Read Original Shona Union Bible 1949 Baiberi Magwaro Matȿene aMŋari Johane 7 Bible Online

Johane 7 - Original Shona Union Bible 1949 Baiberi Magwaro Matȿene aMŋari bible

Johane 7

¹Shure kwaiɀoɀo Jesu wakafamba muGarirea; nokuti wakaŋga asiŋgaɗi kufamba muJudea, nokuti ʋaJuda ʋakaŋga ʋaciɗa kumuʋuraya.

²Ɀino mutambo waʋaJuda wamatumba wakaŋga uri pedyo.

³Naiɀoɀo ʋanuŋuna ʋake ʋakati kwaari: Ibva pano, uende Judea, kuti ʋadzidzi ʋako ʋaʋone ʋo maɓasa ako aunoita.

⁴Nokuti hakunomunhu unoita cinhu cinyararire, kana iye amene aciɗa kuzikanwa; kana iwe uciita iɀi, uɀiratidze kunyika.

⁵Nokuti naʋanuŋuna ʋake ʋakaŋga ʋasiŋgatendi kwaari.

⁶Ipapo Jesu akati kwaʋari: Ŋguʋa yaŋgu icigere kuȿika; asi ŋguʋa yenyu inogara yakagadzirwa.

⁷Nyika haiŋgakuʋeŋgiyi imi; asi inondiʋeŋga ini, nokuti ndinoipupurira, kuti maɓasa ayo akaipa.

⁸Kwirai kumutambo imi; ini handiti ndokwira kumutambo, nokuti ŋguʋa yaŋgu icigere kuȿika kwaɀo.

⁹Wakati areʋa iɀoɀo kwaʋari, akagara Garirea.

¹⁰Ɀino ʋanuŋuna ʋake ʋakati ʋakwira kumutambo, iye akabva okwira ʋo, asiŋgaendi pacena, asi paneŋge sapakaʋanda.

¹¹Ɀino ʋaJuda ʋakamutȿaka pamutambo, ʋakati: Uripiko iye?

¹²Kuŋuŋuna kukuru kukaʋa’po pakati paʋazhinji pamsoro pake, ʋamŋe ʋaciti: Wakanaka; ʋamŋe ʋaciti: Kwete, unotsausa ʋanhu ʋazhinji.

¹³Kunyaŋge ɀakaɗaro kwakaŋga kusinomunhu waitaura pacena pamsoro pake, nokuti ʋakatya ʋaJuda.

¹⁴Ɀino kwakati paʋa pakati pomutambo, Jesu akakwira kutembere, akataŋga kudzidzisa.

¹⁵Naiɀoɀo ʋaJuda ʋakashamiswa, ʋaciti: Munhu uyu unoziʋa seiko manyoro, ɀaasina‐kumbodzidza?

¹⁶Jesu akapindura, akati: Kudzidzisa kwaŋgu hakuzi kwaŋgu, asi ndokwowakandituma.

¹⁷Kana munhu aciɗa kuita kuɗa kwake, ucaziʋa kana kudzidzisa uku kucibva kunaMŋari, kana ndiciɀitaurira ndimene.

¹⁸Unoɀitaurira, unotȿaka kukudzwa kwake; asi unotȿaka kukudzwa kwowakamutuma, ndiye waɀokwaɗi, hapanakusarurama maari.

¹⁹Mosesi haana‐kukupai murairo here? Asi hakunomumŋe wenyu unoita murairo. Munotȿakireiko kundiʋuraya?

²⁰Ʋanhu ʋazhinji ʋakapindura, ʋaciti: Unomŋeya wakaipa iwe; ndianiko unotȿaka kukuʋuraya?

²¹Jesu akapindura, akati kwaʋari: Ndakaita ɓasa rimŋe, mukashamiswa mose.

²²Nemhaka iyi Mosesi wakakupai dziŋgiso, (handiti ndeyaMosesi, asi yamadziɓaɓa); ɀino imi munodziŋgisa munhu nesaɓata.

²³Ɀino kana munhu aŋgadziŋgiswa nesaɓata, kuti murairo waMosesi urege kuputswa, ko imi monditsamŋira nokuti ndakaporesa munhu wose nesaɓata here?

²⁴Musatoŋga neɀinoʋonekwa, asi toŋgai nokutoŋga kwakarurama.

²⁵Ɀino ʋamŋe ʋeJerusarema ʋakati: Ko haazi iye waʋaitȿaka kuʋuraya here?

²⁶Tarirai, unotaura pacena, ʋasiŋgareʋi cinhu kwaari. Ko ʋakuru ʋanoziʋa kwaɀo kanhi kuti ndiye Kristu?

²⁷Ɀino uyu tinoziʋa kwaanobva, asi Kristu kana aciȿika, hakunomunhu uŋgaziʋa kwaanobva.

²⁸Ɀino Jesu akaɗanidzira mutembere, akadzidzisa, aciti: Munondiziʋa, munoziʋa napandakabva; handina‐kuʋuya ini ndimene, asi wakandituma ndiye waɀokwaɗi, wamusiŋgaziʋi imi.

²⁹Ini ndinomuziʋa, nokuti ndinobva kwaari; ndiye wakandituma.

³⁰Naiɀoɀo ʋakatȿaka kumuɓata, asi kwakaŋga kusinomunhu wakaisa ruʋoko kwaari, nokuti ŋguʋa yake yakaŋga isati yaȿika.

³¹Asi ʋamŋe ʋazhinji ʋakatenda kwaari, ʋakati: Kana Kristu acizoȿika, uŋgaita ɀiratidzo ɀizhinji kuneɀiɀi ɀakaitwa noyuyu here?

³²Ɀino ʋaFarise ʋakanzwa ʋanhu ʋazhinji ʋaciŋuŋuna iɀoɀo pamsoro pake; ʋaprista ʋakuru naʋaFarise ʋakatuma ʋatariri kundomuɓata.

³³Ipapo Jesu akati kwaʋari: Ndiciri nemi ŋguʋa ɗuku, ndigoenda kunowakandituma.

³⁴Mucanditȿaka, asi hamuŋgandiwani; ʋuye apo pandiri, imi hamuŋgaȿiki’po.

³⁵Ɀino ʋaJuda ʋakataurirana, ʋaciti: Uyu unoɗa kuendepiko, kwatisiŋgazomuwani? Ko unoɗa kuenda kunaʋakapararira pakati paʋaGiriki, kuti andodzidzisa ʋaGiriki here?

³⁶Rinoti kuɗiniko shoko iri raareʋa, rokuti: Mucanditȿaka, asi hamuŋgandiwani, ʋuye, apo pandiri, imi hamuŋgaȿiki’po?

³⁷Ɀino nezuʋa rokupedzisira, zuʋa guru romutambo, Jesu wakamira, akaɗanidzira, akati: Aninani, kana anenyota, ŋgaaʋuye kwandiri, anwe.

³⁸Unotenda kwandiri, seɀaɀakarebga noRugwaro, nzizi dzemvura mhenyu dzicayerera dzicibva mukati make.

³⁹Asi iɀi wakareʋa ɀoMŋeya, waizopiwa aʋo ʋaitenda kwaari, nokuti Mŋeya wakaŋga usati waʋa’po, nokuti Jesu wakaŋga asati akudzwa.

⁴⁰Ɀino ʋamŋe pakati paʋanhu ʋazhinji ʋakati ʋacinzwa mashoko awa, ʋakati: Ɀirokwaɀo uyu muprofita.

⁴¹Ʋamŋe ʋakati: Uyu ndiye Kristu. Asi ʋamŋe ʋakati: Ko Kristu uŋgabva Garirea here?

⁴²Rugwaro haruna‐kureʋa here, kuti Kristu ucabva kurudzi rwaDavidi, napamusha weBetrehema, paiʋa naDavidi?

⁴³Naiɀoɀo kupesana kwakamuka pamsoro pake pakati paʋazhinji.

⁴⁴Ʋamŋe ʋakaŋga ʋaciɗa kumuɓata; asi kwakaŋga kusina‐wakaisa maʋoko kwaari.

⁴⁵Ɀino ʋatariri ʋakaʋuya kuʋaprista ʋakuru nokuʋaFarise, iʋo ʋakati kwaʋari: Makaregereiko kuʋuya naye?

⁴⁶Ʋatariri ʋakapindura, ʋakati: Hakunomunhu wakatoŋgotaura nokutaura kwomunhu uyo.

⁴⁷Naiɀoɀo ʋaFarise ʋakaʋapindura, ʋakati: Nemi ʋo matsauswa kanhi?

⁴⁸Kuʋakuru nokuʋaFarise kunomumŋe wakatoŋgotenda kwaari here?

⁴⁹Asi ʋanhu aʋa ʋazhinji, ʋasiŋgaziʋi murairo, ʋakatukwa.

⁵⁰Nikodimo, (uya wakamboʋuya kwaari, waiʋa mumŋe waʋo), akati kwaʋari:

⁵¹Murairo weɗu unotoŋga munhu, usati wambomunzwa, nokuziʋa caanoita here?

⁵²Ʋakapindura, ʋakati kwaari: Ko newe ʋo uri weGarirea here? Nɀera, uʋone kuti hakunomuprofita, unobva Garirea.

⁵³[Ipapo mumŋe nomumŋe wakaenda kumba kwake.