Read Original Shona Union Bible 1949 Baiberi Magwaro Matȿene aMŋari Deuteronomio 26 Bible Online

Deuteronomio 26 - Original Shona Union Bible 1949 Baiberi Magwaro Matȿene aMŋari bible

Deuteronomio 26

¹Ɀino kana wapinda panyika yaunopiwa naJehova Mŋari wako, kuti iʋe nhaka yako, ikaʋa yako, ukagara’mo;

²unofanira kutora ɀitȿa ɀeɀiɓereko ɀose ɀenyika, ɀaunowana panyika yaunopiwa naJehova Mŋari wako, ndokuɀiisa muɗeŋgu, ndokuenda naɀo kunɀimbo icatsaurwa naJehova Mŋari wako, kuti agarise’po zita rake.

³Ɀino uende kumuprista ucaʋa’po pamazuʋa iwayo, uti kwaari: Ndinoreʋa pacena nhasi pamberi paJehova Mŋari wako, kuti ndaȿika panyika yakapikirwa madziɓaɓa eɗu naJehova, kuti ucatipa iyo.

⁴Ipapo muprista unofanira kutora ɗeŋgu paruʋoko rwako, ndokurigadza pamberi peartari yaJehova Mŋari wako.

⁵Iwe ugopupura, uciti pamberi paJehova Mŋari wako: Ƃaɓa ʋaŋgu ʋakaŋga ʋari muArameya, mufambi wakaŋga oɗo‐kuparara, akaɓurukira Egipita, akagara’po, anaʋanhu ʋashoma haʋo; ʋakaitwa’po rudzi rukuru, runesimba, runaʋanhu ʋazhinji.

⁶ƲaEgipita ʋakatiitira ɀakaipa, nokutitambudza, ʋakatiɓatisa maɓasa anorema.

⁷Ipapo takaɗana kunaJehova Mŋari wamadziɓaɓa eɗu, Jehova akanzwa inzwi reɗu, akaʋona kutambudzika kweɗu, namaɓasa eɗu, nokuremedzwa kweɗu;

⁸Jehova akatiɓuɗisa paEgipita necanza cinesimba, noruʋoko rwakatambanudzwa, neɀinotyisa, neɀiratidzo, neɀishamiso;

⁹akatiȿitsa panɀimbo ino, akatipa nyika ino, nyika inoyerera mukaka noʋuci.

¹⁰Ɀino tarira, ndaʋuya neɀitȿa ɀeɀiɓereko ɀenyika yamakandipa, imi Jehova. Ipapo unofanira kuɀiisa pasi pamberi paJehova Mŋari wako; ndokunamata pamberi paJehova Mŋari wako.

¹¹Unofanira kufarira ɀose ɀakanaka, ɀaunopiwa naJehova Mŋari wako, iwe, naʋeimba yako, nomuRevi, nomutorwa uri pakati pako.

¹²Ɀino kana wapedza kutsaura ɀegumi ɀeɀiɓereko ɀako ɀose negore recitatu, nokuti ndiro gore rokutsaura ɀegumi, unofanira kuɀipa muRevi, nomutorwa, nenherera, necirikadzi, kuti ʋadye mukati mamasuʋo ako, ʋagute.

¹³Ipapo iwe unofanira kutaura pamberi paJehova Mŋari wako, uciti: Ndabvisa mumba maŋgu ɀinhu ɀakatsaurwa, ndikaɀipa muRevi, nomutorwa, nenherera, necirikadzi, ɀose seɀamakandiraira; handina‐kuɗarika mumŋe wemirairo yenyu, kana kuikaŋganwa.

¹⁴Handina‐kuɀidya pakucema kwaŋgu, kana kuʋiga ɀimŋe ɀaɀo, ndisinakunaka, kana kupa ʋakafa ɀimŋe ɀaɀo; ndakaterera inzwi raJehova Mŋari waŋgu, ndikaita ɀose ɀamakandiraira.

¹⁵Ƌotarirai muri paʋugaro bgenyu bgutȿene, pakuɗeŋga, muropafadze ʋanhu ʋenyu Israeri, nenyika yamakatipa, seɀamakapikira madziɓaɓa eɗu, nyika inoyerera mukaka noʋuci.

¹⁶Nhasi Jehova Mŋari wako unokuraira kuti uite iɀi ɀakatemŋa neɀakatoŋgwa; naiɀoɀo unofanira kuɀiceŋgeta nokuɀiita nomŋoyo wako wose nomŋeya wako wose.

¹⁷Wapikisa Jehova nhasi kuti aʋe Mŋari wako, newe kuti unofanira kufamba munzira dzake, nokuceŋgeta ɀaakatema, nemirairo yake, neɀaakatoŋga, ʋuye kuti ucaterera inzwi rake.

¹⁸NaJehova wakakupikisa iwe kuti ucaʋa rudzi rwake cairwo, seɀaakakupikira, ʋuye kuti ucaceŋgeta mirairo yake yose;

¹⁹kuti akukurise kwaɀo kupfuʋura ndudzi dzose dzaakaita, pakurumbidzwa, napamukurumbira, napakukudzwa; kuti uʋe rudzi rutȿene kunaJehova Mŋari wako, seɀaakataura.