aciti: Munhu uyu, ɗai aiʋa muprofita, uŋgaɗai aiziʋa mukadzi uyu unomuɓata kuti ndiani, ʋuye kuti wakaɗini, nokuti mutadzi.

⁴⁰Ipapo Jesu akapindura, akati kwaari: Simoni ndineshoko newe. Akati: Reʋai henyu, Mudzidzisi.

⁴¹Jesu akati: Ʋanhu ʋaʋiri ʋakaŋga ʋanecikwerete kumunhu mumŋe; mumŋe wakaŋga anecikwerete camadenari anamazana mashanu,[1] mumŋe camakumi mashanu.[2]

⁴²Ʋakati ʋashaiwa cokuripa naco, akaŋgoʋakaŋganwira ʋose ʋari ʋaʋiri. Ɀino ndoupiko kwaʋari ucanyanya kumuɗa?

⁴³Simoni akapindura, akati: Handiti ndiye wakakaŋganwirwa ɀizhinji here? Akati kwaari: Wareʋa kwaɀo.

⁴⁴Ɀino akatendeʋukira kumukadzi, akati kunaSimoni: Unoʋona mukadzi uyu here? Ndakapinda mumba mako, ukasandipa mvura yetsoka dzaŋgu; asi uyu wakanyoroʋesa tsoka dzaŋgu nemisodzi yake, akadzipisika nevudzi rake.

⁴⁵Hauna‐kundiȿeta, asi uyu ciŋguri candapinda, naana‐kurega kuseta tsoka dzaŋgu.

⁴⁶Hauna‐kundizodza musoro waŋgu namafuta, asi uyu wakazodza tsoka dzaŋgu necizoro.

⁴⁷Naiɀoɀo ndinoti kwauri: Ɀiʋi ɀake, ɀiya ɀizhinji, waɀikaŋganwirwa, nokuti wakaɗa ɀikuru; asi unokaŋganwirwa ɀishoma, unoɗa ɀishoma.

⁴⁸Ɀino akati kwaari: Wakaŋganwirwa ɀiʋi ɀako.

⁴⁹Ʋakaŋga ʋagere naye pakudya ʋakataŋga kureʋa mumŋoyo yaʋo, ʋaciti: Uyu ndianiko unokaŋganwira ɀiʋi ʋo?

⁵⁰Akati kumukadzi: Kutenda kwako kwakuraramisa; enda hako norugare.