Read Original Shona Union Bible 1949 Baiberi Magwaro Matȿene aMŋari Johane 1 Bible Online

Johane 1 - Original Shona Union Bible 1949 Baiberi Magwaro Matȿene aMŋari bible

Johane 1

¹Pakutaŋga Shoko rakaŋga riri’po, Shoko rakaŋga riri kunaMŋari, Shoko rakaŋga riri Mŋari.

²Ireri pakutaŋga rakaŋga riri kunaMŋari.

³Ɀinhu ɀose ɀakaitwa naye; kunze kwake hakuna‐kuitwa kunyaŋge cinhu cimŋe cakaitwa.

⁴Ʋupenyu bgaiʋa maari; ʋupenyu bgaiʋa ciedza caʋanhu.

⁵Ciedza cinovenekera murima; asi rima harina‐kucikunda.

⁶Kwakaŋga kunomunhu wakatumŋa naMŋari, zita rake rainzi Johane.

⁷Iye wakaʋuya kuzopupura, kuti apupurire ciedza, kuti ʋose ʋatende naye.

⁸Uyo wakaŋga asati ari ico ciedza, asi wakatumŋa kuti apupurire ciedza.

⁹Ici caiʋa ciedza caɀokwaɗi, cinovenekera munhu mumŋe nomumŋe, pakuȿika kwaco panyika.

¹⁰Wakaŋga ari panyika, asi nyika haina‐kumuziʋa.

¹¹Wakaʋuya kuneɀake, asi ʋanhu ʋake haʋana‐kumugamucira.

¹²Asi ʋose ʋakamugamucira, wakaʋapa simba kuti ʋaʋe ʋana ʋaMŋari, iʋaʋo ʋanotenda kuzita rake;

¹³aʋo ʋasina‐kuɓerekwa neropa, kana nokuɗa kwenyama, kana nokuɗa kwomurume, asi naMŋari.

¹⁴Shoko rakazoʋa nyama, rikagara pakati peɗu, (tikaʋona kubginya kwake, kubginya sokwowakaɓerekwa mumŋe cete waƂaɓa), azere nenyasha neɀokwaɗi.

¹⁵Johane akamupupurira, akaɗanidzira, aciti: Ndiye wandaireʋa, ndiciti: Uyo, unoʋuya shure kwaŋgu, wakaʋa’po mberi kwaŋgu; nokuti wakanditaŋgira.

¹⁶Nokuti pakuzara kwake isu tose takapiwa nyasha pamsoro penyasha.

¹⁷Nokuti murairo wakapiwa naMosesi, nyasha neɀokwaɗi ɀakaʋuya naJesu Kristu.

¹⁸Hakunomunhu wakatoŋgoʋona Mŋari; Mŋari wakaɓerekwa ari mumŋe woga, uri pacifuʋa caƂaɓa, ndiye wakamuziʋisa isu.

¹⁹Uku ndiko kupupura kwaJohane, musi ʋaJuda ʋakatumira kwaari ʋaprista naʋaRevi, ʋacibva Jerusarema, kundomubvunza, kuti: Iwe ndiwe aniko?

²⁰Akatenda pacena, haana‐kuramba, akatenda pacena, aciti: Handizi Kristu.

²¹Ʋakamubvunza, ʋaciti: Asi kuɗiniko? Ndiwe Eria here? Akati: Handizi iye. Ko uri uya muprofita here? Akapindura, akati: Kwete.

²²Ɀino ʋakati kwaari: Ndiwe aniko? Tigondopindura ʋakatituma. Unoɀiti aniko?

²³Akati: Ndini inzwi rounoɗana murenje, riciti: Ruramisai nzira yaShe; seɀakarebga nomuprofita Isaya.

²⁴Aʋa ʋakaŋga ʋatumŋa ʋaiʋa ʋaʋaFarise.

²⁵Ʋakamubvunza, ʋakati kwaari: Kana usi Kristu, kana Eria, kana muprofita uya, unogobapatidzireiko?

²⁶Johane akapindura, akati: Ini ndinobapatidza nemvura; asi pakati penyu pamire mumŋe wamusiŋgaziʋi;

²⁷ndiye unoʋuya shure kwaŋgu, wandisina‐kufanira kuti ndisunuŋgure rukanda rweshaŋgu yake.

²⁸Iɀoɀi ɀakaitwa paBetania, mhiri kwaJoridani, kwaibapatidza Johane.

²⁹Aʋa maŋgwana wakaʋona Jesu aciʋuya kwaari, akati: Tarirai, Gwaiana raMŋari, rinobvisa ɀiʋi ɀenyika.

³⁰Ndiye wandaireʋa, ndiciti: Shure kwaŋgu kunoʋuya murume, wakaʋa’po mberi kwaŋgu, nokuti wakanditaŋgira.

³¹Neni ndakaŋga ndisiŋgamuziʋi; asi ndiɀo ɀandakaʋuyira, ndicibapatidza nemvura, kuti aʋoneswe kuʋaIsraeri.

³²Johane akapupura, akati: Ndakaʋona Mŋeya aciɓuruka kuɗeŋga senjiʋa, akagara pamsoro pake.

³³Neni ndakaŋga ndisiŋgamuziʋi; asi wakandituma kubapatidza nemvura, ndiye wakati kwandiri: Uyo waunoʋona Mŋeya aciɓuruka pamsoro pake, akagara pamsoro pake, ndiye unobapatidza noMŋeya Mutȿene.

³⁴Ini ndikaʋona, ndikapupura kuti uyu ndiye Mŋanakomana waMŋari.

³⁵Aʋa maŋgwana ɀe Johane wakaŋga amire naʋadzidzi ʋake ʋaʋiri;

³⁶akatarisisa Jesu acifamba, akati: Tarirai, Gwaiana raMŋari!

³⁷Iʋaʋo ʋadzidzi ʋaʋiri, ʋakamunzwa acitaura, ʋakateʋera Jesu.

³⁸Jesu akatendeʋuka akaʋaʋona ʋaciteʋera, akati kwaʋari: Munotȿakeiko? Ʋakati kwaari: Rabi (ndokuti Mudzidzisi, kana ɀicishandurwa), munogarepiko?

³⁹Akati kwaʋari: Ʋuyai, muʋone. Ʋakaenda, ʋakandoʋona kwaaigara, ʋakagara naye zuʋa iro; yakaŋga iri ŋguʋa ineŋge yegumi.

⁴⁰Mumŋe waiʋaʋo ʋaʋiri, ʋakaŋga ʋanzwa Johane, ʋakamuteʋera, waiʋa Andreasi, munuŋuna waSimoni Petro.

⁴¹Iye akataŋga kuwana Simoni, mukoma wake, akati kwaari: Tawana Mesiasi (ndokuti Kristu, kana ɀicishandurwa).

⁴²Akamuisa kunaJesu. Jesu akamutarira, akati: Ndiwe Simoni, mŋanakomana waJona, ucanzi Kefasi (ɀinoshandurwa, ɗombo).

⁴³Aʋa maŋgwana akaɗa kuenda Garirea, akawana Firipo; Jesu akati kwaari: Nditeʋere.

⁴⁴Firipo wakaŋga ari weBetsaida, guta raAndreasi naPetro.

⁴⁵Firipo akawana Natanaeri, akati kwaari: Tamuwana iye, wakanyorwa ɀake naMosesi pamurairo naʋaprofita, iye Jesu weNazareta, mŋanakomana waJosefa.

⁴⁶Natanaeri akati kwaari: Kunecinhu cakanaka ciŋgabva Nazareta here? Firipo akati kwaari: Ʋuya, uʋone.

⁴⁷Jesu akaʋona Natanaeri aciʋuya kwaari, akamuti: Tarirai, muIsraeri waɀokwaɗi, usinokunyeŋgera maari.

⁴⁸Natanaeri akati kwaari: Mandiziʋirepiko? Jesu akapindura, akati kwaari: Firipo asati akuɗana, uri munyasi momuʋonde, ndakakuʋona.

⁴⁹Natanaeri akamupindura, akati: Rabi, ndimi Mŋanakomana waMŋari, ndimi Ishe waIsraeri.

⁵⁰Jesu akapindura, akati kwaari: Unotenda iwe, nokuti ndakati kwauri, ndakakuʋona munyasi momuʋonde here? Ucazoʋona ɀikuru kunaiɀoɀi.

⁵¹Akati kwaari: Ɀirokwaɀo, ɀirokwaɀo, ndinoti kwamuri: Mucaʋona kuɗeŋga kwazarurwa, naʋatumŋa ʋaMŋari ʋacikwira, nokuɓurukira pamsoro poMŋanakomana womunhu.