Read Original Shona Union Bible 1949 Baiberi Magwaro Matȿene aMŋari Deuteronomio 21 Bible Online

Deuteronomio 21 - Original Shona Union Bible 1949 Baiberi Magwaro Matȿene aMŋari bible

Deuteronomio 21

¹Kana panyika yaunopiwa naJehova Mŋari wako, kuti iʋe yako, pakawanikwa munhu wakaʋurawa akatandaʋara kusaŋgo, kusiŋgazikanwi kuti wamuʋuraya ndiani,

²ipapo ʋakuru ʋako naʋatoŋgi ʋako ʋanofanira kundoyera cinhambo kuȿika kumaguta akapoteredza munhu wakaʋurawa;

³ɀino guta riri pedyo nomunhu wakaʋurawa, ʋakuru ʋeguta iro ʋanofanira kutora tsiru reŋombe, risina‐kumboɓatwa naro, risina‐kumbokweʋa pajoko,

⁴ʋakuru ʋeguta iro ʋagoenda netsiru kumupata unorukoʋa runemvura inoyerera, usina‐kumborimŋa kana kudɀarwa, ndokuvuna mutsipa wetsiru imomo mumupata;

⁵ʋaprista ʋana ʋaRevi ʋanofanira kusweɗera, nokuti ndiʋo ʋakatsaurwa naJehova Mŋari wako, kuti ʋamushumire, nokuropafadza ʋanhu nezita raJehova; nokuti cireʋo cenharo dzose nokukuʋadza kwose ɀinofanira kutemŋa naʋo;

⁶ɀino ʋakuru ʋose ʋeguta iro riri pedyo nomunhu wakaʋurawa ʋanofanira kushamba maʋoko aʋo pamsoro petsiru rakavuniwa mutsipa waro pamupata,

⁷ʋagopindura, ʋaciti: Maʋoko eɗu haana‐kuteʋura ropa iro, nameso eɗu haana‐kuriʋona.

⁸Imi Jehova, kaŋganwirai henyu ʋanhu ʋenyu ʋaIsraeri, ʋamakadzikinura; musatendera kuti ropa risinemhoȿa rigare pakati paʋanhu ʋenyu ʋaIsraeri. Ipapo ʋacakaŋganwirwa ropa iro.

⁹Saiɀoɀo unofanira kubvisa ropa risinemhoȿa pakati pako, kana waita ɀakarurama pamberi paJehova.

¹⁰Kana ucindorwa naʋaʋeŋgi ʋako, Jehova Mŋari wako akaʋaisa mumaʋoko ako, ukaʋatapa,

¹¹ukaʋona pakati paʋatapxa mukadzi wakanaka, ukamuɗa, ukaɗa kumuwana aʋe mukadzi wako,

¹²unofanira kuenda naye kumba kwako; ɀino iye unofanira kuʋeʋura musoro wake, nokugura nzara dzake,

¹³nokurasha ŋguʋo dzake dzokutapxa, ndokugara mumba mako acicema ɓaɓa ʋake namai ʋake mŋedzi wose; pashure paiɀoɀo iwe uŋgapinda kwaari, iwe uʋe murume wake, iye aʋe mukadzi wako.

¹⁴Ɀino kana iwe usiŋgafari naye, unofanira kumurega kuti aende hake kwaanoɗa; asi haufaniri kutoŋgomuteŋgesa nemari; haufaniri kumuitira seɀinoitirwa muranda, nokuti wakataŋga wamunyadzisa.

¹⁵Kana murume aciŋge anaʋakadzi ʋaʋiri, mumŋe unoɗikanwa, nomumŋe unoʋeŋgwa, ʋakamuɓerekera ʋana, unoɗikanwa nounoʋeŋgwa ʋose ʋari ʋaʋiri; ɀino kana mŋanakomana weɗaŋgwe ari waiye unoʋeŋgwa,

¹⁶musi waanogarisa ʋanakomana ʋake nhaka yake, haafaniri kupa mŋanakomana wounoɗikanwa ʋuɗaŋgwe, aciɗarika mŋanakomana wounoʋeŋgwa, iye ari mŋanakomana weɗaŋgwe caiye;

¹⁷asi unofanira kutenda mŋanakomana wounoʋeŋgwa, kuti ndiye weɗaŋgwe, amupe migoʋe miʋiri yeɀose ɀaanaɀo; nokuti ndiye wokutaŋga wesimba rake; ndiye unofanirwa noʋuɗaŋgwe.

¹⁸Kana munhu anomŋanakomana wakasindimara usiŋganzwi, usiŋgaɗi kuterera inzwi raɓaɓa ʋake kana inzwi ramai ʋake, usiŋganzwi kana ʋacimuraŋga;

¹⁹ɓaɓa ʋake namai ʋake ʋanofanira kumuɓata ndokuenda naye kuʋakuru ʋeguta rake, nokusuʋo renɀimbo yake,

²⁰ʋagoti kuʋakuru ʋeguta rake: Mŋanakomana weɗu uyu wakasindimara, unotimukira, haaɗi kuterera inzwi reɗu; unopedza fuma, nokunwa ɗoro.

²¹Ɀino ʋarume ʋose ʋeguta ʋanofanira kumutaka namabge, kuti afe; saiɀoɀo unofanira kubvisa cakaipa pakati pako; ʋaIsraeri ʋose ʋaɀinzwe, ʋatye.

²²Kana munhu aciŋge atadza ciʋi cinofanirwa norufu, akaʋurawa, ukamusuŋgirira pamuti;

²³citunha cake hacifaniri kuʋata pamuti ʋusiku bgose, asi unofanira kumuʋiga nomusi iwoyo, nokuti munhu wakasuŋgirirwa wakatukwa naMŋari; kuti urege kuȿiɓisa nyika yako yaunopiwa naJehova Mŋari wako, kuti iʋe yako.