Read Original Shona Union Bible 1949 Baiberi Magwaro Matȿene aMŋari Deuteronomio 15 Bible Online

Deuteronomio 15 - Original Shona Union Bible 1949 Baiberi Magwaro Matȿene aMŋari bible

Deuteronomio 15

¹Ŋguʋa dzose kana makore manomŋe apera munofanira kuʋa nesunuŋguro.

²Nzira yesunuŋguro ndiyo: Mumŋe nomumŋe wakapa cikwerete, unofanira kusunuŋgura ico caakapa hama yake; ŋgaarege kucireʋa kunowokwake kana hama yake; nokuti sunuŋguro yaJehova yaparidzwa.

³Uŋgaɀireʋa kumutorwa; asi ɀose ɀako ɀiri paruʋoko rwehama yako, unofanira kuɀisunuŋgura.

⁴Asi usaʋa naʋarombo pakati pako (nokuti ɀirokwaɀo, Jehova ucakuropafadza panyika yaunopiwa naJehova Mŋari wako, kuti iʋe nhaka yako),

⁵kana uciŋgoshiŋgaira kwoga kuterera inzwi raJehova Mŋari wako, kuti ucenjere kuita murairo uyu wose, wandinokuraira nhasi.

⁶Nokuti Jehova Mŋari wako ucakuropafadza, seɀaakakupikira; iwe ucapa dzimŋe ndudzi zhinji cikwerete, asi iwe usatora cikwerete; iwe ucaɓata ndudzi zhinji, asi idzo hadziŋgakuɓati iwe.

⁷Kana kunomurombo kwauri, mumŋe wehama dzako, mukati mamasuʋo api naapi panyika yako, yaunopiwa naJehova Mŋari wako, usatsuŋgira hama yako murombo, kana kumufumbatirira ruʋoko rwako;

⁸asi umutambanudzire ruʋoko rwako kwaɀo, umuɓatsire necikwerete ɀinoriŋgana pakushaiwa kwake, seɀaanokumbira.

⁹Cenjera kuti urege kufuŋga ɀakaipa mumŋoyo mako, uciti: Gore recinomŋe, iro gore resunuŋguro, riri pedyo; iwe ukaʋa nomufuŋgo wakaipa kuhama yako, ukasamupa cinhu; iye akacema kunaJehova Mŋari wako pamsoro pako, cikaʋa ciʋi kwauri.

¹⁰Unofanira kumupa ɀakanaka, mŋoyo wako haufaniri kuʋa neshuŋgu, kana ucimupa; nokuti nokuɗa kwecinhu ici Jehova Mŋari wako ucakuropafadza pamaɓasa ako ose, napaɀose ɀaunoɓata namaʋoko ako.

¹¹Nokuti ʋarombo haʋaŋgatoŋgoperi panyika; naiɀoɀo ndinokuraira ndiciti: Utambanudzire ruʋoko rwako ɀakanaka kuhama yako, kunaiye unoshaiwa, nokunaʋarombo ʋako panyika yako.

¹²Kana hama yako murume muHeberu kana mukadzi muHeberu aciŋge ateŋgeswa kwauri, akakuɓatira makore matanhatu, iwe unofanira kumurega negore recinomŋe aende hake.

¹³Ɀino kana ucimurega kuti aende hake, usamuendisa asinecinhu.

¹⁴Unofanira kumugoʋerera ɀakanaka pamakwai ako, napaɓuriro rako, napaciȿiniro cako cewaini; seɀawakaropafadzwa naJehova Mŋari wako, unofanira kumupa saiɀoɀo.

¹⁵Unofanira kuraŋgarira iwe kuti wakaŋga uri muranda munyika yeEgipita, Jehova Mŋari wako akakudzikinura; naiɀoɀo ndinokuraira cinhu ici nhasi.

¹⁶Asi kana akati kwauri: Handiɗi haŋgu kubva kwamuri, nokuti unokuɗa iwe naʋeimba yako, nokuti unofara hake newe,

¹⁷ipapo unofanira kutora runji ndokuʋurura nzeʋe yake narwo pamukoʋa, iye agoʋa muranda wako nokusiŋgaperi. Ʋuye murandakadzi wako unofanira kumuitira ʋo saiɀoɀo.

¹⁸Haɀifaniri kuita sokukuȿiɓisa mŋoyo wako kana ucimurega kuti aende hake; nokuti wakakuɓatira makore matanhatu, acifanirwa nomuɓairo waʋaranda ʋaʋiri; Jehova Mŋari wako ucakuropafadza paneɀose ɀaunoita.

¹⁹Mikono yose yaʋana ʋemhoŋgora dzeŋombe dzako nedzamakwai ako, unofanira kutsaurira Jehova Mŋari wako; haufaniri kuɓate‐ɓasa nomŋana wemhoŋgora dzeŋombe dzako, kana kuʋeʋura ʋana ʋemhoŋgora dzamakwai ako.

²⁰Unofanira kuɀidya pamberi paJehova Mŋari wako gore rimŋe nerimŋe panɀimbo icatsaurwa naJehova, iwe nemhuri yako.

²¹Kana cakaremara, ɀimŋe cinokuremara kwokukamhina, kana ʋupofu, kana kuremara kwakaipa kupi nokupi, haufaniri kuciɓayira Jehova Mŋari wako.

²²Unofanira kucidya mukati mamasuʋo ako; wakanaka nousina‐kunaka ʋose ʋanofanira kucidya, seɀaʋanodya mhara nenondo.

²³Asi urege kudya ropa raco, unofanira kuriteʋurira pasi semvura.