Read Original Shona Union Bible 1949 Baiberi Magwaro Matȿene aMŋari Deuteronomio 10 Bible Online

Deuteronomio 10 - Original Shona Union Bible 1949 Baiberi Magwaro Matȿene aMŋari bible

Deuteronomio 10

¹Neŋguʋa iyo Jehova akati kwandiri: Uɀiʋezere mahwendefa maʋiri amabge, akafanana nookutaŋga, ukwire kwandiri kugomo, ugoɀiitira areka yamatanda.

²Ini ndicanyora pamahwendefa mashoko aya akaŋga ari pamahwendefa okutaŋga, awakaputsa, ugoaisa muareka.

³Naiɀoɀo ndikaita areka yamatanda omuakasia, ndikaʋeza mahwendefa maʋiri amabge, akaŋga akaita sookutaŋga, ndikakwira mugomo ndakaɓata mahwendefa maʋiri muruʋoko rwaŋgu.

⁴Akanyora pamahwendefa ɀakafanana norunyoro rwokutaŋga, aya mashoko anegumi, amakaʋudzwa naJehova pagomo, ari pakati pomŋoto, nezuʋa reʋuŋgano; Jehova akandipa iwo.

⁵Ɀino ndikadzoka, ndikaɓuruka pagomo, ndikaisa mahwendefa muareka yandakaŋga ndaita; ndipo paaciri ɀino, seɀandakarairwa naJehova.

⁶(Ʋana ʋaIsraeri ʋakasimuka paBeeroti Benejaakani, ʋakaenda Mosera; ndipo pakafira Aroni, napaakaʋigwa; Ereazari, mŋanakomana wake, akaɓata ʋuprista panɀimbo yake.

⁷Ʋakasimuka’po, ʋakaenda Gudgoda; ʋakasimuka paGudgoda ʋakaȿika Jotbata, panyika yakaŋga inehoʋa dzemvura.

⁸Ŋguʋa iyo Jehova akatsaura rudzi rwaʋaRevi, kuti ʋatakure areka yesuŋgano yaJehova, nokumira pamberi paJehova ʋacimushumira, nokuropafadza ʋanhu nezita rake, kuȿikira nhasi.

⁹Naiɀoɀo ʋaRevi haʋanomugoʋe kana nhaka pakati pehama dzaʋo; Jehova ndiye nhaka yaʋo, seɀaʋakaʋudzwa naJehova Mŋari wenyu.)

¹⁰Ini ndikagara mugomo mazuʋa anamakumi manna noʋusiku bgunamakumi manna, sapakutaŋga; Jehova akandinzwa neŋguʋa iyo ʋo; Jehova akasakuparadza.

¹¹Jehova akati kwandiri: Simuka, utuŋgamirire ʋanhu, ʋapinde, ʋatore nyika, yandakapikira madziɓaɓa aʋo, kuti ndicaʋapa iyo.

¹²Ɀino, Israeri, Jehova Mŋari wako unotȿakeiko kwauri, asi kuti utye Jehova Mŋari wako, ufambe munzira dzake dzose, nokumuɗa, nokushumira Jehova Mŋari wako nomŋoyo wako wose ʋuye nomŋeya wako wose,

¹³nokuceŋgeta mirairo yaJehova, neɀaakatema, ɀandinokuraira nhasi kuti ufare ɀakanaka.

¹⁴Tarira, ɗeŋga neɗeŋga ramateŋga, nenyika neɀose ɀiri mukati mayo, ndeɀaJehova Mŋari wako.

¹⁵Asi Jehova wakafarira madziɓaɓa ako, akaʋaɗa, akatsaura ʋana ʋaʋo ʋanoʋateʋera, iyemi, kupfuʋura ndudzi dzose, seɀaunoʋona nhasi.

¹⁶Naiɀoɀo dziŋgisai mŋoyo yenyu, murege kuʋa nemitsipa mikukutu.

¹⁷Nokuti Jehova Mŋari wenyu ndiMŋari waʋamŋari, naShe wamadzishe, Mŋari mukuru, unotyisa, usiŋgatsauri ʋanhu, kana kugamucira muɓayiro.

¹⁸Iye unoruramisira nherera necirikadzi, unoɗa mutorwa, acimupa ɀokudya neŋguʋo.

¹⁹Naiɀoɀo munofanira kuɗa mutorwa, nokuti imi makaŋga muri ʋatorwa panyika yeEgipita.

²⁰Unofanira kutya Jehova Mŋari wako; unofanira kumushumira iye, nokumunamatira, nokupika nezita rake.

²¹Ndiye waunofanira kurumbidza, ndiye Mŋari wako, wakakuitira ɀinhu iɀi ɀikuru ɀinotyisa, ɀawakaʋona nameso ako.

²²Madziɓaɓa ako akaɓurukira Egipita ʋari ʋanhu ʋanamakumi manomŋe; ɀino Jehova Mŋari wako wakakuwanza senyeredzi dzokuɗeŋga.