Read Original Shona Union Bible 1949 Baiberi Magwaro Matȿene aMŋari Deuteronomio 34 Bible Online

Deuteronomio 34 - Original Shona Union Bible 1949 Baiberi Magwaro Matȿene aMŋari bible

Deuteronomio 34

¹Ɀino Mosesi wakabva pamapani okwaMoabi, akakwira kugomo reNebo, pamsoro pePisga, pakatarisana neJeriko. Jehova akamuratidza nyika yose yeGireadi, kuȿikira Dani;

²neNaftari yose, nenyika yaEfraimi naManase, nenyika yose yaJuda, kuȿikira paguŋgwa rokumaʋirazuʋa;

³nenyika yezasi, neƂani romupata weJeriko, guta remicindwe, kuȿikira Zoari.

⁴Ɀino Jehova akati kwaari: Ndiyo nyika yandakapikira Abrahama, naIsaka, naJakobo, ndiciti: Ndicaipa ʋana ʋako; ndikakuʋonesa iyo nameso ako, asi hauŋgapindi’mo.

⁵Ipapo Mosesi muranda waJehova akafira’po panyika yaMoabi, seɀakataurwa naJehova.

⁶Akamuʋiga pamupata panyika yaMoabi, pakatarisana neBeti‐peori; asi hapanomunhu unoziʋa rinda rake kuȿikira nhasi.

⁷Ɀino Mosesi wakaŋga anamakore anezana namakumi maʋiri pakufa kwake; meso ake akaŋga acigere kuʋonera madzerere, nesimba rake rakaŋga ricigere kuɗerera.

⁸Ʋana ʋaIsraeri ʋakacema Mosesi pamapani okwaMoabi mazuʋa anamakumi matatu; naiɀoɀo mazuʋa aʋakacema pakucema Mosesi akapera.

⁹Ɀino Joshua, mŋanakomana waNuni, wakaŋga azere nomŋeya wokucenjera; nokuti Mosesi wakaŋga aisa maʋoko ake pamsoro pake; ʋana ʋaIsraeri ʋakamuterera, ʋakaita seɀakarairwa Mosesi naJehova.

¹⁰Hakuna‐kuzomuka ɀe muprofita pakati paIsraeri wakafanana naMosesi, wakaŋga acizikanwa naJehova, ɀiso ɀakatarisana;

¹¹paɀiratidzo ɀose neɀishamiso, paakatumŋa naJehova kundoɀiita panyika yeEgipita, kunaFarao, nokuʋaranda ʋake ʋose, nokunyika yake yose;

¹²napaɀose ɀakaitwa noruʋoko rwake runesimba, napakutyisa kukuru kwose, kwakaitwa naMosesi ʋaIsraeri ʋose ʋaciɀiʋona.