Read Original Shona Union Bible 1949 Baiberi Magwaro Matȿene aMŋari Deuteronomio 7 Bible Online

Deuteronomio 7 - Original Shona Union Bible 1949 Baiberi Magwaro Matȿene aMŋari bible

Deuteronomio 7

¹Ɀino kana Jehova Mŋari akupinza munyika maunoenda, kuiita yako, akadziŋga ndudzi zhinji pamberi pako, dzinoti: ʋaHeti, naʋaGirgashi, naʋaAmori, naʋaKanani, naʋaPerezi, naʋaHiʋi, naʋaJebusi, ndudzi nomŋe dzinokukunda noʋukuru nesimba;

²kana Jehova Mŋari wako akaʋaisa mumaʋoko ako, ukaʋakunda, iwe unofanira kuʋaparadza cose; haufaniri kuita suŋgano naʋo, kana kuʋanzwira nyasha;

³usawanana naʋo, usapa mŋanakomana wake mŋanasikana wako, kana kutorera mŋanakomana wako mŋanasikana wake.

⁴Nokuti ucatsausa mŋanakomana wako arege kunditeʋera, kuti ashumire ʋamŋe ʋamŋari; naiɀoɀo Jehova ucakutsamŋirai kwaɀo, akakurumidza kukuparadza.

⁵Asi ndiɀo ɀamunofanira kuʋaitira: Munofanira kuputsa artari dzaʋo, nokuputsanya shoŋgwe dzaʋo, nokutema matanda aʋo aʋanonamata nawo, nokupisa mifananidzo yaʋo yakaʋezwa.

⁶Nokuti uri rudzi rutȿene kunaJehova Mŋari wako; Jehova Mŋari wako wakakutsaura kuti uʋe rudzi rwake cairwo pakati pendudzi dzose dziri panyika dzose.

⁷Jehova haana‐kukuɗai, kana kukutsaurai, nokuti makaŋga makapfuʋura dzimŋe ndudzi nokuwanda; nokuti imi makaŋga muri ʋashoma kundudzi dzose.

⁸Asi nokuti Jehova unokuɗai, ʋuye nokuti wakaŋga aciɗa kusimbisa kupika kwaakapikira madziɓaɓa enyu, nokuɗa kwaiɀoɀo Jehova wakakuɓuɗisai necanza cinesimba, akakudzikinurai paimba yoʋuranda paruʋoko rwaFarao, mambo weEgipita.

⁹Naiɀoɀo uziʋe kuti Jehova Mŋari wako, ndiye Mŋari, Mŋari wakatendeka, unosimbisa suŋgano yake nenyasha dzake kunaʋanomuɗa, ʋanoceŋgeta mirairo yake kusikira kumarudzi anecuru camazana;

¹⁰unotsiʋa ʋanomuʋeŋga mumŋe nomumŋe, kuti aʋaparadze; haaŋganonokeri munhu unomuʋeŋga, asi ucamutsiʋa iye amene.

¹¹Naiɀoɀo unofanira kuceŋgeta murairo, neɀaakatema, neɀaakatoŋga, ɀandinokuraira nhasi, kuti uɀiite.

¹²Ɀino kana muciterera iɀi ɀakatoŋgwa, mukaɀiceŋgeta nokuɀiita, Jehova Mŋari wako ucakusimbisira suŋgano yake nenyasha dzake seɀaakapikira madziɓaɓa ako;

¹³iye ucakuɗa, nokukuropafadza, nokukuwanza; ucaropafadza ʋo ɀiɓereko ɀomuʋiri wako, neɀiɓereko ɀevu rako, ɀiyo ɀako, newaini yako, namafuta ako, neɀakaɓerekwa neŋombe dzako, namakwaiana amakwai ako, panyika yaakapikira madziɓaɓa ako, kuti ucakupa iyo.

¹⁴Ucaropafadzwa iwe kupfuʋura dzimŋe ndudzi dzose; hapaŋgaʋi pakati penyu murume kana mukadzi usiŋgaɓereki, kana pakati peɀipfuwo ɀenyu.

¹⁵Jehova ucabvisa kwamuri hosha dzose; haaŋgatumiri kwamuri matenda akaipa eEgipita aunoziʋa, asi ucaatuma kuʋanhu ʋose ʋanokuʋeŋga.

¹⁶Iwe ucaparadza ndudzi dzose dzicaiswa mumaʋoko ako naJehova Mŋari wako; usadzinzwira nyasha; usashumira ʋamŋari ʋaʋo, nokuti ʋacaʋa musuŋgo kwauri.

¹⁷Ɀino kana ukati mumŋoyo mako: Ndudzi idzi dzinotipfuʋura nokuwanda, ndiŋgadzitorera seiko nyika yadzo?

¹⁸Haufaniri kuʋatya; unofanira kuraŋgarira ɀakanaka ɀakaitirwa Farao naʋaEgipita ʋose naJehova Mŋari wako;

¹⁹nemiidzo mikuru yamakaʋona nameso enyu, neɀiratidzo, neɀinoshamisa, necanza cinesimba, noruʋoko rwakatambanudzwa, ɀawakaɓuɗiswa naɀo naJehova Mŋari wako; ndiɀo ɀicaitira Jehova Mŋari wako ʋanhu ʋose ʋaunotya.

²⁰Ʋuye Jehova Mŋari wako ucatuma mago pakati paʋo, kuȿikira aʋo ʋakaŋga ʋasara, ʋakaʋanda, ʋaparadzwa pamberi pako.

²¹Usaʋatya, nokuti Jehova Mŋari wako uri pakati pako, Mŋari mukuru unotyisa.

²²Jehova Mŋari wako ucadziŋga ndudzi idzo pamberi pako, rumŋe‐rumŋe; haufaniri kuʋaparadza ʋose kamŋe, kuti ɀikara ɀesaŋgo ɀirege kukuwandira.

²³Asi Jehova Mŋari wako ucaʋaisa mumaʋoko ako, nokuʋanyoŋganisa, nokunyoŋganisa kukuru, kuȿikira ʋaparadzwa cose.

²⁴Ucaisa ʋo madzimambo aʋo mumaʋoko ako, kuti uroɀe mazita aʋo pasi peɗeŋga; hapanomunhu uŋgagona kumira pamberi pako, kuȿikira waʋaparadza.

²⁵Munofanira kupisa mifananidzo yaʋo yakaʋezwa yaʋamŋari ʋaʋo; haufaniri kucocora sirveri kana ndarama iri paʋari, kana kuitora, kuti urege kuteyiwa naɀo; nokuti ɀinonyaŋgadza pamberi paJehova Mŋari wako;

²⁶usapinza cinonyaŋgadza mumba mako, kuti iwe urege kuʋa cinhu cakayeriswa saico; unofanira kucisema cose, nokuciʋeŋga cose, nokuti cinhu cakayeriswa.