Read Original Shona Union Bible 1949 Baiberi Magwaro Matȿene aMŋari Deuteronomio 22 Bible Online

Deuteronomio 22 - Original Shona Union Bible 1949 Baiberi Magwaro Matȿene aMŋari bible

Deuteronomio 22

¹Haufaniri kuʋona nzombe yehama yako, kana gwai rake, ɀicirashika, ukaɀinyenyeredza; ɀirokwaɀo unofanira kuɀidzosera kuhama yako.

²Kana hama yako iri kure newe, ɀimŋe usiŋgaciziʋi, unofanira kuenda naco kumusha kwako, cigare kwauri kuȿikira hama yako icicitȿaka, ugocidzosera kwaari.

³Unofanira kuita saiɀoɀo ʋo nemboŋgoro yake; unofanira kuita saiɀoɀo ʋo neŋguʋo yake; unofanira kuita saiɀoɀo ʋo neɀinhu ɀose ɀehama yako ɀakarashika, caakaŋga arashikirwa naco, cikawanikwa newe; haufaniri kuɀinyenyeredza.

⁴Haufaniri kuʋona mboŋgoro, kana nzombe, ɀehama yako ɀawira pasi panzira, ukaɀinyenyeredza; unofanira kumuɓatsira ɀirokwaɀo kuɀimutsa.

⁵Mukadzi haafaniri kufuka ŋguʋo dzomurume, nomurume haafaniri kufuka ŋguʋo dzomukadzi; nokuti aninani unoita iɀoɀo unonyaŋgadza Jehova Mŋari wako.

⁶Kana ukawana ɗendere reshiri panzira, pamuti upi noupi, kana pasi, rinaʋana kana mazai, mai icivuvatira ʋana kana mazai, haufaniri kutora mai naʋana;

⁷unofanira kurega mai, asi ʋana uŋgatora hako; kuti ɀiʋe ɀakanaka newe, uwedzerwe mazuʋa ako.

⁸Kana ukaʋaka imba itȿa, unofanira kuisa rumhanda paɗeŋga rako, kuti urege kuʋuyisa mhoȿa yeropa pamsoro peimba yako, kana mumŋe munhu akawa’po.

⁹Haufaniri kudɀara mbeu dzamarudzi maʋiri pamunda wako wemizambiriŋga, kuti ɀiɓereko ɀose ɀirege kutsaurirwa nɀimbo tȿene, idzo mbeu dzawadɀara, neɀiɓereko ɀomunda wemizambiriŋga.

¹⁰Usarima nenzombe nemboŋgoro ɀakasuŋgwa pamŋe cete.

¹¹Usafuka ŋguʋo dzakarukwa neɀinhu ɀakaveŋganiswa, mvere pamŋe cete nomuceka.

¹²Unofanira kuziitira masa pamiromo minna yeŋguʋo yako yaunoɀifukidza nayo.

¹³Kana munhu akawana mukadzi, akapinda kwaari, akazomuʋeŋga,

¹⁴akamupomera ɀinonyadza, nokutaura ɀakaipa pamsoro pake, aciti: Ndakawana mukadzi uyu, asi ndakati ndicisweɗera kwaari, handina‐kuwana ɀiratidzo ɀoʋumhandara bgake kwaari;

¹⁵ɀino ɓaɓa ʋomusikana namai ʋake ʋanofanira kuenda neɀiratidzo ɀoʋumhandara bgake kuʋakuru ʋeguta pasuʋo;

¹⁶ɀino ɓaɓa ʋomusikana ʋanofanira kuti kuʋakuru: Ndakapa murume uyu mŋanasikana waŋgu, kuti aʋe mukadzi wake, asi ɀino womuʋeŋga;

¹⁷tarirai, wamupomera ɀinhu ɀinonyadza, aciti: Handina‐kuwana ɀiratidzo ɀoʋumhandara kumŋanasikana wako; asi heɀi ɀiratidzo ɀoʋumhandara bgomŋanasikana waŋgu. Ɀino ʋanofanira kuwarira ŋguʋo pamberi paʋakuru ʋeguta.

¹⁸Ipapo ʋakuru ʋeguta iro ʋanofanira kuɓata murume uyo, ʋamuroʋe;

¹⁹nokumuripisa mashekeri[2] esirveri anezana, ʋagoapa ɓaɓa ʋomusikana, nokuti wakataura ɀakaipa pamsoro pomusikana waIsraeri; ɀino iye unofanira kuʋa mukadzi wake, haaŋgamurashi mazuʋa ake ose.

²⁰Asi kana riri shoko reɀokwaɗi, kuti ɀiratidzo ɀoʋumhandara ɀakashaikwa kumusikana,

²¹ʋanofanira kuɓuɗisira musikana kumukoʋa weimba yaɓaɓa ʋake, ʋarume ʋeguta rake ʋagomutaka namabge, afe; nokuti wakaita seɓenzi pakati paIsraeri, pakupata kwake paimba yaɓaɓa ʋake; saiɀoɀo unofanira kubvisa ɀakaipa pakati pako.

²²Kana murume akawanikwa aciʋata nomukadzi wakawanikwa nomurume wake, iʋaʋo ʋose ʋanofanira kuʋurawa, murume wakaʋata nomukadzi naiye mukadzi ʋo; saiɀoɀo iwe unofanira kubvisa ɀakaipa pakati paIsraeri.

²³Kana kunomusikana, iciri mhandara, wakanyeŋgwa nomurume, mumŋe murume akamuwana muguta, akaʋata naye;

²⁴ipapo munofanira kuʋaɓuɗisa ʋose ʋari ʋaʋiri pasuʋo reguta, mugoʋataka namabge, ʋafe, musikana nokuti haana‐kuridza mhere, ari muguta hake, ʋuye murume, nokuti wanyadzisa mukadzi wowokwake; saiɀoɀo iwe unofanira kubvisa ɀakaipa pakati pako.

²⁵Asi kana murume akawana musikana uyo wakanyeŋgwa ari kusaŋgo, murume akaita simba naye, akaʋata naye, iye murume wakaʋata naye unofanira kufa, iye oga;

²⁶asi musikana haufaniri kumuita cinhu; musikana haana‐kuita ciʋi cinofanirwa norufu; nokuti shoko iri rakafanana neromurume wakamukira wokwake akamuʋuraya;

²⁷nokuti wakamuwana kusaŋgo, musikana wakanyeŋgwa akaridza mhere, asi kwakaŋga kusinomunhu kumurwira.

²⁸Kana murume akawana musikana, iciri mhandara, ugere kunyeŋgwa, akaita simba naye, akaʋata naye, ʋakaʋonekwa;

²⁹ipapo murume wakaʋata naye unofanira kupa ɓaɓa ʋake mashekeri[3] anamakumi mashanu esirveri, ɀino iye unofanira kuʋa mukadzi wake, nokuti wamunyadzisa; haafaniri kuzomurasha paʋupenyu bgake bgose.

³⁰Murume haafaniri kutora mukadzi waɓaɓa ʋake, haafaniri kufukura nhere yaɓaɓa ʋake.