Read Original Shona Union Bible 1949 Baiberi Magwaro Matȿene aMŋari Deuteronomio 29 Bible Online

Deuteronomio 29 - Original Shona Union Bible 1949 Baiberi Magwaro Matȿene aMŋari bible

Deuteronomio 29

¹Ndiwo mashoko esuŋgano yakarairwa Mosesi naJehova, kuti aiite naʋana ʋaIsraeri panyika yaMoabi, kunze kwesuŋgano yaakaita naʋo paHorebi.

²Ɀino Mosesi akaɗana ʋaIsraeri ʋose, akati kwaʋari: Makaʋona ɀose ɀakaitwa naJehova pamberi penyu panyika yeEgipita kunaFarao naʋaranda ʋake ʋose, nokunyika yake yose;

³miidzo iya mikuru yamakaʋona nameso enyu, neɀiratidzo, neɀishamiso ɀiya ɀikuru.

⁴Asi Jehova haana‐kukupai mŋoyo inoziʋa, nameso anoʋona, nenzeʋe dzinonzwa kuȿikira nhasi.

⁵Ndakakutuŋgamirirai murenje makore anamakumi manna; ŋguʋo dzenyu hadzinakukusakarirai, neshaŋgu dzako hadzina‐kusakara patsoka dzako.

⁶Hamunakudya ciŋgwa, kana kunwa waini neɀinoɓata; kuti muziʋe kuti ndini Jehova Mŋari wenyu.

⁷Ɀino makati muciȿika panɀimbo ino, Sihoni, mambo weHeshboni, naOgi, mambo weBashani, ʋakaʋuya kuzorwa nesu, tikaʋakunda;

⁸tikatora nyika yaʋo, tikaipa ʋaRubeni naʋaGadi nehafu yorudzi rwaManase, kuti iʋe nhaka yaʋo.

⁹Naiɀoɀo ceŋgetai mashoko esuŋgano iyi, muiite, kuti mufare paɀose ɀamunoita.

¹⁰Mumire nhasi mose pamberi paJehova Mŋari, ʋatuŋgamiriri ʋenyu, namarudzi enyu, naʋakuru ʋenyu, naʋatariri ʋenyu, iʋo ʋarume ʋose ʋaIsraeri,

¹¹nepxere dzenyu, naʋakadzi ʋenyu, naʋatorwa ʋako ʋari pakati pemisasa yako, kubva paʋatemi ʋehuni dzako kuȿikira kuʋaceri ʋemvura yako;

¹²kuti upinde pasuŋgano yaJehova Mŋari wako, napakupika kwake kwaanokupikira nhasi iye Jehova Mŋari wako;

¹³kuti akusimbise nhasi uʋe rudzi rwake, iye aʋe Mŋari wako, seɀaakataura kwauri, ʋuye seɀaakapikira madziɓaɓa ako, Abrahama, naIsaka, naJakobo.

¹⁴Handiiti suŋgano iyi nokupika uku nemi moga;

¹⁵asi naiʋo ʋamire pano nesu nhasi pamberi paJehova Mŋari weɗu, ʋuye naʋasi’po nesu nhasi;

¹⁶(Nokuti munoziʋa kugara kweɗu panyika yeEgipita, nokufamba kweɗu pakati pendudzi, dzamakapfuʋura pakati padzo;

¹⁷mukaʋona ɀinonyaŋgadza ɀaʋo, neɀifananidzo ɀaʋo ɀamatanda neɀamabge, nesirveri nendarama, ɀakaŋga ɀiri pakati paʋo;)

¹⁸kuti pakati penyu parege kuʋa nomurume, kana mukadzi, kana mhuri, kana rudzi, ʋanomŋoyo unotsauka kunaJehova Mŋari weɗu nhasi, kuti ʋandoshumira ʋamŋari ʋendudzi idzo; kuti pakati penyu parege kuʋa nomudzi unoɓereka ɀinoʋuraya negaʋakaʋa;

¹⁹ɀino kana acinzwa mashoko okupika uku, aɀirumbidze pamŋoyo wake, aciti: Ndicaʋa norugare, kunyaŋge ndicifamba haŋgu noʋukukutu bgomŋoyo waŋgu, kuti ɀakanyoroʋa neɀakawoma ɀiparadzwe pamŋe cete;

²⁰Jehova haaŋgamukaŋganwiri, asi neŋguʋa iyo kutsamŋa kwaJehova neshuŋgu dzake ɀicapfuŋgairira munhu uyo, nokutukwa kwose kwakanyorwa mubuku iyi kucamunamatira; Jehova ucadzima zita rake pasi pokuɗeŋga.

²¹Jehova ucamutsaurira ɀakaipa ɀose pakati pamarudzi ose aIsraeri, kuti atukwe nokutuka kwose kwesuŋgano yakanyorwa mubuku iyi yomurairo.

²²Ɀino rudzi runoteʋera, iʋo ʋana ʋenyu ʋacamuka pashure penyu, naʋatorwa ʋanobva kunyika iri kure, kana ʋaciʋona maɗambudziko enyika iyo, namatenda aicarwadziswa nawo naJehova;

²³ʋuye kuti nyika yose isurferi, nomunyu, nokutȿa, kuti haidɀarwi, haimedzi, ʋuye kuti ʋuswa habgumeri’mo, sapakuparadzwa kweSodoma neGomora, neAdma neZeboimi, aya maguta akaparadzwa naJehova pakutsamŋa kwake neshuŋgu dzake;

²⁴ʋuye ndudzi dzose dzicati: Jehova wakaitira nyika iyo saiɀoɀo neiko? Kupisa kwokutsamŋa uku kukuru kunoti kuɗiniko?

²⁵Ɀino ʋanhu ʋacati: Nokuti ʋakasiya suŋgano yaJehova Mŋari wamadziɓaɓa aʋo, yaakaita naʋo ŋguʋa yaakaʋaɓuɗisa panyika yeEgipita;

²⁶ʋakashumira ʋamŋe ʋamŋari, ʋakanamata kwaʋari, ʋamŋari ʋaʋakaŋga ʋasiŋgaziʋi, ʋaʋasina‐kupiwa naye;

²⁷naiɀoɀo kutsamŋa kwaJehova kwakamukira nyika iyi, kuti aituke nokutuka kwose kwakanyorwa mubuku iyi.

²⁸Jehova akaʋadzipura panyika yaʋo nokutsamŋa kwake neshuŋgu dzake nehasha dzake huru, akaʋarashira kuneimŋe nyika, seɀaɀakaita nhasi.

²⁹Ɀinhu ɀakaʋanzwa ndeɀaJehova Mŋari weɗu; asi ɀinhu ɀakaratidzwa pacena ndeɀeɗu, isu naʋana ʋeɗu nokusiŋgaperi, kuti tiite mashoko ose omurairo uyu.