Read Original Shona Union Bible 1949 Baiberi Magwaro Matȿene aMŋari Deuteronomio 27 Bible Online

Deuteronomio 27 - Original Shona Union Bible 1949 Baiberi Magwaro Matȿene aMŋari bible

Deuteronomio 27

¹Ɀino Mosesi naʋakuru ʋaIsraeri ʋakaraira ʋanhu, ʋakati: Ceŋgetai mirairo yose yandinokurairai nhasi.

²Ɀino nomusi wamunoyambuka Joridani mucipinda munyika yaunopiwa naJehova Mŋari wako, unofanira kuɀimisira mabge makuru nokuacenesa nesuko;

³ugonyora pamsoro pawo mashoko ose omurairo uyu, kana wayambuka; kuti upinde munyika yawakapiwa naJehova Mŋari wako, nyika inoyerera mukaka noʋuci, seɀawakapikirwa naJehova Mŋari wamadziɓaɓa ako.

⁴Ɀino kana mayambuka Joridani, munofanira kumisa mabge iwayo, seɀandinokurairai nhasi, pagomo reEbari, nokuacenesa nesuko.

⁵Ipapo unofanira kuʋakira’po Jehova Mŋari wako artari, artari yamabge; haufaniri kusimudzira nhumbi yeɗare pamsoro payo.

⁶Unofanira kuʋaka artari yaJehova Mŋari wako namabge asina‐kuʋezwa, ugoɓayira’po Jehova Mŋari wako ɀipiriso ɀinopiswa.

⁷Unofanira kuɓayira’po ɀipiriso ɀokuyananisa, nokudya’po; unofanira kufara pamberi paJehova Mŋari wako.

⁸Unofanira kunyora pamsoro pamabge awo mashoko ose omurairo uyu, ɀiʋonekwe kwaɀo.

⁹Ɀino Mosesi naʋaprista naʋaRevi ʋakataura naʋaIsraeri ʋose, ʋakati: Iwe Israeri, nyarara, unzwe; nhasi waitwa rudzi rwaJehova Mŋari wako.

¹⁰Naiɀoɀo unofanira kuterera inzwi raJehova Mŋari wako, uite mirairo yake neɀaakatema, ɀandinokuraira nhasi.

¹¹Mosesi akaraira ʋanhu nomusi uyo, akati:

¹²Ndiʋo ʋanofanira kundomira pamsoro pegomo reGerizimi, kuti ʋaropafadze ʋanhu, kana mayambuka Joridani: Simeoni, naRevi, naJuda, naIsakari, naJosefa, naBenjamini.

¹³Ʋuye ndiʋo ʋanofanira kundomira pagomo reEbari, kuti ʋaʋatuke: Rubeni, naGadi, naAsheri, naZeburuni, naDani, naNaftari.

¹⁴Ɀino ʋaRevi ʋanofanira kupindura, ʋaciti kuʋarume ʋose ʋaIsraeri nenzwi guru:

¹⁵Ŋgaatukwe munhu unoita mufananidzo wakaʋezwa, kana wakaʋumbga, unonyaŋgadza Jehova, riri ɓasa ramaʋoko emhizha, aciumisa pakaʋanda. Ɀino ʋanhu ʋose ʋanofanira kupindura, ʋaciti: Ameni.

¹⁶Ŋgaatukwe munhu unoɀidza ɓaɓa ʋake kana mai ʋake. Ɀino ʋanhu ʋose ʋanofanira kuti: Ameni.

¹⁷Ŋgaatukwe munhu unoshandura muganho wehama yake. Ɀino ʋanhu ʋose ʋanofanira kuti: Ameni.

¹⁸Ŋgaatukwe munhu unotsausa ɓofu panzira. Ɀino ʋanhu ʋose ʋanofanira kuti: Ameni.

¹⁹Ŋgaatukwe munhu unotoŋgera mutorwa nenherera necirikadzi ɀisakarurama. Ɀino ʋanhu ʋose ʋanofanira kuti: Ameni.

²⁰Ŋgaatukwe munhu unoʋata nomukadzi waɓaɓa ʋake, nokuti wafukura nhere yaɓaɓa ʋake. Ɀino ʋanhu ʋose ʋanofanira kuti: Ameni.

²¹Ŋgaatukwe munhu unoʋata nemhuka ipi neipi. Ɀino ʋanhu ʋose ʋanofanira kuti: Ameni.

²²Ŋgaatukwe munhu unoʋata nehanɀadzi yake, kana nomŋanasikana waɓaɓa ʋake, kana nomŋanasikana wamai ʋake. Ɀino ʋanhu ʋose ʋanofanira kuti: Ameni.

²³Ŋgaatukwe munhu unoʋata namai ʋomukadzi wake. Ɀino ʋanhu ʋose ʋanofanira kuti: Ameni.

²⁴Ŋgaatukwe munhu unoroʋa wokwake pakaʋanda. Ɀino ʋanhu ʋose ʋanofanira kuti: Ameni.

²⁵Ŋgaatukwe munhu unogamucira fufuro kuti aʋuraye mumŋe usinemhoȿa. Ɀino ʋanhu ʋose ʋanofanira kuti: Ameni.

²⁶Ŋgaatukwe munhu usiŋgasimbisi mashoko omurairo uyu, nokuaita. Ɀino ʋanhu ʋose ʋanofanira kuti: Ameni.