Read Original Shona Union Bible 1949 Baiberi Magwaro Matȿene aMŋari Deuteronomio 12 Bible Online

Deuteronomio 12 - Original Shona Union Bible 1949 Baiberi Magwaro Matȿene aMŋari bible

Deuteronomio 12

¹Ndiɀo ɀakatemŋa, neɀakatoŋgwa, ɀamunofanira kucenjera kuti muɀiite panyika yawakapiwa naJehova Mŋari wamadziɓaɓa ako, kuti iʋe yako, mazuʋa ose amunogara panyika.

²Munofanira kuparadza cose nɀimbo dzose, apo, ndudzi dzose dzamunopiwa kuti dziʋe dzenyu, padzaishumira ʋamŋari ʋadzo, pamakomo marefu, napaɀikomo, napasi pemiti mitema yose;

³munofanira kuputsa artari dzaʋo, nokuputsanya shoŋgwe dzaʋo, nokupisa matanda aʋo okunamata nawo; muteme ʋo mifananidzo yaʋo yakaʋezwa; kuti muparadze zita raɀo panɀimbo iyo.

⁴Regai kuitira Jehova Mŋari wenyu saiɀoɀo.

⁵Asi munofanira kushanyira panɀimbo yakatsaurwa naJehova Mŋari wenyu pakati pamarudzi enyu ose, kuti aise zita rake’po, paanogara, ndipo pamunofanira kushanyira’po, nokuenda’po;

⁶munofanira kuʋuya’po neɀipiriso ɀenyu ɀinopiswa, neɀiɓayiro ɀenyu, neɀegumi ɀenyu, neɀipiriso ɀakatsaurwa namaʋoko enyu, neɀipikiso ɀenyu, neɀipo ɀokuɗa kwenyu, naʋana ʋemhoŋgora dzeŋombe dzenyu nedzamakwai enyu;

⁷ndipo pamunofanira kudya pamberi paJehova Mŋari wenyu, mucifarira ɀose ɀamunoɓata namaʋoko enyu, imi, nemhuri dzenyu, seɀamakaropafadzwa naJehova Mŋari wenyu.

⁸Hamufaniri kuita seɀatinoita pano nhasi, mumŋe nomumŋe seɀaanoʋona kuti ndiɀo ɀakanaka;

⁹nokuti mucigere kuȿika pazororo napanhaka, yaunopiwa naJehova Mŋari wako.

¹⁰Asi kana mayambuka Joridani, mogara munyika yamunopiwa naJehova Mŋari wenyu, iʋe nhaka yenyu, kana iye acikupai zororo paʋaʋeŋgi ʋenyu ʋose ʋanokukombai, mogara makaceŋgetwa,

¹¹ɀino kunɀimbo yakatsaurwa naJehova, kuti aise zita rake’po, ndiko kwamunofanira kuʋuya neɀose ɀandinokurairai, ɀinoti: ɀipiriso ɀenyu ɀinopiswa, neɀiɓayiro ɀenyu, neɀegumi ɀenyu, neɀipiriso ɀakatsaurwa namaʋoko enyu, neɀipikiso ɀenyu ɀakaiȿo‐naka ɀamunopikira Jehova;

¹²mufare pamberi paJehova Mŋari wenyu, imi naʋanakomana ʋenyu, naʋanasikana ʋenyu, naʋaranda ʋenyu, naʋarandakadzi ʋenyu, nomuRevi uri mukati mamasuʋo enyu, nokuti iye haanamugoʋe kana nhaka pakati penyu.

¹³Cenjera kuti urege kuʋuya neɀipiriso ɀako ɀinopiswa panɀimbo ipi neipi yaunoʋona,

¹⁴asi panɀimbo icatsaurwa naJehova panorumŋe rwamarudzi ako, ndipo paunofanira kuʋuya neɀipo ɀako ɀinopiswa, ndipo paunofanira kuita ɀose ɀandinokuraira.

¹⁵Asi uŋgaɓaya hako nokudya hako nyama mukati mamasuʋo ako ose, seɀinoɗa mŋoyo wako, ʋuye seɀawakaropafadzwa naJehova Mŋari wako; usina‐kunaka nowakanaka ʋose ʋaŋgaidya, seɀinoitwa nenyama yemhara nenondo.

¹⁶Asi hamufaniri kudya ropa; unofanira kuriteʋurira pasi semvura.

¹⁷Usadya mukati mamasuʋo ako ɀegumi ɀeɀiyo ɀako, kana ɀewaini yako, kana ɀamafuta ako, kana ʋana ʋemhoŋgora dzeŋombe dzako, kana dzamakwai ako, kana cipikiso cipi necipi caunopika naco, kana ɀipo ɀokuɗa kwako, kana cipiriso cinotsaurwa noruʋoko rwako;

¹⁸asi unofanira kuɀidya pamberi paJehova Mŋari wako panɀimbo icatsaurwa naJehova Mŋari wako, iwe, naʋanakomana ʋako naʋanasikana ʋako, naʋaranda ʋako naʋarandakadzi ʋako, nomuRevi uri mukati mamasuʋo ako; unofanira kufara pamberi paJehova Mŋari wako paɀose ɀaunoɓata namaʋoko ako.

¹⁹Cenjera kuti urege kukaŋganwa muRevi ŋguʋa yose yaunogara munyika yako.

²⁰Ɀino kana Jehova Mŋari wako akurisa nyika yako, seɀaakakupikira, iwe ukati: Ndicadya nyama, nokuti mŋoyo wako unoɗa kudya nyama, uŋgadya hako nyama, seɀinoɗa mŋoyo wako.

²¹Kana nɀimbo yakatsaurwa naJehova, kuti aise zita rake’po, iri kure newe, unofanira kuɓaya ɀimŋe ɀeŋombe dzako, kana ɀamakwai ako, ɀawakapiwa naJehova, seɀandakakuraira, ugoɀidya mukati mamasuʋo ako, seɀinoɗa mŋoyo wako.

²²Unofanira kuɀidya seɀinodyiwa nyama yemhara neyenondo; usina‐kunaka nowakanaka ʋose ʋanofanira kuɀidya pamŋe cete.

²³Asi cenjera kwaɀo kuti urege kudya ropa, nokuti ropa ndibgo ʋupenyu; usadya ʋupenyu pamŋe cete nenyama.

²⁴Usaridya, asi unofanira kuriteʋurira pasi semvura.

²⁵Usaridya, kuti ɀiʋe ɀakanaka newe, iwe, naʋana ʋako ʋanokuteʋera, kana uciita ɀakarurama pamberi paJehova.

²⁶Asi ɀinhu ɀako ɀitȿene, neɀipikiso ɀako, unofanira kuɀitora nokuenda naɀo kunɀimbo yakatsaurwa naJehova.

²⁷Ɀino unofanira kugadzira ɀipiriso ɀako ɀinopiswa, nyama neropa, paartari yaJehova Mŋari wako; ropa reɀiɓayiro ɀako rinofanira kuteʋurirwa paartari yaJehova Mŋari wako, asi iwe unofanira kudya nyama.

²⁸Terera unzwe ɀakanaka mashoko awa andinokuraira, kuti ɀive ɀakanaka newe, iwe, naʋana ʋako ʋanokuteʋera nokusiŋgaperi, kana uciita ɀakanaka neɀakarurama pamberi paJehova Mŋari wako.

²⁹Ɀino kana Jehova Mŋari wako aciparadza pamberi pako ndudzi idzo, dzaunoenda kwadziri kundodziita dzako, ukadziita dzako, ukagara munyika yadzo;

³⁰ucenjere kuti urege kunyeŋgerwa kuzodziteʋera, idzo dzamboparadzwa pamberi pako; kuti urege kubvunza ʋamŋari ʋaʋo, uciti: Ndudzi idzi dzinoshumira ʋamŋari ʋadzo seiko? Neni ndicaita ʋo saiɀoɀo.

³¹Usaitira Jehova Mŋari wako saiɀoɀo; nokuti iʋo ʋakaitira ʋamŋari ʋaʋo ɀose ɀinonyaŋgadza Jehova, neɀaanoʋeŋga; nokuti kunyaŋge ʋanakomana ʋaʋo naʋanasikana ʋaʋo ʋanoʋapisira ʋamŋari ʋaʋo pamŋoto.

³²Cinhu cipi necipi candinokurairai, cenjerai kuti muɀiite; musawedzera kwaɀiri, kana kutapudza kwaɀiri.