Read Original Shona Union Bible 1949 Baiberi Magwaro Matȿene aMŋari Deuteronomio 19 Bible Online

Deuteronomio 19 - Original Shona Union Bible 1949 Baiberi Magwaro Matȿene aMŋari bible

Deuteronomio 19

¹Ɀino kana Jehova Mŋari wako aciparadza ndudzi dzaunopiwa nyika yadzo naJehova Mŋari wako, iwe ukapinda panɀimbo yaʋo, ukagara mumaguta aʋo nomudzimba dzaʋo;

²unofanira kuɀitsaurira maguta matatu munyika yako, yaunopiwa naJehova Mŋari wako, kuti iʋe yako.

³Unofanira kuɀigadzirira nzira, nokuganhura nyika yako, yaunopiwa naJehova Mŋari wako, kuti iʋe nhaka yako, uciita migoʋe mitatu, kuti munhu upi noupi wakaʋuraya agone kutizira’ko.

⁴Ɀino ndiwo murairo womuʋurayi unotizira’ko akazorarama: Munhu upi noupi unoʋuraya wokwake, nokusaziʋa, asina‐kumuʋeŋga kare;

⁵somunhu unoti kana acienda nowokwake kuɗondo kundotema huni, akasimudza ruʋoko rwake kuti ateme muti nesanhu, ɗare ndokuvomoka pamupinyi, ndokutema wokwake akafa; iye unofanira kutizira kunerimŋe ramaguta awa, ararame.

⁶Kuti mutsiʋi weropa arege kuteʋerera muʋurayi, mŋoyo wake ucineshuŋgu, akamuɓata nokuti kure, akamuroʋa akafa; iɀo wakaŋga asina‐kufanirwa norufu, nokuti wakaŋga asina‐kumuʋeŋga kare.

⁷Saka ndinokuraira, ndiciti: Unofanira kuɀitsaurira maguta matatu.

⁸Ɀino kana Jehova Mŋari wako acizokurisa nyika yako, seɀaakapikira madziɓaɓa ako, akakupa nyika yose yaakapikira madziɓaɓa ako, kuti ucaʋapa iyo;

⁹kana ukaceŋgeta murairo uyu wose nokuuita, uyu wandinokuraira nhasi, kuti uɗe Jehova Mŋari wako, nokufamba munzira dzake, ŋguʋa dzose; ipapo unofanira kuzowedzera ɀe mamŋe maguta matatu kunawawa matatu;

¹⁰kuti ropa romunhu usinemhoȿa rirege kuteʋurwa panyika yako, yaunopiwa naJehova Mŋari wako, kuti iʋe yako; kuti nokuɗaro ropa rirege kuʋa pamsoro pako.

¹¹Asi kana munhu upi noupi akaʋeŋga wokwake, akamuʋandira, akamumukira, ndokumuroʋa akafa, kana iye akatizira kunerimŋe ramaguta awa;

¹²ipapo ʋakuru ʋeguta rake ʋanofanira kutuma munhu kundomutora’ko, ʋagomuisa mumaʋoko omutsiʋi weropa, afe.

¹³Haufaniri kumunzwira tsitsi, asi iwe unofanira kubvisa ropa romunhu usinemhoȿa pakati paIsraeri, kuti ɀiʋe ɀakanaka newe.

¹⁴Usashandura miganho yowokwako, yakatarwa naʋekare, panhaka yako yaucazopiwa, panyika yaunopiwa naJehova Mŋari wako, kuti iʋe yako.

¹⁵Capupu cimŋe hacifaniri kupupurira munhu pacinhu cakaipa cipi necipi, kana ciʋi cipi necipi, ciri ciʋi cipi necipi caakatadza; shoko rinofanira kusimbiswa neɀapupu ɀiʋiri kana ɀitatu.

¹⁶Kana capupu cisina‐kururama cikapupurira munhu upi noupi kuti wakatadza;

¹⁷ipapo ʋarume ʋaʋiri ʋose ʋanenharo ʋanofanira kumira pamberi paJehova, pamberi paʋaprista naʋatoŋgi ʋacaʋa’po namazuʋa iwayo;

¹⁸ɀino ʋatoŋgi ʋanofanira kuferefeta kwaɀo; kana ʋakaʋona kuti capupu ico capupu cenhema, cakapupurira hama yaco nhema,

¹⁹munofanira kumuitira iye seɀaakafuŋga kuitira hama yake; nokuɗaro iwe unofanira kubvisa cakaipa pakati pako.

²⁰Ʋakasara ʋanofanira kuɀinzwa ʋo, ʋatye, ʋarege kuzoita cakaipa cakaɗai pakati pako.

²¹Haufaniri kumunzwira tsitsi; ʋupenyu bgunofanira kutsibga noʋupenyu, ziso neziso, zino nezino, ruʋoko noruʋoko, rutsoka norutsoka.