Read Original Shona Union Bible 1949 Baiberi Magwaro Matȿene aMŋari Deuteronomio 30 Bible Online

Deuteronomio 30 - Original Shona Union Bible 1949 Baiberi Magwaro Matȿene aMŋari bible

Deuteronomio 30

¹Ɀino kana ɀinhu iɀi ɀose ɀicikuwira, iko kuropafadzwa nokutukwa, kwandakaisa pamberi pako, ukaɀiraŋgarira pakati pendudzi dzose, pawakadziŋgirwa naJehova Mŋari wako,

²ukadzokera kunaJehova Mŋari wako, ukaterera inzwi rake, seɀandinokuraira ɀose nhasi, iwe naʋana ʋako, nomŋoyo wako wose, nomŋeya wako wose;

³ipapo Jehova Mŋari wako ucashandura kutapxa kwako, nokukunzwira tsitsi, nokukuʋuŋganidza ɀe pandudzi dzose, kwaakakurashanyira kwadziri, iye Jehova Mŋari wako.

⁴Kunyaŋge ʋamŋe ʋenyu ʋakaŋga ʋadziŋgirwa kumagumisiro okuɗeŋga, Jehova Mŋari wako ucakuʋuŋganidza’po, ucandokutora’po;

⁵Jehova Mŋari wako ucakuʋuyisa munyika, yakaŋga iri yamadziɓaɓa ako, kuti iʋe yako; ucakuitira ɀakanaka, nokukuwanza kupfuʋura madziɓaɓa ako.

⁶Jehova Mŋari wako ucadziŋgisa mŋoyo wako, nemŋoyo yaʋana ʋako, kuti uɗe Jehova Mŋari wako nomŋoyo wako wose, nomŋeya wako wose, kuti urarame.

⁷Jehova Mŋari wako ucatuka ʋaʋeŋgi ʋako nokutuka uku kwose, naʋose ʋanokuʋeŋga ʋanokutambudza.

⁸Ɀino iwe ucadzoka nokuterera inzwi raJehova, nokuita mirairo yake yose, yandinokuraira nhasi.

⁹Jehova Mŋari wako ucawanza ɀinoɓatwa namaʋoko ako, neɀiɓereko ɀomuʋiri wako, neɀiɓereko ɀeŋombe dzako, neɀiɓereko ɀevu rako, kuti ɀifare; nokuti Jehova ucakufarira ɀe ɀakanaka, seɀaakafarira madziɓaɓa ako;

¹⁰kana uciterera inzwi raJehova Mŋari wako, nokuceŋgeta mirairo yake neɀaakatema, ɀakanyorwa mubuku iyi yomurairo; kana ukadzokera kunaJehova Mŋari wako nomŋoyo wako wose nomŋeya wako wose.

¹¹Nokuti murairo uyu wandinokuraira nhasi hauŋgakuremeri ɀikuru, ʋuye hauzi kure.

¹²Hauzi kuɗeŋga, kuti uti: Ndianiko ucatikwirira kuɗeŋga, kundotitorera iwo, nokutinzwisa iwo, kuti tiuite?

¹³Hauzi mhiri kweguŋgwa, kuti uti: Ndianiko ucatiyambukira mhiri kweguŋgwa, andotitorera iwo, nokutinzwisa iwo, tiuite?

¹⁴Asi shoko riri pedyo kwaɀo newe, mumuromo mako, nomumŋoyo mako, kuti uriite.

¹⁵Tarira ndaisa pamberi pako nhasi ʋupenyu neɀakanaka, norufu neɀakaipa.

¹⁶Ɀandinokuraira nhasi ndiɀo, kuti uɗe Jehova Mŋari wako, nokufamba munzira dzake, nokuceŋgeta mirairo yake neɀaakatema neɀaakatoŋga, kuti urarame, uwande, ʋuye kuti Jehova Mŋari wako akuropafadze kunyika kwaunoenda kwairi, kuti iʋe yako.

¹⁷Asi kana mŋoyo wako ukatsauka, ukaramba kuterera, ukatsauswa kunamata ʋamŋe ʋamŋari nokuʋashumira,

¹⁸ndinokuʋudzai nhasi, kuti mucaparadzwa ɀirokwaɀo; hamuŋgaʋi namazuʋa mazhinji kunyika kwaunoyambukira nhasi, kuti iʋe yako.

¹⁹Ndinoɗana kuɗeŋga napasi kukupupurirai nhasi, kuti ndaisa pamberi pako ʋupenyu norufu, kuropafadzwa nokutukwa; naiɀoɀo tsaura ʋupenyu, kuti urarame, iwe naʋana ʋako;

²⁰kuti uɗe Jehova Mŋari wako, nokuterera inzwi rake, nokumunamatira; nokuti ndibgo ʋupenyu bgako, nokuwanzwa kwamazuʋa ako; kuti ugare munyika yakapikira Jehova madziɓaɓa ako, Abrahama naIsaka naJakobo, kuti ucaʋapa iyo.