Read Original Shona Union Bible 1949 Baiberi Magwaro Matȿene aMŋari Deuteronomio 16 Bible Online

Deuteronomio 16 - Original Shona Union Bible 1949 Baiberi Magwaro Matȿene aMŋari bible

Deuteronomio 16

¹Raŋgarira mŋedzi weAbibi, udye paseka yaJehova Mŋari wako nawo; nokuti nomŋedzi weAbibi Jehova Mŋari wako wakakuɓuɗisa panyika yeEgipita ʋusiku.

²Unofanira kuɓayira Jehova Mŋari wako paseka yamakwai neŋombe panɀimbo inotsaurwa naJehova Mŋari wako, kuti agarise zita rake’po.

³Usadya ciŋgwa cakaʋiriswa pamŋe cete nayo; unofanira kuita mazuʋa manomŋe ucidya ciŋgwa cisina‐kuʋiriswa pamŋe cete nayo, ndico ciŋgwa cokutambudzika; nokuti wakaɓuɗa panyika yeEgipita nokukurumidza; kuti uraŋgarire zuʋa rawakaɓuɗa naro panyika yeEgipita mazuʋa ose oʋupenyu bgako.

⁴Mazuʋa manomŋe mbiriso haifaniri kutoŋgoʋonekwa panyika yako yose; ʋuye nyama yamunoɓayira pazuʋa rokutaŋga maɗekwana, haifaniri kutoŋgosara ʋusiku bgose kuȿikira maŋgwana.

⁵Haufaniri kuɓayira paseka mukati merimŋe ramasuʋo ako, aunopiwa naJehova Mŋari wako;

⁶asi panɀimbo icatsaurwa naJehova Mŋari wako, kuti agarise zita rake’po, ndipo paunofanira kuɓayira paseka maɗekwana, kana zuʋa roʋira, paŋguʋa yawakaɓuɗa nayo Egipita.

⁷Unofanira kuiɓika, nokuidya panɀimbo icatsaurwa naJehova Mŋari wako; fume maŋgwana unofanira kudzokera kumatente ako.

⁸Unofanira kudya ciŋgwa cisina‐kuʋiriswa mazuʋa matanhatu; pazuʋa recinomŋe unofanira kuita ʋuŋgano huru kunaJehova Mŋari wako; usaɓata maɓasa naro.

⁹Unofanira kuʋereŋga maviki manomŋe; kubva paŋguʋa yaunotaŋga kukohwa ɀiyo ɀigere kukohiwa, unofanira kuʋereŋga maviki manomŋe.

¹⁰Ɀino uitire Jehova Mŋari wako mutambo wamaviki, uciʋuya muruʋoko rwako necipo cokuɗa kwako, ucipa seɀawakaropafadzwa naJehova Mŋari wako.

¹¹Unofanira kufara pamberi paJehova Mŋari wako, iwe nomŋanakomana wako nomŋanasikana wako, nomuranda wako, nomurandakadzi wako, nomuRevi uri mukati mamasuʋo ako, nomŋeni, nenherera, necirikadzi, ʋagere pakati pako, panɀimbo icatsaurwa naJehova Mŋari wako, kuti agarise zita rake’po.

¹²Unofanira kuraŋgarira kuti iwe wakaŋga uri muranda paEgipita; unofanira kuceŋgeta nokuita iɀi ɀakatemŋa.

¹³Unofanira kutamba mutambo wamatumba mazuʋa manomŋe, kana wapedza kuʋuŋganidza ɀose ɀapaɓuriro rako neciȿiniro cako cewaini.

¹⁴Unofanira kufara pamutambo wako, iwe, nomŋanakomana wako, nomŋanasikana wako, nomuranda wako, nomurandakadzi wako, nomuRevi, nomŋeni, nenherera, necirikadzi, ʋari mukati mamasuʋo ako.

¹⁵Unofanira kutambira Jehova Mŋari wako mutambo mazuʋa manomŋe panɀimbo icatsaurwa naJehova; nokuti Jehova Mŋari wako ucakuropafadza paɀiɓereko ɀose ɀeminda yako, napamaɓasa ose amaʋoko ako, kuti ufare kwaɀo.

¹⁶Ʋarume ʋenyu ʋose ʋanofanira kuʋuya pamberi paJehova Mŋari wako katatu pagore panɀimbo yaacatsaura, pamutambo weciŋgwa cisina‐kuʋiriswa, napamutambo wamaviki, napamutambo wamatumba; haʋafaniri kuʋuya pamberi paJehova ʋasinecinhu.

¹⁷Mumŋe nomumŋe ŋgaaʋuye necipo mumaʋoko ake, seɀaanogona, seɀawakaropafadzwa naJehova Mŋari wako, seɀaakakupa.

¹⁸Unofanira kuɀitsaurira ʋatoŋgi naʋakuru mukati mamasuʋo ako, aunopiwa naJehova Mŋari wako, namarudzi ako; iʋo ʋanofanira kutoŋga ʋanhu nokutoŋga kwakarurama.

¹⁹Usakaŋganisa pakutoŋga kwako, usatsaura ʋanhu, usagamucira fufuro, nokuti fufuro inopofumadza meso aʋakaŋgwara, nokuminamisa mashoko aʋakarurama.

²⁰Teʋera ɀakarurama kwaɀo cete, kuti urarame, ugare nhaka yenyika yaunopiwa naJehova Mŋari wako.

²¹Usaɀisimira matanda okunamata nawo, emiti ipi neipi, parutiʋi rweartari yaJehova Mŋari wako, yaunofanira kuɀiitira.

²²Ʋuye usaɀimisira shoŋgwe, inoʋeŋgwa naJehova Mŋari wako.