Read Original Shona Union Bible 1949 Baiberi Magwaro Matȿene aMŋari Johane 9 Bible Online

Johane 9 - Original Shona Union Bible 1949 Baiberi Magwaro Matȿene aMŋari bible

Johane 9

¹Wakati acipfuʋura, akaʋona munhu wakaŋga ari ɓofu kubva pakuɓerekwa kwake.

²Ʋadzidzi ʋake ʋakamubvunza, ʋaciti: Rabi, ndianiko wakatadza, uyu kana ʋaɓereki ʋake, ɀaakaɓerekwa riri ɓofu?

³Jesu akapindura, akati: Uyu haana‐kutadza, kunyaŋge naʋaɓereki ʋake; asi iɀi ɀakaitwa kuti maɓasa aMŋari aʋoneswe maari.

⁴Tinofanira kuɓate‐ɓasa rowakandituma, aciri masikati; ʋusiku bgunoʋuya, bgusiŋgagoni munhu kuɓate‐ɓasa nabgo.

⁵Ndiciri panyika, ndiri ciedza cenyika.

⁶Wakati areʋa iɀoɀo, akapfira mate pasi, akakanya ɗope namate, akazodza ɗope rawo pameso ake,

⁷akati kwaari: Enda undoshamba mudziʋa reSiroami, (ndokuti, kana ɀicishandurwa, Kutumŋa). Ipapo akaenda, akandoshamba, akadzoka aciʋona.

⁸Ʋakaŋga ʋagere naye, naʋaimuʋona kare, kuti ndiye waikumbira, ʋakati: Ko uyu haazi iye waigara acikumbira here?

⁹Ʋamŋe ʋakati: Ndiye; ʋamŋe ʋakati: Kwete, asi wakatodzana naye. Iye akati: Ndini.

¹⁰Ɀino ʋakati kwaari: Meso ako akagoȿinudzwa seiko?

¹¹Akapindura, akati: Munhu unonzi Jesu wakakanya ɗope, akazodza meso aŋgu, akati kwandiri: Enda Siroami, undoshamba; naiɀoɀo ndakaenda, ndikashamba, ndikaʋona.

¹²Ʋakati kwaari: Iye uripiko? Akati: Handiziʋi.

¹³Ʋakamuisa kuʋaFarise, iye wakaŋga ari ɓofu kare.

¹⁴Ɀino raiʋa saɓata zuʋa iro Jesu raakakanya ɗope naro, akaȿinudza meso ake.

¹⁵Ɀino ʋaFarise ʋakamubvunza ɀe, kuti wakaʋoneswa sei. Akati kwaʋari: Wakaisa ɗope pameso aŋgu, ndikandoshamba, ndikaʋona.

¹⁶Ɀino ʋamŋe ʋaʋaFarise ʋakati: Munhu uyu haazi waMŋari, nokuti haaceŋgeti saɓata. Asi ʋamŋe ʋakati: Ko munhu mutadzi uŋgaita seiko ɀiratidzo ɀakaɗai? Ipapo kupesana kwakamuka pakati paʋo.

¹⁷Ɀino ʋakati ɀe kuɓofu: Iwe unoti kuɗiniko pamsoro pake, ɀaakaȿinudza meso ako? Akati: Muprofita.

¹⁸Naiɀoɀo ʋaJuda haʋana‐kutenda pamsoro pake, kuti wakaŋga ari ɓofu, akazoʋona, kuȿikira ʋaɗana ʋaɓereki ʋowakaʋoneswa,

¹⁹ʋakaʋabvunza, ʋaciti: Uyu ndiye mŋanakomana wenyu, wamunoti wakaɓerekwa riri ɓofu here? Ɀino unogoʋona seiko?

²⁰Ʋaɓereki ʋake ʋakapindura, ʋakati: Tinoziʋa kuti uyu mŋanakomana weɗu, ʋuye kuti wakaɓerekwa riri ɓofu;

²¹asi hatiziʋi kuti ɀino woʋona sei; nowakaȿinudza meso ake, hatimuziʋi; mubvunzei henyu; waaruka, ucaɀireʋera hake.

²²Ʋaɓereki ʋake ʋakareʋa iɀoɀo, nokuti ʋaitya ʋaJuda, nokuti ʋaJuda ʋakaŋga ʋatotenderana, kuti kana kuciŋge kunomunhu unotenda kuti ndiye Kristu, aɓuɗiswe musinagoge.

²³Naiɀoɀo ʋaɓereki ʋake ʋakati: Waaruka hake, mubvunzei henyu.

²⁴Ɀino ʋakamuɗana ɀe rwecipiri, iye munhu wakaŋga ari ɓofu, ʋakati kwaari: Rumbidza Mŋari; isu tinoziʋa kuti munhu uyu mutadzi.

²⁵Ipapo iye akapindura, akati: Kana ari mutadzi ini handiziʋi; ndinoziʋa cinhu cimŋe, kuti ndaiʋa ɓofu, ɀino ndoʋona.

²⁶Ipapo ʋakati kwaari: Wakakuiteiko? Wakaȿinudza meso ako sei?

²⁷Akaʋapindura, akati: Ndatokuʋudzai, mukasanzwa. Munoɗa kunzwa ɀe nemhaka yeiko? Nemi munoɗa kuʋa ʋadzidzi ʋake ʋo kanhi?

²⁸Ʋakamutuka, ʋaciti: Iwe ndiwe mudzidzi wake, asi isu tiri ʋadzidzi ʋaMosesi.

²⁹Tinoziʋa kuti Mŋari wakataura naMosesi; asi uyu hatiziʋi kwaakabva.

³⁰Iye munhu akapindura, akati kwaʋari: Nyambera cinhu ici cinoshamisa, kuti imi hamuziʋi kwaanobva, kunyaŋge akaȿinudza meso aŋgu.

³¹Tinoziʋa kuti Mŋari haanzwi ʋatadzi; asi kana munhu acishumira Mŋari, aciita kuɗa kwake, unomunzwa iye.

³²Kubvira pakutaŋga hakunakumbonzwika, kuti mumŋe wakaȿinudza meso omunhu, wakaɓerekwa riri ɓofu.

³³Ƌai uyu asati ari waMŋari, haazaigona kuita cinhu.

³⁴Ʋakapindura, ʋakati kwaari: Iwe wakaɓerekerwa kwaɀo muɀiʋi, ɀino iwe wotidzidzisa su? Ʋakamudziŋgira kunze.

³⁵Jesu akanzwa kuti ʋamudziŋgira kunze; akati amuwana, akati kwaari: Iwe unotenda kuMŋanakomana waMŋari here?

³⁶Akapindura, akati: Iye ndianiko Ishe, kuti nditende kwaari?

³⁷Jesu akati kwaari: Wamuʋona, ʋuye, ndiye unotaura newe.

³⁸Ipapo akati: Ndinotenda, Ishe. Akamunamata.

³⁹Jesu akati: Kutoŋga ndiko kwandaʋuyira panyika ino, kuti ʋasiŋgaʋoni, ʋaʋone; naʋanoʋona ʋaʋe mapofu.

⁴⁰Aʋo ʋaʋaFarise ʋaiʋa naye, ʋakaɀinzwa, ʋakati kwaari: Ko nesu ʋo tiri mapofu here?

⁴¹Jesu akati kwaʋari: Ƌai maiʋa mapofu, hamuzaiʋa neɀiʋi, asi ɀino munoti: Tinoʋona; ɀiʋi ɀenyu ɀinoramba ɀiri’po.