Read Original Shona Union Bible 1949 Baiberi Magwaro Matȿene aMŋari Deuteronomio 5 Bible Online

Deuteronomio 5 - Original Shona Union Bible 1949 Baiberi Magwaro Matȿene aMŋari bible

Deuteronomio 5

¹Ɀino Mosesi akaɗana ʋaIsraeri ʋose, akati kwaʋari: Inzwai ʋaIsraeri, ɀakatemŋa neɀakatoŋgwa, ɀandinotaura nhasi muciɀinzwa, kuti muɀidzidze nokuɀiceŋgeta mugoɀiita.

²Jehova Mŋari weɗu wakaita suŋgano nesu paHorebi.

³Jehova haana‐kuita suŋgano iyi namadziɓaɓa eɗu, asi nesu, isu tose tiri ʋapenyu nhasi pano.

⁴Jehova akataura nemi, ɀiso ɀakatarisana, ari mukati momŋoto,

⁵(Neŋguʋa iyo ini ndakaŋga ndimire pakati paJehova nemi, kuti ndikuziʋisei shoko raJehova; nokuti imi makaŋga mucitya nokuɗa kwomŋoto, mukasakwira mugomo;) akati:

⁶Ndini Jehova Mŋari wako, wakakuɓuɗisa munyika yeEgipita, muimba yoʋuranda.

⁷Usaʋa naʋamŋe ʋamŋari kunze kwaŋgu.

⁸Usaɀiitira mufananidzo wakaʋezwa, kana uri mufananidzo wecinhu ciri kuɗeŋga kumsoro, kana weciri panyika pasi, kana weciri mumvura pasi penyika.

⁹Usafugamira iɀoɀo, kana kuɀishumira; nokuti ini Jehova Mŋari wako, ndiri Mŋari unegoɗo; ndinoroʋa ʋana nokuɗa kweɀiʋi ɀamadziɓaɓa aʋo, kuȿikira kurudzi rwecitatu norwecinna rwaʋanondiʋeŋga;

¹⁰ndiciitira nyasha ʋaneɀuru ɀamazana ʋanondiɗa, ʋanoceŋgeta mirairo yaŋgu.

¹¹Usareʋa zita raJehova Mŋari wako pasina; nokuti Jehova haaŋgaregi kumupa mhoȿa unoreʋa zita rake pasina.

¹²Ceŋgeta zuʋa resaɓata, riʋe dɀene, seɀawakarairwa naJehova Mŋari wako.

¹³Uɓate mazuʋa matanhatu, uite maɓasa ako ose.

¹⁴Asi zuʋa recinomŋe isaɓata raJehova Mŋari wako; usatoŋgoɓata maɓasa naro, iwe, kana mŋanakomana wako, kana mŋanasikana wako, kana muranda wako, kana murandakadzi wako, kana ŋombe yako, kana mboŋgoro yako, kana cimŋe ceɀipfuwo ɀako, kana mŋeni wako uri mukati mamasuʋo ako; kuti muranda wako nomurandakadzi wako ʋazorore sewe.

¹⁵Unofanira kuraŋgarira kuti newe ʋo waiʋa muranda panyika yeEgipita, Jehova Mŋari wako akakuɓuɗisa necanza cinesimba noruʋoko rwakatambanudzwa; naiɀoɀo Jehova Mŋari wako wakakuraira kuti uceŋgete zuʋa resaɓata.

¹⁶Kudza ɓaɓa ʋako namai ʋako, seɀawakarairwa naJehova Mŋari wako; kuti mazuʋa ako aʋe mazhinji, ufare panyika yaunopiwa naJehova Mŋari wako.

¹⁷Usaʋuraya.

¹⁸Ʋuye usaita ʋupombge.

¹⁹Ʋuye usaɓa.

²⁰Ʋuye usapupurira wokwako nhema.

²¹Ʋuye usaciʋa mukadzi wowokwako; ʋuye usacocora imba yowokwako, kana munda wake, kana muranda wake, kana murandakadzi wake, kana ŋombe yake, kana mboŋgoro yake, kana cimŋe cinhu cowokwako.

²²Jehova wakataura mashoko awa ose pagomo kuʋuŋgano yenyu yose, ari mukati momŋoto negore, nokuȿiɓa kukuru, nenzwi guru; haana‐kuwedzera mamŋe. Akaanyora pamahwendefa maʋiri amabge, akandipa iwo.

²³Ɀino imi makati mucinzwa inzwi ricibva mukati merima, negomo ricipfuta nomŋoto, mukasweɗera kwandiri, ʋakuru ʋose ʋamarudzi enyu, naʋakuru ʋenyu,

²⁴mukati: Tarirai, Jehova Mŋari weɗu watiratidza kubginya kwake noʋukuru bgake, tikanzwa inzwi rake ricibva mumŋoto; taʋona heɗu nhasi kuti Mŋari uŋgataura nomunhu, akararama hake.

²⁵Naiɀoɀo ɀino ticafireiko? Nokuti mŋoto uyu mukuru ucatiparadza; kana tikaramba ticinzwa inzwi raJehova Mŋari weɗu ticafa.

²⁶Nokuti ndianiko pakati paʋanhu ʋose wakanzwa inzwi raMŋari mupenyu acitaura ari mumŋoto, sesu, akararama here?

²⁷Sweɗera hako iwe, unzwe ɀose ɀicarebga naJehova Mŋari weɗu, ugozotiʋudza ɀose ɀaucaʋudzwa iwe naJehova Mŋari weɗu; ticaɀinzwa, nokuɀiita.

²⁸Ɀino Jehova akanzwa inzwi ramashoko enyu, ŋguʋa yamakataura neni; Jehova akati kwandiri: Ndanzwa inzwi ramashoko aʋanhu aʋa, aʋakataura newe; ɀose ɀaʋakareʋa ʋakataura haʋo ɀakanaka.

²⁹Ƌai ʋaiʋa nemŋoyo yakaɗai, ʋakanditya nokuceŋgeta mirairo yaŋgu ŋguʋa dzose, kuti ɀiʋe ɀakanaka naʋo, iʋo naʋana ʋaʋo, nokusiŋgaperi!

³⁰Enda, undoti kwaʋari: Dzokerai kumatente enyu.

³¹Asi iwe, mira pano kwandiri, ndikuʋudze murairo wose, neɀakatemŋa, neɀakatoŋgwa, ɀaunofanira kuʋadzidzisa, kuti ʋaɀiite panyika yandinoʋapa, kuti iʋe yaʋo.

³²Naiɀoɀo cenjerai, kuti muite seɀamakarairwa naJehova Mŋari wenyu; musatsaukira kurutiʋi rworudyi kana rworuɓoshwe.

³³Munofanira kufamba nenzira yose yamakarairwa naJehova Mŋari wenyu, kuti murarame, ɀiʋe ɀakanaka nemi, namazuʋa enyu aʋe mazhinji panyika iyo, icaʋa yenyu.