Read Original Shona Union Bible 1949 Baiberi Magwaro Matȿene aMŋari Deuteronomio 9 Bible Online

Deuteronomio 9 - Original Shona Union Bible 1949 Baiberi Magwaro Matȿene aMŋari bible

Deuteronomio 9

¹Inzwa, iwe Israeri, nhasi unofanira kuyambuka Joridani, kuti upinde nyika kundopiwa ndudzi dzinokupfuʋura paʋukuru nesimba, dziʋe dzako, namaguta makuru anamaȿiŋgo anoȿika kuɗeŋga,

²naʋanhu ʋakuru ʋarefu, ʋana ʋaAnaki, ʋaunoziʋa, ʋawakanzwa ɀicinzi: Ndianiko uŋgamira pamberi paʋana ʋaAnaki?

³Naiɀoɀo uziʋe nhasi kuti Jehova Mŋari wako ndiye unokutuŋgamirira somŋoto unoparadza; iye ucaʋaparadza, iye ucaʋakunda pamberi pako; naiɀoɀo iwe ucaʋadziŋga, nokuʋaparadza nokukurumidza, seɀawakaʋudzwa naJehova.

⁴Ɀino kana Jehova Mŋari wako aʋadziŋga pamberi pako, usataura mumŋoyo mako, uciti: Jehova wakandipinza munyika ino iʋe yaŋgu, nokuɗa kwokururama kwaŋgu; nokuti Jehova unodziŋga ndudzi idzi nokuɗa kwokuipa kwaʋo.

⁵Haupindi munyika yaʋo, iʋe yako, nokuɗa kwokururama kwako, kana nokuɗa kwokururama kwomŋoyo wako; asi Jehova Mŋari wako unodziŋga ndudzi idzi pamberi pako nokuɗa kwokuipa kwaʋo, ʋuye kuti asimbise shoko rakapikirwa madziɓaɓa ako naJehova, kunaAbrahama, nokunaIsaka, nokunaJakobo.

⁶Naiɀoɀo uziʋe kuti Jehova Mŋari wako haakupi nyika iyi yakanaka iʋe yako, nokuɗa kwokururama kwako; nokuti uri rudzi runemitsipa mikukutu.

⁷Raŋgarira, usakaŋganwa, kuti wakatsamŋisa Jehova Mŋari wako sei murenje; kubva pazuʋa rawakaɓuɗa naro panyika yeEgipita kudzimana maȿika kunɀimbo iyi, makaramba mucimukira Jehova.

⁸NapaHorebi makatsamŋisa Jehova, Jehova akakutsamŋirai, akaɗa kukuparadzai.

⁹Ŋguʋa yandakakwira pagomo kundogamucira mahwendefa amabge, iwo mahwendefa esuŋgano, yaakaita iye Jehova nemi, ndakagara mugomo mazuʋa anamakumi manna noʋusiku bgunamakumi manna; ndakaŋga ndisiŋgadyi ɀokudya, kana kunwa mvura.

¹⁰Ɀino Jehova akandipa mahwendefa maʋiri amabge, akaŋga akanyorwa nomunwe waMŋari; pamsoro pawo pakaŋga pakanyorwa mashoko ose akaŋga ataurwa kwamuri naJehova pagomo, ari mukati momŋoto nomusi weʋuŋgano.

¹¹Ɀino mazuʋa anamakumi manna noʋusiku bgunamakumi manna ɀakati ɀapera, Jehova akandipa mahwendefa maʋiri amabge, iwo mahwendefa esuŋgano.

¹²Ɀino Jehova akati kwandiri: Simuka, kurumidza kuɓuruka pano, nokuti ʋanhu ʋako ʋawakaɓuɗisa paEgipita, ʋaɀitadzira; ʋakurumidza kutsauka panzira yandakaʋaraira; ʋaɀiitira mufananidzo wakaʋumbga.

¹³Ʋuye Jehova akataura neni, akati: Ndaʋona rudzi urwu, tarira, rudzi runemitsipa mikukutu;

¹⁴ndirege, ndiʋaparadze, ndidzime zita raʋo pasi peɗeŋga, ndikuite iwe rudzi runoʋapfuʋura nesimba noʋukuru.

¹⁵Naiɀoɀo ndakadzoka, ndikaɓuruka pagomo, gomo rikapfuta nomŋoto; ɀino mahwendefa maʋiri esuŋgano akaŋga ari mumaʋoko aŋgu maʋiri.

¹⁶Ndikatarira, ndikaʋona kuti makaŋga matadzira Jehova Mŋari wenyu; makaŋga maɀiitira mhuru yakaʋumbga; makaŋga makurumidza kutsauka panzira yamakaŋga marairwa naJehova.

¹⁷Ndikaɓata mahwendefa maʋiri, ndikaarashira pasi namaʋoko aŋgu maʋiri, ndikaaputsa muciɀiʋona.

¹⁸Ndikawira pasi pamberi paJehova, sapakutaŋga, mazuʋa anamakumi manna noʋusiku bgunamakumi manna; ndakaŋga ndisiŋgadyi ɀokudya, kana kunwa mvura, nokuɗa kweɀiʋi ɀenyu ɀose ɀamakaŋga matadza, muciita ɀakaipa pamberi paJehova, mucimutsamŋisa.

¹⁹Nokuti ndakatya hasha nokutsamŋa kukuru, kwamakatsamŋirwa nako naJehova, nokuti wakaŋga aciɗa kukuparadzai. Asi Jehova wakandinzwa ʋo neŋguʋa iyo.

²⁰Jehova wakaŋga aneshuŋgu ʋo kwaɀo naAroni, akaɗa kumuparadza, ndikanyeŋgeterera Aroni ʋo neŋguʋa iyo.

²¹Ndikatora ɀiʋi ɀenyu, iyo mhuru iya yamakaŋga maʋumba, ndikaipisa nomŋoto, ndikaipxanya, nokuikuya kwaɀo, kuȿikira yatsetseka seguruʋa; ndikakandira guruʋa rayo murukoʋa rwakaŋga rucibva mugomo.

²²NapaTabera ʋo, napaMasa, napaKibroti‐hatava makatsamŋisa Jehova.

²³Neŋguʋa yamakatumŋa naJehova kuti mubve paKadeshi‐barnea, aciti: Kwirai, mutore nyika, yandakakupai, iʋe yenyu, makamukira murairo waJehova Mŋari wenyu, mukasamutenda, nokusaterera inzwi rake.

²⁴Makaramba mucimukira Jehova kubva pazuʋa randakataŋga kukuziʋai.

²⁵Ɀino ndikawira pasi pamberi paJehova mazuʋa anamakumi manna noʋusiku bgunamakumi manna, ndiyo ŋguʋa yandakawira pasi; nokuti Jehova wakati: Ndicakuparadzai.

²⁶Ɀino ndikanyeŋgetera kunaJehova, ndikati: Haiwa, Jehova Mŋari, musaparadza henyu ʋanhu ʋenyu nenhaka yenyu, ʋamakadzikinura noʋukuru bgenyu, ʋamakaɓuɗisa paEgipita necanza cinesimba.

²⁷Raŋgarirai ʋaranda ʋenyu, Abrahama, naIsaka, naJakobo; musatarira kusindimara kwaʋanhu aʋa, kana kuipa kwaʋo, kana ɀiʋi ɀaʋo;

²⁸kuti nyika kwamakatiɓuɗisa, irege kuzoti: Jehova wakaʋaɓuɗisa akaʋaʋurayira murenje, nokuti wakaŋga asiŋgagoni kuʋapinza munyika yaakaŋga aʋapikira, ʋuye nokuti wakaŋga aciʋaʋeŋga.

²⁹Kunyaŋge ɀakaɗaro rudzi rwenyu nenhaka yenyu, rwamakaɓuɗisa nesimba renyu guru, noruʋoko rwenyu rwakatambanudzwa.