Read Original Shona Union Bible 1949 Baiberi Magwaro Matȿene aMŋari Ruka 8 Bible Online

Ruka 8 - Original Shona Union Bible 1949 Baiberi Magwaro Matȿene aMŋari bible

Ruka 8

¹Ɀino shure kwaiɀoɀo, wakapota nokumaguta nemisha, aciparidza nokureʋa ɀeEvaŋgeri yoʋushe bgaMŋari, ʋanegumi naʋaʋiri ʋanaye.

²Naʋamŋe ʋakadzi ʋakaŋga ʋaporeswa pamŋeya yakaipa napamarwere, ʋaiti, Maria unonzi Magdarene, iye wakaŋga aɓuɗa mŋeya yakaipa minomŋe kwaari,

³naJohana, mukadzi waKuza, mutariri waHerode, naSusana, naʋamŋe ʋazhinji, ʋaimushumira neɀaʋo.

⁴Ɀino ʋanhu ʋazhinji‐zhinji ʋakati ʋaʋuŋgana, naʋakaŋga ʋabva kumaguta ose ʋaȿika kwaari, akataura nomufananidzo, akati:

⁵Mukushi wakaɓuɗa kundokusha mbeu dzake; wakati acikusha, dzimŋe mbeu dzakawira panzira, dzikatsikwa, shiri dzokuɗeŋga dzikadzidya.

⁶Dzimŋe dzakawira paruware; dzikamera, dzikawoma, nokushaiwa mŋando.

⁷Dzimŋe dzakawira pakati peminzwa; minzwa ikakura pamŋe cete nadzo, ikadzivuŋga.

⁸Dzimŋe dzakawira muvu rakanaka, dzikamera, dzikaɓereka ɀiɓereko ɀinezana. Akati ataura iɀoɀo, akaɗanidzira, aciti: Unenzeʋe dzokunzwa, ŋgaanzwe.

⁹Ɀino ʋadzidzi ʋake ʋakamubvunza, kuti mufananidzo uyo waireʋei.

¹⁰Akati: Imi makapiwa kuziʋa ɀakaʋanzika ɀoʋushe bgaMŋari; asi ʋamŋe ʋanoɀipiwa nemifananidzo, kuti ʋaciʋona, ʋarege kuʋona; ʋacinzwa, ʋarege kunzwisisa.

¹¹Ɀino mufananidzo ndiwo: Mbeu ishoko raMŋari.

¹²Aʋo ʋapanzira ndiʋo ʋakanzwa; ɀino Diaborosi unoʋuya, akabvisa shoko pamŋoyo yaʋo, kuti ʋarege kutenda, ʋakaponeswa.

¹³Aʋo ʋaparuware ndiʋo ʋanoti kana ʋanzwa shoko, ʋanorigamucira nomufaro; haʋanomudzi, ʋanoŋgotenda ŋguʋa ɗuku; neŋguʋa yokuidzwa ʋanotsauka.

¹⁴Dzakawira pakati peminzwa ndiʋo ʋakanzwa; ɀino ʋanoenda, ʋakavuŋgiwa nokufuŋganya nefuma, neɀinofadza ɀoʋupenyu bguno, ʋakasaȿitsa ɀiɓereko.

¹⁵Asi dzomuvu rakanaka, ndiʋo ʋakanzwa shoko mumŋoyo wakarurama nowakanaka, ʋanoriceŋgeta, ʋaciɓereka ɀiɓereko nokutsuŋgirira.

¹⁶Hakunomunhu, unoti kana atuŋgidza mŋenje, unozoufukidzira nomudziyo, kana kuuisa pasi pomubeda; asi unouisa pacigadziko, kuti ʋanopinda ʋaʋone ciedza.

¹⁷Nokuti hakuna‐cakaʋanzika, cisiŋgazoʋoneswi, hakuna‐cakaʋigwa, cisiŋgazozikanwi, nokuɓuɗa pacena.

¹⁸Naiɀoɀo, cenjerai mutoʋo wamunonzwa nawo; nokuti unaɀo, ucapiwa; usina, ucatorerwa naiceco ʋo caanoti ndinaco.

¹⁹Ɀino mai ʋake naʋanuŋuna ʋake ʋakaʋuya kwaari, ʋakasagona kuȿika kwaari nemhaka yaʋanhu ʋazhinji.

²⁰Akaʋudzwa, ɀicinzi: Mai ʋenyu naʋanuŋuna ʋenyu ʋamire kunze, ʋanoɗa kukuʋonai.

²¹Akapindura, akati kwaʋari: Mai ʋaŋgu naʋanuŋuna ʋaŋgu ndiʋo ʋanonzwa shoko raMŋari ʋaciriita.

²²Ɀino nerimŋe ramazuʋa iwayo wakapinda mugwa naʋadzidzi ʋake, akati kwaʋari: Ŋgatiyambukire mhiri kweguŋgwa. Ʋakaenda.

²³Ɀino ʋakati ʋacienda, iye akaʋata; ɗutu guru remhepo rikaʋuya paguŋgwa; ʋakataŋga kuzarirwa nemʋura, ʋakaʋa munjodzi.

²⁴Ʋakaʋuya kwaari, ʋakamumutsa, ʋaciti: Tenzi! Tenzi! tofa! Ipapo akamuka, akaraira mhepo namafuŋgu emvura; ɀikaguma, kukadzikama.

²⁵Ɀino akati kwaʋari: Kutenda kwenyu kuripiko? Ʋakatya nokushamiswa, ʋakataurirana, ʋaciti: Ndianiko uyu, ɀaanoraira kunyaŋge nemhepo nemvura, ɀicimuterera?

²⁶Ɀino ʋakaȿika kunyika yaʋaGerasa, yakatarisana neGarirea.

²⁷Wakati aciɓuɗa mugwa panyika, mumŋe murume weguta akasoŋgana naye, wakaŋga anemŋeya yakaipa; ŋguʋa huru wakaŋga asina‐kupfeka ŋguʋo, asiŋgagari mumba, asi mumarinda.

²⁸Ɀino iye wakati aciʋona Jesu, akaɗanidzira, ndokuɀiwisira pamberi pake, akati nenzwi guru: Ndinemhaka yeiko nemi Jesu, Mŋanakomana woWokumsoro‐soro? Ndinokumbira kwamuri kuti musanditambudza.

²⁹Nokuti wakaraira mŋeya wetȿina kuti uɓuɗe kumunhu. Nokuti kazhinji wakaŋga waɓatwa nawo; akasuŋgwa neɀisuŋgo namaketani akarindiwa; akaɗambura ɀisuŋgo, akadziŋgirwa kumarenje nomŋeya wakaipa.

³⁰Jesu akamubvunza, aciti: Zita rako ndianiko? Akati: Regioni. Nokuti mŋeya yakaipa mizhinji yakaŋga yapinda maari.

³¹Ikakumbira ɀikuru kwaari, kuti arege kuiraira kuti iende kwakadzika‐dzika.

³²Ɀino kwakaŋga kuri’po ɓoka guru reŋguruʋe zhinji, raifura mugomo; ikakumbira ɀikuru kwaari, kuti aitendere kupinda madziri; akaitendera.

³³Mŋeya yakaipa ikaɓuɗa kumunhu, ikapinda muŋguruʋe; ipapo ɓoka rakamhanyira kumawere kuguŋgwa, rikaɓitirirwa.

³⁴Ʋaidzifudza ʋakati ʋaʋona ɀaitwa, ʋakatiza, ʋakandoʋudza iɀoɀo muguta naparuwa.

³⁵Ʋakaɓuɗa kundoʋona ɀaitwa; ʋakasika kunaJesu, ʋakandowana munhu, makaŋga maɓuɗa mŋeya yakaipa maari, agere patsoka dzaJesu, apfeka, aʋa munhu kwaye; ʋakatya.

³⁶Ʋakaŋga ʋaɀiʋona ʋakaʋaʋudza mutoʋo waakaporeswa nawo, iye waiʋa nemŋeya yakaipa.

³⁷Ʋanhu ʋose ʋenyika yakapoteredza yaʋaGerasa ʋakakumbira kwaari kuti abve kwaʋari, nokuti ʋakaŋga ʋaɓatwa nokutya kukuru. Akapinda mugwa, akadzoka.

³⁸Asi munhu uyo, makaŋga maɓuɗa mŋeya yakaipa maari, wakakumbira kwaari kuti agare naye. Asi wakamudzosa, aciti:

³⁹Dzokera kumba kwako, undotaura ɀinhu ɀikuru ɀawaitirwa naMŋari. Akaenda, akandoparidza muguta rose ɀinhu ɀikuru ɀaakaitirwa naJesu.

⁴⁰Ɀino Jesu wakati acidzoka, ʋazhinji ʋakamugamucira; nokuti ʋose ʋakaŋga ʋakamumirira.

⁴¹Ipapo mumŋe murume, wainzi Jairosi, wakaŋga ari mukuru wesinagoge, wakaʋuya akaɀiwisira patsoka dzaJesu, akakumbira ɀikuru kwaari kuti apinde mumba make.

⁴²Nokuti wakaŋga anomukunda mumŋe cete, waiʋa namakore aneŋge gumi namaʋiri, wakaŋga otandadza. Ɀino wakati acienda, ʋanhu ʋazhinji ʋakamumanikidza.

⁴³Ipapo mumŋe mukadzi, waiʋa nokurwara kwokuɓuɗa ropa makore anegumi namaʋiri, wakaŋga apedzera paŋaŋga ɀose ɀaairarama naɀo, asiŋgaporeswi neimŋe,

⁴⁴akaʋuya mashure make, akaɓata mupendero weŋguʋo yake, pakarepo kuɓuɗa kwake kweropa kukaguma.

⁴⁵Jesu akati: Ndianiko wandiɓata? Ɀino ʋose ʋakati ʋaciramba, Petro akati: Tenzi, ʋanhu ʋazhinji ʋanokumanikidzai nokukutsikirirai.

⁴⁶Asi Jesu wakati: Mumŋe wandiɓata, nokuti ndanzwa kuti simba raɓuɗa kwandiri.

⁴⁷Ɀino mukadzi wakati aciʋona kuti haana‐kuʋanzika, akaʋuya, aciɗeɗera, akaɀiwisira pasi pamberi pake, akamuʋudza pamberi paʋose kuti wakaŋga amuɓata nemhaka yei, ʋuye kuti wakaporeswa pakarepo.

⁴⁸Akati kwaari: Mukunda, kutenda kwako kwakuporesa, enda hako norugare.

⁴⁹Wakati acataura, mumŋe akaȿika, acibva kumba kwomukuru wesinagoge, akati kwaari: Mukunda wenyu wafa; regai henyu kutambudza Mudzidzisi.

⁵⁰Ɀino Jesu wakati aciɀinzwa, akapindura, akati: Usatya, tenda ɓedzi, iye ucaponeswa.

⁵¹Ɀino wakati aȿika kumba, akasatendera munhu kupinda naye, asi Petro, naJohane, naJakobo, naɓaɓa ʋomusikana, namai.

⁵²Ʋose ʋakaŋga ʋacicema, ʋacimuririra. Iye akati: Musacema, haana‐kufa, asi uʋete.

⁵³Ʋakamuseka, ʋaciziʋa kuti wafa.

⁵⁴Ɀino iye wakaɓata ruʋoko rwake, akaɗana, aciti: Musikana, muka!

⁵⁵Ipapo mŋeya wake wakadzoka, akamuka pakarepo. Akaraira kuti apiwe ɀokudya.

⁵⁶Ʋaɓereki ʋake ʋakashamiswa, asi wakaʋaraira kuti ʋarege kuʋudza munhu ɀakaitwa.