Read Original Shona Union Bible 1949 Baiberi Magwaro Matȿene aMŋari Deuteronomio 33 Bible Online

Deuteronomio 33 - Original Shona Union Bible 1949 Baiberi Magwaro Matȿene aMŋari bible

Deuteronomio 33

¹Ɀino ndiko kuropafadza kwaMosesi, munhu waMŋari, kwaakaropafadza nako ʋana ʋaIsraeri, asati afa.

²Akati: Jehova wakabva Sinai, Akaʋaɓuɗira acibva Seiri; Akapenya ari pagomo reParani, Akaʋuya acibva paɀuru ɀinegumi ɀaʋatȿene; Paruʋoko rwake rworudyi pakaŋga panomurairo womŋoto kwaʋari.

³Ɀirokwaɀo unoɗa ndudzi; Ʋatȿene ʋake ʋose ʋari paruʋoko rwenyu; Ʋakagara pasi patsoka dzenyu; Mumŋe nomumŋe ucagamucira mashoko enyu.

⁴Mosesi wakatiraira murairo, Ndiyo nhaka yeʋuŋgano yaJakobo.

⁵Wakaŋga ari mambo paJeshuruni, Pakuʋuŋgana kwaʋakuru ʋaʋanhu, Marudzi ose aʋaIsraeri pamŋe cete.

⁶Rubeni ŋgaararame, arege kufa, Asi ʋanhu ʋake ŋgaʋaʋe ʋashoma haʋo.

⁷Kuropafadzwa kwaJuda ndiko: Akati: Inzwai Jehova inzwi raJuda, Mumuȿitse kuʋanhu ʋake; Wakaʋarwira namaʋoko ake; Imi mucamuɓatsira kurwa naʋaʋeŋgi ʋake.

⁸Pamsoro paRevi wakati: Tumimi yenyu neUrimi yenyu ndeɀa‐unoɗikanwa nemi, Iye wamakaidza paMasa, Wamakarwa naye pamvura yeMeriba;

⁹Iye wakati pamsoro paɓaɓa ʋake namai ʋake: Handina‐kumuʋona; Nehama dzake haana‐kudziraŋgarira, Kana kuziʋa ʋana ʋake, Nokuti ʋakaita shoko renyu, Nokuceŋgeta suŋgano yenyu.

¹⁰Ʋacadzidzisa Jakobo ɀamakatoŋga, NaIsraeri murairo wenyu; Ʋacaisa ɀinonhuwira pamberi penyu, Neɀipiriso ɀinopiswa ɀakakwana paartari dzenyu.

¹¹Jehova, ropafadzai simba rake, Gamucirai ɓasa ramaʋoko ake; Gurai ɀiʋuno ɀaʋanomumukira, Neɀaʋanomuʋeŋga, kuti ʋarege kusimuka ɀe.

¹²Pamsoro paBenjamini wakati: Muɗikanwa waJehova ucagara kwaari akaceŋgetwa; Unomufukidza zuʋa rose, Unogara pakati pamafudzi ake.

¹³Pamsoro paJosefa wakati: Nyika yake ŋgairopafadzwe naJehova; Ipiwe ɀinhu ɀakanakisa ɀokuɗeŋga, neɗoʋa, Nemʋura inogara makadzika;

¹⁴Neɀinhu ɀakanakisa ɀeɀiɓereko ɀezuʋa, Neɀinhu ɀakanakisa ɀinomedzwa nomŋedzi;

¹⁵Neɀinhu ɀakanaka ɀamakomo ekare, Neɀinhu ɀakanakisa ɀeɀikomo ɀisiŋgaperi,

¹⁶Neɀinhu ɀakanakisa ɀenyika nokuzara kwayo, Nomŋoyo wakanaka waiye wakaŋga agere mugwenzi; Kuropafadzwa ŋgakuʋuye pamusoro waJosefa, Napamsoro pomusoro waiye wakatsaurwa pakati pehama dzake.

¹⁷Mŋana wemhoŋgora weŋombe dzake, ndibgo ʋumambo bgake; Nyaŋga dzake inyaŋga dzenyati; Nadzo ucaɓaya ndudzi dzose dzaʋo, namagumisiro enyika; Ndiʋo ʋaneɀuru ɀamazana ɀinegumi ɀaEfraimi, Ndiʋo ʋaneɀuru ɀaManase.

¹⁸Pamsoro paZeburuni wakati: Cifara, Zeburuni, pakuɓuɗa kwako, Newe Isakari, pamatente ako.

¹⁹Ʋacaɗanira ʋanhu kumakomo; Ipapo ʋacaʋuya neɀiɓayiro ɀokururama; Nokuti ʋacanwa fuma zhinji yamakuŋgwa, Nefuma zhinji yakaʋanzwa nejeca.

²⁰Pamsoro paGadi wakati: Unokurisa Gadi ŋgaaropafadzwe; Iye unogara seshumbakadzi, Unobvambura ruʋoko, kunyaŋge nomusoro.

²¹Wakaɀitsaurira mugoʋe wokutaŋga; Nokuti ndipapo pakaceŋgetwa mugoʋe womuɓati; Wakaʋuya naʋakuru ʋaʋanhu; Wakaita ɀakarurama ɀaJehova, Neɀaakatoŋga pamsoro paIsraeri.

²²Pamsoro paDani wakati: Dani ndiye mŋana weshumba, Unokwakuka acibva Bashani.

²³Pamsoro paNaftari wakati: Iwe Naftari, wakaguta nyasha, Uzere nokuropafadzwa naJehova; Tora maʋirazuʋa nenyasi ɀiʋe ɀako.

²⁴Pamsoro paAsheri wakati: Asheri ŋgaaropafadzwe apiwe ʋana; Ŋgaaɗikanwe nehama dzake, Ŋgaanyike rutsoka rwake mumafuta.

²⁵Ɀipfigiso ɀako ɀicaʋa ɀamatare nendarira; Nesimba rako ricaenzana namazuʋa ako.

²⁶Iwe Jeshuruni, hakuna‐wakafanana naMŋari, Iye unotaȿa ɗeŋga kuti akuɓatsire, Napamsoro pamakore noʋukuru bgake.

²⁷Mŋari usiŋgaperi ndibgo ʋugaro bgako, Pasi pako kunamaʋoko asiŋgaperi; Iye wakadziŋga ʋaʋeŋgi pamberi pako, Akati: Paradzai.

²⁸Israeri unogara akaceŋgetwa, Tsime raJakobo riri roga, Panyika yeɀiyo newaini; Ƌeŋga rake rose rinonisa ɗoʋa.

²⁹Israeri, iwe wakaropafadzwa; Ndiani wakatodzana newe, rudzi rwakaceŋgetwa naJehova? Ndiye nhoʋo inokuɓatsira, Nomunondo waunokudzwa nawo! Ʋaʋeŋgi ʋako ʋacaɀiisa pasi pako, Newe ucatsika panɀimbo dzaʋo dzakakwirira.