Read Original Shona Union Bible 1949 Baiberi Magwaro Matȿene aMŋari Deuteronomio 18 Bible Online

Deuteronomio 18 - Original Shona Union Bible 1949 Baiberi Magwaro Matȿene aMŋari bible

Deuteronomio 18

¹Ʋaprista ʋaRevi, norudzi rwose rwaRevi, haʋafaniri kuʋa nomugoʋe kana nhaka pamŋe cete naIsraeri; ʋanofanira kudya ɀipiriso ɀaJehova ɀinopiswa nenhaka yake.

²Haʋafaniri kuʋa nenhaka pakati pehama dzaʋo; Jehova ndiye nhaka yaʋo, seɀaakataura kwaʋari.

³Ɀino ndiɀo ɀinofanira kupiwa ʋaprista naʋanhu, naiʋo ʋanoʋuya neciɓayiro, kana iri nzombe kana gwai; ʋanofanira kupa muprista ɓandauko, neshaya mbiri, nesusu.

⁴Ɀitȿa ɀeɀiyo ɀako, neɀewaini yako, neɀamafuta ako, nemvere dzokutaŋga dzamakwai ako, ndiɀo ɀaunofanira kuʋapa.

⁵Nokuti Jehova Mŋari wako wakamutsaura iye pakati pamarudzi ako ose, kuti amire acishumira nezita raJehova, iye, naʋanakomana ʋake nokusiŋgaperi.

⁶Ɀino kana muRevi akabva kunerimŋe ramasuʋo ako maIsraeri mose, kwaagere, akaʋuya nomŋoyo wake wose kunɀimbo icatsaurwa naJehova,

⁷iye unofanira kuɓate‐ɓasa nezita reJehova Mŋari wake, seɀinoita hama dzake dzose ʋaRevi dzinomira’po pamberi paJehova.

⁸Ʋanofanira kupiwa migoʋe yakaenzana yeɀokudya, kunze kweɀaakawana pakuteŋgesa nhaka yamadziɓaɓa ake.

⁹Ɀino kana waȿika munyika yaunopiwa naJehova Mŋari wako, usadzidza kuteʋera ɀinonyaŋgadza ɀendudzi idzo.

¹⁰Pakati pako hapafaniri kuwanikwa munhu unopinza mŋanakomana wake kana mŋanasikana wake mumŋoto, kana unoʋuka, kana unotenda mashura, kana unoita mazaŋgo, kana muroyi,

¹¹kana ŋaŋga, kana unobvunza maȿikiro, kana muʋuki, kana unobvunza ʋakafa.

¹²Nokuti ʋose ʋanoita ɀinhu iɀi ʋanonyaŋgadza Jehova; nokuɗa kweɀinonyaŋgadza iɀi Jehova Mŋari wako unoʋadziŋga pamberi pako.

¹³Unofanira kuʋa wakarurama pamberi paJehova Mŋari wako.

¹⁴Nokuti ndudzi idzi dzamunopiwa dziʋe dzenyu, dzinoterera ʋanotenda mashura naʋanoʋuka; asi iwe Jehova Mŋari wako haanakukutendera kuita iɀoɀo.

¹⁵Jehova Mŋari wako ucakumutsira muprofita, unobva pakati pako, pahama dzako, wakafanana neni; unofanira kumuterera iye;

¹⁶seɀawakakumbira kunaJehova Mŋari wako paHorebi nomusi weʋuŋgano, uciti: Ndirege haŋgu kuzonzwa ɀe inzwi raJehova Mŋari waŋgu, ʋuye ndirege haŋgu kuzoʋona ɀe mŋoto uyu mukuru, ndirege kufa.

¹⁷Jehova akati kwandiri: Ɀose ɀaʋakareʋa, ʋakataura haʋo ɀakanaka.

¹⁸Ndicaʋamutsira muprofita, unobva pakati pehama dzaʋo, wakafanana newe; ndicaisa mashoko aŋgu mumuromo make, iye ucaʋaʋudza ɀose ɀandinomuraira.

¹⁹Ɀino munhu upi noupi usiŋgatereri mashoko aŋgu, aacataura muzita raŋgu, ndicamubvunza pamsoro paiɀoɀo.

²⁰Asi muprofita unotaura shoko muzita raŋgu aciɀikudza, riri shoko randisina‐kumuraira kuti aritaure, kana ɀimŋe unotaura muzita raʋamŋe ʋamŋari, muprofita uyo unofanira kufa.

²¹Ɀino kana iwe ukati mumŋoyo mako: Ko ticaziʋa seiko shoko risina‐kutaurwa naJehova?

²²Kana muprofita aciŋge ataura muzita raJehova, cinhu ico cikasaitika, cikasaʋa’po, ndico cinhu cisina‐kutaurwa naJehova; muprofita wakaritaura aciɀikudza, haufaniri kumutya.