Read Original Shona Union Bible 1949 Baiberi Magwaro Matȿene aMŋari Deuteronomio 25 Bible Online

Deuteronomio 25 - Original Shona Union Bible 1949 Baiberi Magwaro Matȿene aMŋari bible

Deuteronomio 25

¹Kana ʋanhu ʋakaita nharo, ʋakaʋuya kutoŋgerwa, ʋatoŋgi ʋakaʋatoŋgera, ʋanofanira kururamisira wakarurama, nokupa mhoȿa munhu wakatadza.

²Ɀino kana wakatadza acifanirwa nokurobga, mutoŋgi unofanira kumutsiʋamisa pasi, agorobga pamberi pake ɀakaenzana nokutadza kwake.

³Unofanira kumuroʋa kanamakumi manna, haafaniri kupfuʋudza; kuti, kana akapfuʋudza, akamuroʋa kupfuʋura ipapo kazhinji, hama yako irege kuɀidzwa pamberi pako.

⁴Usasuŋga muromo wenzombe inopura ɀiyo.

⁵Kana ʋana ʋomunhu mumŋe ʋagere pamŋe cete, mumŋe waʋo akafa asinomŋanakomana, mukadzi wowakafa haafaniri kuwanikwa nomutorwa kunze kwehama; munuŋuna womurume wake unofanira kupinda kwaari, aʋe mukadzi wake, amuitire seɀinofanira kuita munuŋuna womurume.

⁶Ɀino mŋana weɗaŋgwe waacaɓereka, ndiye unofanira kupinda panɀimbo yomukoma wake wakafa, kuti zita rake rirege kudzimŋa pakati paIsraeri.

⁷Kana munhu asiŋgaɗi kuwana mukadzi womukoma wake, mukadzi womukoma wake unofanira kukwira kusuʋo raʋakuru, agoti: Munuŋuna womurume waŋgu unoramba kumutsira mukoma wake zita munaIsraeri, haaɗi kundiitira seɀinofanira kuita munuŋuna womurume.

⁸Ɀino ʋakuru ʋeguta rake ʋanofanira kumuɗana, ʋataure naye; kana akaramba, aciti: Handiɗi haŋgu kumuwana;

⁹mukadzi womukoma wake unofanira kuʋuya kwaari pamberi paʋakuru, ndokubvisa shaŋgu yake parutsoka rwake, ndokumupfira mate pameso, agopindura aciti: Ndiɀo ɀinofanira kuitirwa munhu usiŋgaʋaki imba yomukoma wake.

¹⁰Zita rake munaIsraeri rinofanira kunzi: Imba yomunhu wakabviswa shaŋgu yake.

¹¹Kana ʋarume ʋakarwa, mukadzi womumŋe akasweɗera kurwira murume wake paruʋoko rwaiye unomuroʋa, akatambanudza ruʋoko rwake, akamuɓata pamberi,

¹²iwe unofanira kugura ruʋoko rwake, haufaniri kumunzwira tsitsi.

¹³Haufaniri kuʋa neɀiyereso ɀisina‐kuenzana muhomboɗo yako, cikuru neciɗuku.

¹⁴Haufaniri kuʋa neɀiyero ɀisina‐kuenzana mumba mako, cikuru neciɗuku.

¹⁵Unofanira kuʋa neciyereso cakakwana, cakarurama; kuti mazuʋa ako aʋe mazhinji panyika yaunopiwa naJehova Mŋari wako.

¹⁶Nokuti ʋose ʋanoita ɀinhu ɀakaɗai, iʋo ʋose ʋanoita ɀisina‐kururama, ʋanonyaŋgadza Jehova Mŋari wako.

¹⁷Raŋgarira ɀawakaitirwa naAmareki panzira, pakuɓuɗa kwenyu Egipita;

¹⁸kuti wakakuwira panzira, akaparadza ʋanhu ʋako ʋakaŋga ʋari shure, ʋose ʋakaŋga ʋasinesimba, paŋguʋa yamakaŋga maziya nokuneta; iye wakaŋga asiŋgatyi Mŋari.

¹⁹Ɀino kana Jehova Mŋari wako akupa zororo paʋaʋeŋgi ʋako ʋose, ʋanokupoteredza panyika yaunopiwa naJehova Mŋari wako, iʋe nhaka yako, unofanira kubvisa pasi pokuɗeŋga ɀose ɀinoraŋgaridza Amareki; usakakaŋganwa.