Read Original Shona Union Bible 1949 Baiberi Magwaro Matȿene aMŋari Deuteronomio 6 Bible Online

Deuteronomio 6 - Original Shona Union Bible 1949 Baiberi Magwaro Matȿene aMŋari bible

Deuteronomio 6

¹Ɀino ndiwo murairo, neɀakatemŋa, neɀakatoŋgwa, ɀandakarairwa naJehova Mŋari wenyu kuti ndikudzidzisei, kuti muɀiite kunyika kwamunoenda kuti iʋe yenyu;

²kuti utye Jehova Mŋari wako, uceŋgete ɀose ɀaakatema nemirairo yake, yandinokuraira, iwe, nomŋanakomana wako, nomŋanakomana womŋanakomana wako, mazuʋa ose oʋupenyu bgako, kuti mazuʋa ako aʋe mazhinji.

³Naiɀoɀo cinzwa Israeri, ucenjere kuti uɀiite; kuti ɀiʋe ɀakanaka newe, muwande kwaɀo, seɀamakapikirwa naJehova Mŋari wamadziɓaɓa ako, panyika inoyerera mukaka noʋuci.

⁴Cinzwa Israeri, Jehova Mŋari weɗu ndiJehova mumŋe cete.

⁵Uɗe Jehova Mŋari wako nomŋoyo wako wose, nomŋeya wako wose, nesimba rako rose.

⁶Ɀino mashoko awa andinokuraira nhasi, anofanira kuʋa mumŋoyo mako;

⁷unofanira kushiŋgaira kuadzidzisa ʋana ʋako, nokuataura kana ugere mumba mako, kana ucifamba munzira, kana uciʋata pasi, kana ucimuka.

⁸Unofanira kuasuŋgira paruʋoko rwako, ciʋe ciratidzo; ʋuye anofanira kuʋa rundanyara pakati pameso ako.

⁹Unofanira kuanyora pamagwatidziro emikoʋa yeimba yako, napamasuʋo ako.

¹⁰Ɀino kana Jehova Mŋari wako aciŋge akupinza munyika, yaakapikira madziɓaɓa ako, Abrahama, naIsaka, naJakobo, kuti ucakupa iyo, namaguta makuru akanaka, ausina‐kuʋaka iwe,

¹¹nedzimba dzizere neɀinhu ɀose ɀakanaka, dzausina‐kuzadza iwe, namakaŋgwa akacerwa, ausina‐kucera iwe, neminda yemizambiriŋga nemiorivi, yausina‐kusima iwe; iwe ukadya ukaguta,

¹²ɀino cenjera kuti urege kukaŋganwa Jehova, wakakuɓuɗisa panyika yeEgipita, paimba yoʋuranda.

¹³Unofanira kutya Jehova Mŋari wako, nokumushumira, nokupika nezita rake.

¹⁴Regai kuteʋera ʋamŋe ʋamŋari, ʋamŋari ʋendudzi dzinokupoteredzai;

¹⁵nokuti Jehova Mŋari wako, uri pakati pako, ndiMŋari unegoɗo; kuti Jehova Mŋari wako arege kukutsamŋira, akuparadze panyika pose.

¹⁶Musaidza Jehova Mŋari wenyu, seɀamakamuidza paMasa.

¹⁷Munofanira kushiŋgaira kuceŋgeta mirairo yaJehova Mŋari wenyu, neɀipupuriro ɀake, neɀaakatema, ɀaakakuraira.

¹⁸Ʋuye unofanira kuita ɀakarurama neɀakanaka pamberi paJehova, kuti ɀiʋe ɀakanaka newe, upinde munyika yakanaka iʋe yako, iyo yakapikirwa madziɓaɓa ako naJehova,

¹⁹kuti iye ucadziŋga ʋaʋeŋgi ʋako ʋose pamberi pako, seɀakataurwa naJehova.

²⁰Ɀino kana mŋanakomana wako akakubvunza pashure, aciti: Ko iɀi ɀipupuriro, neɀakatemŋa, neɀakatoŋgwa, ɀamakarairwa naJehova Mŋari weɗu, ɀinoɗiniko?

²¹Unofanira kuti kumŋanakomana wako: Isu takaŋga tiri ʋaranda ʋaFarao, Jehova akatiɓuɗisa paEgipita necanza cinesimba;

²²Jehova akaita ɀiratidzo neɀinoshamisa kwaɀo, ɀakaipa, paEgipita, nokunaFarao, nokuimba yake yose, ticiɀiʋona;

²³akatiɓuɗisa’po, kuti atipinze pano, atipe nyika yaakapikira madziɓaɓa eɗu.

²⁴Jehova akaraira kuti tiite iɀi ɀose ɀaakatema, titye Jehova Mŋari weɗu, kuti tiitirwe ɀakanaka ŋguʋa dzose, aticeŋgete tiʋe ʋapenyu, seɀatakaita nhasi.

²⁵Ɀicaʋa ɀakarurama kwatiri, kana ticicenjerera kuti tiite murairo wose pamberi paJehova Mŋari weɗu, seɀatakarairwa naye.