Read Original Shona Union Bible 1949 Baiberi Magwaro Matȿene aMŋari Deuteronomio 24 Bible Online

Deuteronomio 24 - Original Shona Union Bible 1949 Baiberi Magwaro Matȿene aMŋari bible

Deuteronomio 24

¹Kana murume akatora mukadzi, akamuwana, ɀino akasafara naye, nokuti wawana cinhu cisina‐kufanira kwaari, unofanira kumunyorera rugwaro rwokumuramba, ndokuruisa muruʋoko rwake, ndokumubvisa mumba make.

²Ɀino kana aɓuɗa mumba make, uŋgandowanikwa nomumŋe murume.

³Kana murume uyu ɀe akamuʋeŋga, akamunyorera rugwaro rwokumuramba, akamupa irwo muruʋoko rwake, akamubvisa mumba make, kunyaŋge murume uyu akazofa, iye wakazomuwana,

⁴murume wake wokutaŋga, wakaɗeya kumubvisa, haaŋgamuwani ɀe, ɀaakaȿiɓiswa; nokuti iɀo ɀinonyaŋgadza Jehova; haufaniri kutadzisa nyika, yaunopiwa naJehova Mŋari wako, kuti iʋe nhaka yako.

⁵Kana munhu acaŋgowana mukadzi, haafaniri kuenda kuhondo, kana kuɓatiswa rimŋe ɓasa; unofanira kugara kumusha gore rimŋe akasunuŋguka, kuti afadze mukadzi wake waakawana.

⁶Munhu haafaniri kutora guyo kana huyo, kuti ruʋe ruɓatso; nokuti unotora ruɓatso rwoʋupenyu bgomunhu.

⁷Kana munhu akawanikwa aciɓa mumŋe wehama dzake kuʋana ʋaIsraeri, akamuita muranda wake, kana kumuteŋgesa, uyo muɓi unofanira kufa; saiɀoɀo unofanira kubvisa cakaipa pakati pako.

⁸Cenjera pahosha yamaperembudzi kuti uceŋgete nokuita ɀakanaka ɀamunodzidziswa naʋaprista ʋaRevi; seɀandakaʋaraira, ndiɀo ɀamunofanira kuita.

⁹Raŋgarira ɀakaitirwa Miriami naJehova Mŋari wako panzira, muciɓuɗa Egipita.

¹⁰Kana ukaposwa nowokwako cinhu cipi necipi, haufaniri kupinda mumba make kundotora ruɓatso rwake.

¹¹Unofanira kumira kunze, kuti munhu wakaposwa newe akuɓuɗisire kunze ruɓatso rwake.

¹²Kana aciŋge ari murombo, haufaniri kundoʋata noruɓatso rwake.

¹³Unofanira kumudzosera ruɓatso kana zuʋa roʋira, kuti aʋate neŋguʋo yake, akuropatadze; ucaruramiswa pamsoro paiɀoɀo naJehova Mŋari wako.

¹⁴Usamanikidza muranda unokuɓatira, ari murombo unoshaiwa, kana ari mumŋe wehama dzako, kana waʋatorwa ʋako ʋari munyika yako, mukati mamasuʋo ako.

¹⁵Unofanira kumupa muɓairo wake zuʋa rimŋe nerimŋe, zuʋa ŋgarirege kuʋira asanhi apiwa; nokuti murombo, nomŋoyo wake unoutarira; kuti arege kuzocema kunaJehova pamsoro pako, ɀikaʋa ɀiʋi kwauri.

¹⁶Madziɓaɓa haafaniri kuʋurawa pamsoro paʋana ʋaʋo, naʋana haʋafaniri kuʋurawa pamsoro pamadziɓaɓa aʋo; munhu mumŋe nomumŋe unofanira kuʋurayirwa ɀiʋi ɀake.

¹⁷Usatoŋgera mutorwa kana nherera ɀisina‐kururama; ʋuye haufaniri kutora ŋguʋo yecirikadzi kuita ruɓatso nayo.

¹⁸Asi unofanira kuraŋgarira kuti wakaŋga uri muranda paEgipita, Jehova Mŋari wako akakudzikinura ipapo; naiɀoɀo ndinokuraira kuita cinhu ici.

¹⁹Kana ukakohwa ɀiyo ɀako mumunda mako, ukakaŋganwa cisote mumunda, haufaniri kudzokera kundocitora; cinofanira kuʋa comutorwa, nenherera, necirikadzi; kuti Jehova Mŋari wako akuropafadze pamaɓasa ose amaʋoko ako.

²⁰Kana ucizuza muti wako womuorivi, usatȿakisisa pamataʋi ɀe; ɀinofanira kuʋa ɀomutorwa nenherera, necirikadzi.

²¹Kana uciʋuŋganidza mazambiriŋga omunda wako wemizambiriŋga, haufaniri kutȿakisisa ɀe; anofanira kuʋa omutorwa, nenherera, necirikadzi.

²²Unofanira kuraŋgarira kuti wakaŋga uri muranda panyika yeEgipita; naiɀoɀo ndinokuraira cinhu ici.