Read Original Shona Union Bible 1949 Baiberi Magwaro Matȿene aMŋari Deuteronomio 28 Bible Online

Deuteronomio 28 - Original Shona Union Bible 1949 Baiberi Magwaro Matȿene aMŋari bible

Deuteronomio 28

¹Ɀino kana uciterera ɀakanaka inzwi raJehova Mŋari wako, nokucenjera kuita mirairo yake yose, yandinokuraira nhasi, Jehova Mŋari wako ucakukurisa kupfuʋura ndudzi dzose dziri panyika.

²Kuropafadzwa uku kwose kucaitika kwauri, ucateʋererwa nako, kana uciterera inzwi raJehova Mŋari wako.

³Ucaropafadzwa muguta, ucaropafadzwa mumunda.

⁴Ɀiɓereko ɀomuʋiri wako, neɀiɓereko ɀevu rako, neɀiɓereko ɀeŋombe dzako, neɀiɓereko ɀemhou dzako, namakwaiana amakwai ako, ɀicaropafadzwa.

⁵Ƌeŋgu rako, nomudziyo wako wokukanyira ciŋgwa, ɀicaropafadzwa.

⁶Ucaropafadzwa kana ucipinda, ucaropafadzwa kana uciɓuɗa.

⁷Jehova ucakukundisa ʋaʋeŋgi ʋako, ʋanokumukira, pamberi pako; ʋacaʋuya kuzorwa newe nenzira imŋe, ʋacatiza pamberi pako nenzira nomŋe.

⁸Jehova ucaraira kuti uropafadzwe pamatura ako, napaɀose ɀaunoɓata namaʋoko ako; ucakuropafadza panyika yaunopiwa naJehova Mŋari wako.

⁹Jehova ucakusimbisa, kuti uʋe rudzi rwake rutȿene, seɀaakakupikira; kana uciceŋgeta mirairo yaJehova Mŋari wako, nokufamba munzira dzake.

¹⁰Ʋanhu ʋose ʋenyika ʋacaʋona kuti iwe wakatumidzwa nezita raJehova; ʋacakutya.

¹¹Jehova ucakuwanzira mufaro paɀiɓereko ɀomuʋiri wako, napaɀiɓereko ɀeŋombe dzako, napaɀiɓereko ɀevu rako, panyika yakapikirwa madziɓaɓa ako naJehova, kuti ucakupa iyo.

¹²Jehova ucakuzarurira fuma yake yakanaka yokuɗeŋga, akupe mvura yenyika yako neŋguʋa yayo; nokuropafadza maɓasa ose amaʋoko ako; iwe ucapa ndudzi zhinji cikwerete, asi iwe umene hauŋgatori cikwerete.

¹³Jehova ucakuita musoro, haaŋgakuiti muswe; ucaʋa kumsoro ɓedzi, hauŋgaʋi pasi; kana uciterera mirairo yaJehova Mŋari wako, yandinokuraira nhasi, ucishiŋgaira kuiita;

¹⁴usiŋgatsauki panerimŋe ramashoko andinokuraira, kurudyi kana kuruɓoshwe, uciteʋera ʋamŋe ʋamŋari kuti uʋashumire.

¹⁵Asi kana uciramba kuterera inzwi raJehova Mŋari wako kuti ucenjere kuita mirairo yake yose, neɀaakatema, ɀandinokuraira nhasi; kutukwa uku kwose kucaitika kwauri, ucateʋererwa nako.

¹⁶Ucatukwa muguta, ucatukwa mumunda.

¹⁷Ƌeŋgu rako ricatukwa, nomudziyo wako wokukanyira ciŋgwa.

¹⁸Ɀiɓereko ɀomuʋiri wako ɀicatukwa, neɀiɓereko ɀevu rako, neɀiɓereko ɀemhou dzako, namakwaiana amakwai ako.

¹⁹Ucatukwa kana ucipinda, ucatukwa kana uciɓuɗa.

²⁰Jehova ucatuma pamsoro pako kutukwa, nokunyoŋganiswa, nokuraŋgwa, paɀose ɀaunoɓata namaʋoko ako, kuȿikira waparadzwa, ʋuye kuȿikira wakurumidza kupera, nokuɗa kweɀakaipa ɀaunoita, ɀawakandisiya naɀo.

²¹Jehova ucakunamatidza ɗenda, kuȿikira akupedza kunyika kwaunoenda, kuti iʋe yako.

²²Jehova ucakuroʋa norukosoro, nefiviri, nokupisa kwomuʋiri, nokuʋaʋiswa kwaɀo, ʋuye nokushaiwa mvura, nenyunje, nokuvuva; iɀo ɀicakuteʋerera kuȿikira waparadzwa.

²³Ƌeŋga rako riri pamsoro pako ricaita sendarira, nenyika iri pasi pako seɗare.

²⁴Jehova ucashandura mvura yenyika yako iʋe ɓukuta neguruʋa; ɀicaɓurukira pamsoro pako ɀicibva kuɗeŋga, kuȿikira waparadzwa.

²⁵Jehova ucatendera kuti ukundwe naʋaʋeŋgi ʋako; ucaɓuɗa kundorwa naʋo nenzira imŋe, ucatiza pamberi paʋo nenzira nomŋe; ucaʋa cinhu cinotyisa pakati poʋushe bgose bgenyika.

²⁶Ɀitunha ɀako ɀicaʋa ɀokudya ɀeshiri dzose dzokuɗeŋga neɀikara ɀenyika, kusinomunhu unoɀidziŋga.

²⁷Jehova ucakuroʋa namamota eEgipita, namaronda, nemhizi, nokufunuka, ɀicaramba kupora.

²⁸Jehova ucakuroʋa nokupeŋga, noʋupofu, ʋuye nokukaŋganiswa kwomŋoyo;

²⁹ucatȿaŋgadzira masikati, seɓofu rinotȿaŋgadzira murima, hauŋgafari panzira dzako; ucaremedzwa nokuɓirwa ŋguʋa dzose, hakuŋgaʋi nomunhu unokurwira.

³⁰Ucanyeŋga mukadzi, asi mumŋe murume ucaʋata naye; ucaʋaka dzimba, asi hauŋgagari’mo; ucarima munda wemizambiriŋga, asi hauŋgaŋgadyi micero yayo.

³¹Ŋombe yako icaɓayiwa uciɀiʋona, asi hauŋgaidyi; mboŋgoro yako icatorwa nesimba uciɀiʋona, asi haiŋgadzoserwi kwauri; makwai ako acapiwa ʋaʋeŋgi ʋako, hauŋgawani unokurwira.

³²Ʋanakomana ʋako naʋanasikana ʋako ʋacapiwa rumŋe rudzi; meso ako acatarira, ukaneta kuʋashuʋa zuʋa rose; asi ucashaiwa simba paruʋoko rwako.

³³Ɀiɓereko ɀevu rako, neɀamaɓasa ako, ɀicadyiwa norudzi rwausiŋgaziʋi; ucaŋgoremedzwa nokutambudzwa ŋguʋa dzose.

³⁴Ucapeŋgeswa neɀaucaʋona nameso ako.

³⁵Jehova ucakuroʋa pamabvi ako, napamakumbo ako, namamota anorwadza, acaramba kupora, kubva parutsoka kuȿikira pamsoro pomusoro wako.

³⁶Jehova ucakuisa iwe namambo wako waucaɀitsaurira kurudzi rwawakaŋga usiŋgaziʋi iwe namadziɓaɓa ako; ɀino ucandoshumira’po ʋamŋe ʋamŋari ʋamatanda namabge.

³⁷Iwe ucaitwa cishamiso, neshumo, neciseko, pakati paʋanhu ʋose kwaucandoiswa naJehova.

³⁸Ucatakurira mbeu zhinji kumunda, asi ucaʋuŋganidza ɀishoma; nokuti ɀicapedzwa nemhashu.

³⁹Ucarima minda yemizambiriŋga nokuigadzira, asi hauŋganwi waini yayo, kana kutanha mazambiriŋga; nokuti acadyiwa namakonye.

⁴⁰Ucaʋa nemiti yemiorivi panyika yako yose, asi hauŋgazori mafuta ayo, nokuti miorivi yako icazuka.

⁴¹Ucaɓereka ʋanakomana naʋanasikana, asi haʋaŋgaʋi ʋako, nokuti ʋacatapxa.

⁴²Miti yako yose neɀiɓereko ɀevu rako ɀicadyiwa nemhashu.

⁴³Mutorwa ugere pakati pako ucaramba acikwirira kupfuʋura iwe; iwe ucaramba uciɗerera.

⁴⁴Iye ucakupa cikwerete, asi iwe hauŋgamupi cikwerete; iye ucaʋa musoro, iwe ucaʋa muswe.

⁴⁵Kutukwa uku kwose kucaitika kwauri, nokukuteʋera, nokukuɓata, kuȿikira waparadzwa; nokuti hauna‐kuterera inzwi raJehova Mŋari wako, nokuceŋgeta mirairo yake naɀaakatema, ɀaakakuraira.

⁴⁶Ɀicaʋa pamsoro pako napamsoro paʋana ʋako, ɀiʋe ɀiratidzo neɀishamiso nokusiŋgaperi;

⁴⁷nokuti hauna‐kushumira Jehova Mŋari wako nomufaro, nomŋoyo unofara, nokuɗa kwokuwanda kweɀose.

⁴⁸Naiɀoɀo ucafanira kuɓatira ʋaʋeŋgi ʋako, ʋaucatumirwa naJehova kuti urwe naʋo, ucinzwa nzara, nenyota, ucishaiwa ɀokufuka neɀose iɀi; iye ucaisa joko reɗare pamutsipa wako, kuȿikira akuparadza.

⁴⁹Jehova ucaʋuyisa rudzi runobva kure kuzorwa newe, runobva kumagumisiro enyika, segondo rinobururuka, rudzi rwausiŋganzwisisi rurimi rwarwo;

⁵⁰rudzi runehasha, rusiŋgaraŋgariri ʋatana, kana kunzwira majaya tsitsi.

⁵¹Ʋacadya ɀiɓereko ɀeŋombe dzako, neɀiɓereko ɀevu rako, kuȿikira waparadzwa; haʋaŋgakusiyiri ɀiyo, kana waini, kana mafuta, kana ɀakaɓerekwa nemhou dzako, kana makwaiana amakwai ako, kuȿikira waparadzwa naʋo.

⁵²Ʋacakukomba pamasuʋo ako ose, kuȿikira maȿiŋgo ako marefu anesimba awa ose, awakatenda munyika yako yose; ʋacakukomba pamasuʋo ako ose panyika yako yose, yawakapiwa naJehova Mŋari wako.

⁵³Ucadya ɀiɓereko ɀomuʋiri wako, nyama yaʋanakomana ʋako naʋanasikana ʋako, ʋawakapiwa naJehova Mŋari wako, kana wokombga nokumanikidzwa naʋaʋeŋgi ʋako.

⁵⁴Murume unoʋundere nounoʋuneŋgwe kwaɀo pakati pako ucaʋa nomufuŋgo wakaipa kuhama yake, nokumukadzi wake waanoɗa, nokuʋana ʋake ʋaaneŋge asarirwa naʋo;

⁵⁵haaŋgapi mumŋe waʋo nyama yaʋana ʋake ʋaacadya, nokuti iye haaŋgaʋi necaakasarirwa naco, kana wokombga nokumanikidzwa naʋaʋeŋgi ʋako pamasuʋo ako ose.

⁵⁶Mukadzi unoʋundere nounoʋuneŋgwe pakati pako, wakaŋga asiŋgaɗi kutsika pasi norutsoka rwake nokuɗa kwoʋuneŋgwe bgake noʋundere bgake, ucaʋa nomufuŋgo wakaipa kumurume wake waanoɗa, nomŋanakomana wake, nomŋanasikana wake;

⁵⁷nokumŋana wake muɗuku, waacaŋgoɓereka, nokuʋana ʋake ʋaacazoɓereka; nokuti ucadya pakaʋanda nokuɗa kwokushaiwa ɀinhu ɀose, kana wokombga nokumanikidzwa naʋaʋeŋgi ʋako pamasuʋo ako.

⁵⁸Kana usiŋgacenjeri kuita mashoko ose omurairo uyu, akanyorwa mubuku iyi, kuti utye zita iri rinobginya nerinotyisa, rinoti: JEHOVA MŊARI WAKO;

⁵⁹Jehova ucakuroʋa iwe naʋana ʋako namadambudziko anoshamisa, maɗambudziko makuru, asiŋgakurumidzi kupera, namatenda akaipa, asiŋgakurumidzi kupera.

⁶⁰Ucaʋuyisa ɀe pamsoro pako hosha dzose dzeEgipita, dzawakaŋga ucitya, kuti dzikunamatire.

⁶¹Namatenda ose, namaɗambudziko ose, asina‐kunyorwa mubuku yomurairo uyu, ndiwo acaʋuyiswa naJehova pamsoro pako, kuȿikira waparadzwa.

⁶²Mucasara maʋa ʋashoma, kunyaŋge makaŋga muri ʋazhinji senyeredzi dzokuɗeŋga; nokuti hauna‐kuterera inzwi raJehova Mŋari wako.

⁶³Ɀino Jehova seɀaakaŋga acikufarirai aciɗa kukuitirai ɀakanaka, nokukuwanzai, saiɀoɀo Jehova ucafara pamsoro penyu kukupedzai nokukuparadzai; mucadzurwa kunyika kwaunoenda, kuti iʋe yako.

⁶⁴Jehova ucakurashanya pakati pendudzi dzose, kubva pamugumo mumŋe wenyika kuȿikira kunomumŋe mugumo; ipapo ucandoshumira ʋamŋe ʋamŋari ʋawakaŋga usiŋgaziʋi, iwe namadziɓaɓa ako, ʋamŋari ʋamatanda naʋamabge.

⁶⁵Pakati pendudzi idzo hauŋgawani zororo, netsoka dzako hadziŋgawani pokuzorora; asi Jehova ucakupa ipapo mŋoyo unoɗeɗera, nameso anoneta, nomŋeya unowonda;

⁶⁶ʋupenyu bgako bgucarembera pamberi pako, ucatya ʋusiku namasikati, hauŋgaziʋi kana ucararama;

⁶⁷maŋgwanani ucati: Ƌai aiʋa maɗekwana! Maɗekwana ucati: Ƌai aiʋa maŋgwanani! nokutya kwomŋoyo wako, kwaucatya nako, ʋuye nokuɗa kweɀaucaʋona nameso ako.

⁶⁸Jehova ucakuisa ɀe Egipita neɀikepe nenzira yandakati kwauri: Haucazoiʋoni ɀe; ipapo mucandoɀiteŋgesa kuʋaʋeŋgi ʋenyu, kuti muʋe ʋaranda naʋarandakadzi, asi hakuŋgaʋi nomunhu ucakuteŋgai.