Read Original Shona Union Bible 1949 Baiberi Magwaro Matȿene aMŋari Deuteronomio 1 Bible Online

Deuteronomio 1 - Original Shona Union Bible 1949 Baiberi Magwaro Matȿene aMŋari bible

Deuteronomio 1

¹Ndiwo mashoko akataurwa naMosesi kuʋaIsraeri ʋose mhiri kwaJoridani murenje, muMupata wakatarisana neSufi, pakati peParani, neTofera, neRabani, neHazeroti, neDizahabi.

²Kubva paHorebi, nenzira yokugomo reSeiri, kuȿika paKadeshi‐barnea, munhu unofamba mazuʋa anegumi nerimŋe.

³Ɀino pagore ramakumi manna, pamŋedzi wegumi nomumŋe, nezuʋa rokutaŋga romŋedzi, Mosesi wakaʋudza ʋana ʋaIsraeri ɀose ɀaʋakarairwa naJehova naye;

⁴wakati akunda Sihoni, mambo waʋaAmori, wakaŋga agere Heshboni, naOgi, mambo weBashani, wakaŋga agere Ashtaroti, paEdrei,

⁵Mosesi akataŋga kuɗudzira murairo uyu ʋari mhiri kwaJoridani, panyika yokwaMoabi, akati:

⁶Jehova Mŋari weɗu wakataura nesu paHorebi, akati: Makagara ŋguʋa yakariŋgana pagomo iri.

⁷Dzokai, mufambe, muende kumakomo aʋaAmori nokunɀimbo dzose dziri pedyo nawo, kuMupata, nokumakomo, nokumapani, nokurutiʋi rwezasi, nokumhenderekedzo dzeguŋgwa, okunyika yaʋaKanani, nokuRebanoni, kuȿikira kurwizi rukuru, rwizi Ufratesi.

⁸Tarirai, ndakaisa nyika pamberi penyu; pindai, mutore nyika yakapikirwa madziɓaɓa enyu naJehova, kunaAbrahama, naIsaka, naJakobo, kuti ʋacaipiwa iʋo naʋana ʋaʋo ʋanoʋateʋera.

⁹Ŋguʋa iyo ndakataura nemi, ndikati: Handigoni kukutakurai ndiri ndoga;

¹⁰Jehova Mŋari wenyu wakakuwanzai; tarirai, nhasi maʋa senyeredzi dzokuɗeŋga pakuwanda kwenyu.

¹¹Jehova Mŋari wamadziɓaɓa enyu ŋgaakuwedzerei runecuru camazana pamakaȿika ɀino, amuropafadze seɀaakakupikirai.

¹²Ini ndoga ndiŋgatakura seiko kurema kwenyu, nomutoro wenyu, nokurwa kwenyu?

¹³Muɀitsaurirei ʋarume ʋakacenjera, ʋakaŋgwara, ʋanozikaŋwa, kumarudzi enyu, ndiʋaite ʋakuru ʋenyu.

¹⁴Mukandipindura, mukati: Cinhu ico camataura cakanaka kuti ticiite.

¹⁵Ipapo ndakatora ʋakuru ʋamarudzi enyu, ʋarume ʋakaŋga ʋakacenjera, ʋakaŋga ʋakazikanwa, ndikaʋaita ʋakuru ʋenyu, ʋaʋe ʋakuru ʋeɀuru, naʋakuru ʋamazana, naʋakuru ʋamakumi mashanu, naʋakuru ʋegumi, naʋatariri kumarudzi enyu.

¹⁶Neŋguʋa iyo ndikaraira ʋatoŋgi ʋenyu, ndikati: Tererai mhoȿa dziri pakati pehama dzenyu, mururamisire pakati pomunhu nehama yake, nomutorwa ugere naye.

¹⁷Musatsaura ʋanhu pakutoŋga kwenyu; munofanira kuterera muɗuku nomukuru nomutoʋo mumŋe; musatya munhu; nokuti kutoŋga ndokwaMŋari; asi kana kunemhaka yamusiŋgagoni, muʋuye nayo kwandiri kuti ndiinzwe.

¹⁸Neŋguʋa iyo ndakakurairai ɀose ɀamunofanira kuita.

¹⁹Ɀino takasimuka paHorebi, tikafamba murenje iro rose guru rinotyisa, ramakaʋona panzira yokumakomo aʋaAmori, seɀatakarairwa naJehova Mŋari weɗu; tikaȿika paKadeshi‐barnea.

²⁰Ndikati kwamuri: Maȿika panyika yamakomo yaʋaAmori, yatinopiwa naJehova Mŋari weɗu.

²¹Tarirai, Jehova, Mŋari wenyu wakaisa nyika iyo pamberi penyu; kwirai, muitore, seɀamakaʋudzwa naJehova Mŋari wamadziɓaɓa enyu; musatya kana kuvunduka.

²²Ipapo imi makasweɗera mose kwandiri, mukati: Ŋgatitume ʋarume ʋatituŋgamirire, ʋatishorere nyika, ʋagoʋuya kuzotiʋudza nzira yatinofanira kukwira nayo, namaguta aticandoȿika kwaari.

²³Shoko iro rikandifadza; ndikatsaura ʋarume ʋanegumi naʋaʋiri pakati penyu, murume mumŋe kurudzi rumŋe norumŋe.

²⁴Iʋo ʋakaenda, ʋakakwira mugomo, ʋakaȿika mumupata weEshkori, ʋakaishora.

²⁵Ʋakatora mimŋe micero yenyika mumaʋoko aʋo, ʋakaɓurukira kwatiri nayo, ʋakadzoka neshoko kwatiri, ʋakati: Inyika yakanaka, yatinopiwa naJehova Mŋari weɗu.

²⁶Asi makaramba kukwira, mukamukira kuraira kwaJehova Mŋari wenyu;

²⁷mukanyunyuta mumatente enyu, mukati: Jehova wakatiʋeŋga, saka wakatiɓuɗisa munyika yeEgipita, kuti atiise mumaʋoko aʋaAmori, kuti atiparadze.

²⁸Ɀino ticaendepiko? Hama dzeɗu dzanyawusa mŋoyo yeɗu, dziciti: Ʋanhu aʋo ʋanotikunda nokukura nokureɓa; maguta makuru, akakombga namaȿiŋgo anoȿika kuɗeŋga; ʋuye, takaʋonako ʋana ʋaEnaki.

²⁹Ipapo ini ndikati kwamuri: Musavunduka henyu, kana kuʋatya.

³⁰Jehova Mŋari wenyu unokutuŋgamirirai, iye ucakurwirai, seɀaakakuitirai ɀose paEgipita pamberi penyu,

³¹nomurenje pamakaʋona muɓerekerwe wamakaɓerekwa nawo naJehova Mŋari wenyu, somunhu unoɓereka mŋana wake; panzira dzenyu dzose dzamakafamba nadzo, kudzimana muciȿika panɀimbo iyi.

³²Asi pacinhu ici hamuna‐kutenda Jehova Mŋari wenyu;

³³iye wakakutuŋgamirirai panzira, kuti akutȿakirei pamuŋgadzika matente enyu, nomŋoto ʋusiku, kuti akuratidzei nzira yamunofanira kufamba nayo, ʋuye negore masikati.

³⁴Ɀino Jehova akanzwa inzwi ramashoko enyu, akatsamŋa, akapika, aciti:

³⁵Ɀirokwaɀo, hakuŋgaʋi nomumŋe waʋanhu aʋa, ʋorudzi urwu rwakaipa, ucaʋona nyika yakanaka, yandakapika ndiciti ndicaipa madziɓaɓa enyu,

³⁶asi Karebi, mŋanakomana waJefune, ndiye ucaiʋona; ndicamupa iye naʋana ʋake nyika yaakatsika, nokuti iye wakateʋera Jehova nomŋoyo wose.

³⁷Jehova akanditsamŋira neni ʋo nokuɗa kwenyu, akati: Newe ʋo hauŋgapindi ikoko;

³⁸Joshua, mŋanakomana waNuni, umire pamberi pako, ndiye ucapinda ikoko; umusimbise, nokuti ndiye ucagarisa ʋaIsraeri nhaka yaʋo.

³⁹Ʋana ʋenyu ʋaɗuku, ʋamakati ʋacatapxa, naʋana ʋenyu ʋasiŋgaziʋi nhasi ɀakanaka neɀakaipa, ndiʋo ʋacapinda ikoko; ndicaʋapa iyo, iʋe yaʋo.

⁴⁰Asi kana muri’mi, dzokai mufambe murenje nenzira yokuGuŋgwa Dɀuku.

⁴¹Ɀino imi mukapindura, mukati kwandiri: Takatadzira Jehova, ticakwira heɗu tindorwa, ɀose seɀatakarairwa naJehova Mŋari weɗu. Mukashoŋga mumŋe nomumŋe nhumbi dzake dzokurwa nadzo, mukaɗa kukwira mugomo.

⁴²Ɀino Jehova akati kwandiri: Uti kwaʋari: Musakwira kana kurwa, nokuti ini handizi pakati penyu; kuti murege kukundwa pamberi paʋaʋeŋgi ʋenyu.

⁴³Naiɀoɀo ndakataura nemi, asi makaramba kunditerera; asi makamukira murairo waJehova, mukaita manyawi, mukakwira mugomo.

⁴⁴Ɀino ʋaAmori ʋakaŋga ʋagere mugomo iro, ʋakaɓuɗa kuzorwa nemi, ʋakakudziŋgai, seɀinoita nyuci, ʋakakuparadzai kuȿikira paHorma.

⁴⁵Ipapo makadzoka, mukacema pamberi paJehova, asi Jehova haana‐kuterera inzwi renyu, kana kurerekera nzeʋe dzake.

⁴⁶Naiɀoɀo makagara paKadeshi mazuʋa mazhinji, ŋguʋa yamakagara’po.