Read Original Shona Union Bible 1949 Baiberi Magwaro Matȿene aMŋari Deuteronomio 14 Bible Online

Deuteronomio 14 - Original Shona Union Bible 1949 Baiberi Magwaro Matȿene aMŋari bible

Deuteronomio 14

¹Imi muri ʋana ʋaJehova Mŋari wenyu; musaɀitema, kana kuɀiʋeʋura pakati pameso pamsoro paʋakafa.

²Nokuti uri rudzi rutȿene kunaJehova Mŋari wako; Jehova wakakutsaura pakati pendudzi dzose dzaʋanhu ʋari panyika, kuti uʋe rudzi rwake cairwo.

³Usadya cinhu cipi necipi cinonyaŋgadza.

⁴Mhuka dzamuŋgadya ndidzo: Ŋombe, negwai, nembudzi;

⁵nenondo, nemhara, nemhembge, netsoma, nemharapara, nenyati, neŋgururu.

⁶Mhuka ipi neipi inamahwanda akaparadzana, inetsoka dzakaparadzana, inodzeva ndidzo dzamuŋgadya henyu.

⁷Asi idzi dzinodzeya, kana dzinamahwanda akaparadzana, regai kudzidya: Kamera, netsuro, nembira; nokuti dzinodzeya, asi hadzinamahwanda akaparadzana, hadzina‐kunaka kwamuri;

⁸neŋguruʋe; nokuti inamahwanda akaparadzana, asi haidzeyi; haina‐kunaka kwamuri; musadya nyama yadzo, ʋuye musaɓata ɀitunha ɀadzo.

⁹Ndiɀo ɀamuŋgadya kuneɀose ɀiri mumvura: Ɀose ɀineɀimbi namakwande muŋgaɀidya;

¹⁰asi ɀose ɀisineɀimbi namakwande, musaɀidya iɀo, haɀina‐kunaka kwamuri.

¹¹Muŋgadya shiri dzose dzakanaka.

¹²Asi dzamusiŋgafaniri kudya ndidzo: Gora guru, negondo guru, nenyamudzura;

¹³norukodzi, nenjerere, noruʋaŋgu namarudzi arwo;

¹⁴namarudzi ose amakuŋguʋu;

¹⁵nemhou, nezizi, neshiri yeguŋgwa, namarudzi ose oruʋaŋgu;

¹⁶nezizi ɗuku, nezizi guru, nejicidza;

¹⁷nehukurwizi, negora, nekanyurura‐hoʋe;

¹⁸nezimudo, nekondo, namarudzi ayo, nemhupupu, neciremŋa‐remŋa.

¹⁹Ɀose ɀinamapapiro ɀinokambaira ɀinofanira kuʋa ɀisina‐kunaka kwamuri; haɀifaniri kudyiwa.

²⁰Asi shiri dzose dzakanaka muŋgadzidya henyu.

²¹Musadya cinhu cakaŋgota coga; uŋgacipa mŋeni uri mukati mamasuʋo ako, iye acidye, kana uŋgaciteŋgesa kumutorwa; nokuti iwe uri rudzi rutȿene kunaJehova Mŋari wako. Usaɓika mbudzana mumukaka wamai ʋayo.

²²Utsaure ɀakanaka ɀegumi ɀeɀiɓereko ɀose ɀembeu dzako, dzinobva mumunda mako gore rimŋe nerimŋe.

²³Unofanira kudya pamberi paJehova Mŋari wako, panɀimbo yaacatsaura kugarisa zita rake’po, ɀegumi ɀeɀiyo ɀako, neɀewaini yako, neɀamafuta ako, neɀaʋana ʋemhoŋgora dzeŋombe dzako nedzamakwai ako, kuti udzidze kutya Jehova Mŋari wako ŋguʋa dzose.

²⁴Kana nzira iri kuresa, ukasagona kuɀiȿitsa’ko, nokuti nɀimbo iyo yawakatsaurirwa naJehova Mŋari wako, kuti aise zita rake’po, iri kure newe, kana Jehova Mŋari wako akakuropafadza,

²⁵unofanira kuɀiteŋgesa nemari, ndokuɓata mari mumaʋoko ako, ugoenda kunɀimbo icatsaurwa naJehova Mŋari wako,

²⁶ndokuteŋga nemari iyo ɀose ɀinoɗikanwa nomŋoyo wako, kana ŋombe, kana makwai, kana waini, kana ɀinoɓata, kana ɀose ɀinoreʋa mŋoyo wako kwauri, udyire’po pamberi paJehova Mŋari wako, ufare, iwe nemhuri yako.

²⁷Ʋuye muRevi uri mukati mamasuʋo ako, usamukaŋganwa, nokuti haanomugoʋe kana nhaka newe.

²⁸Ŋguʋa dzose kana makore matatu apera, unofanira kuʋuya neɀegumi ɀose ɀeɀiɓereko ɀako ɀegore iro, ugoɀiceŋgeta mukati mamasuʋo ako.

²⁹Ɀino muRevi, ɀaasinomugoʋe kana nhaka newe, nomŋeni, nenherera, necirikadzi, ʋari mumasuʋo ako, ʋanofanira kuʋuya kuzodya, ʋagute; kuti Jehova Mŋari wako akuropafadze pamaɓasa ose aunoita namaʋoko ako.