Read Original Shona Union Bible 1949 Baiberi Magwaro Matȿene aMŋari Maɓasa Aʋaapostora 1 Bible Online

Maɓasa Aʋaapostora 1 - Original Shona Union Bible 1949 Baiberi Magwaro Matȿene aMŋari bible

Maɓasa Aʋaapostora 1

¹Teofiro, ndakanyora rugwaro rwokutaŋga rweɀose ɀakataŋga kuitwa nokudzidziswa naJesu,

²kuȿikira zuʋa raakakwidzwa, amboraira noMŋeya Mutȿene ʋaapostora ʋaakaŋga asanaŋgura;

³ʋaakaɀiratidza ʋo kwaʋari neɀiratidzo ɀizhinji, ari mupenyu, shure kwokutambudzika kwake, aciʋonekwa naʋo mazuʋa anamakumi manna, acitaura ɀinhu ɀoʋushe bgaMŋari;

⁴akaʋaraira, aʋuŋgana naʋo, kuti ʋarege kubva Jerusarema, asi ʋagarire cipikirwa caƂaɓa, aciti, ciya camakanzwa kwandiri;

⁵nokuti Johane, ɀirokwaɀo, wakabapatidza nemvura; asi imi mucabapatidzwa noMŋeya Musente, mazuʋa mazhinji asati apera.

⁶Ɀino iʋo, ʋakati ʋaʋuŋgana, ʋakamubvunza, ʋaciti: Ishe, modzosera ʋushe kunaʋaIsraeri neŋguʋa ino here?

⁷Akati kwaʋari: Haɀina‐kufanira kuti muziʋe ŋguʋa kana misi yakatarwa naƂaɓa ʋamene nesimba raʋo.

⁸Asi mucapiwa simba, kana Mŋeya Mutȿene waʋuya pamsoro penyu; ipapo mucaʋa ɀapupu ɀaŋgu paJerusarema, napaJudea rose, napaSamaria, nokuȿikira kumugumo wenyika.

⁹Ɀino wakati areʋa iɀoɀi, akakwidzwa, ʋacitaririra; gore rikamubvisa, ʋakasazomuʋona.

¹⁰Ɀino ʋacitarisisa kuɗeŋga, iye acikwira, tarira, ʋarume ʋaʋiri ʋamira naʋo ʋakafuka ŋguʋo cena;

¹¹iʋo ʋakati: Imi ʋarume ʋeGarirea, makamirireiko makatarira kuɗeŋga? Uyu Jesu, wakabʋa kwamuri, akakwidzwa kuɗeŋga, ucaʋuya saiɀoɀo, seɀamamuʋona acienda kuɗeŋga.

¹²Ɀino ʋakadzokera Jerusarema, ʋacibva pagomo rinonzi reMiorivi, riri pedyo neJerusarema, nhambo yorwendo rwesaɓata.

¹³Ʋakati ʋapinda, ʋakakwira muimba yaiʋa pamsoro, paʋakaŋga ʋagere, ʋaiti: Petro, naJohane, naJakobo, naAndrea, naFiripo, naTomasi, naBartoromeo, naMateo, naJakobo, mŋanakomana waArfeo, naSimoni Zeroti, naJudasi, mŋanakomana waJakobo.

¹⁴Aʋa ʋose ʋakatsuŋgirira nomŋoyo mumŋe pakunyeŋgetera, ʋanaʋakadzi, naMaria, mai ʋaJesu, naʋanuŋuna ʋake.

¹⁵Namazuʋa iwayo Petro wakasimuka pakati pehama, (ʋanhu ʋazhinji ʋaiʋa’po pamŋe cete, ʋaneŋge zana namakumi maʋiri), akati:

¹⁶Ʋarume, hama, rugwaro rwakafanira kuitika, rwakaprofitwa noMŋeya Mutȿene nomuromo waDavidi, pamsoro paJudasi, wakaŋga ari muperekedzi waʋaya ʋakaɓata Jesu.

¹⁷Nokuti wakaŋga aʋereŋgwa pamŋe cete nesu, akapiwa mugoʋe wake paɓasa iri.

¹⁸(Ɀino munhu uyu wakateŋga munda nomuɓairo weɀisakarurama, akawira pasi neciso, akaparuka napakati, ʋura bgake bgukaɓuɗa bgose.

¹⁹Ɀikanzwika naʋose ʋaigara Jerusarema; naiɀoɀo munda uyu ukatumidzwa Akerdama norurimi rwaʋo, ndokuti: Munda weropa.)

²⁰Nokuti mubuku yaMapisarema makanyorwa, ɀicinzi: Musha wake ŋgauitwe ɗoŋgo, Kurege kuʋa nomunhu unogara’mo; ʋuye: Mumŋe ŋgaapinde paʋutariri bgake.

²¹Ɀino pakati paʋarume ʋaiʋuŋgana nesu ŋguʋa yose, Ishe Jesu yaakapinda nokuɓuɗa nayo pakati peɗu,

²²kutaŋga pakubapatidza kwaJohane, kuȿikira pazuʋa raakabʋa kwatiri, acikwidzwa, mumŋe waʋo unofanira kuʋa capupu cokumuka kwake pamŋe cete nesu.

²³Ɀino ʋakaisa’po ʋaʋiri, ʋaiti: Josefa, wainzi Barsaba, wakatumidzwa ʋo Justo, naMatia.

²⁴Ʋakanyeŋgetera, ʋaciti: Imi Ishe, munoziʋa mŋoyo yaʋanhu ʋose, ratidzai kuti wamakasanaŋgura kunaiʋaʋa ʋaʋiri ndoupi;

²⁵kuti apiwe nɀimbo paɓasa iri noʋuapostora ubgu, bgaakarashikirwa nabgo iye Judasi, kuti iye aende kunɀimbo yake.

²⁶Ɀino ʋakaʋakandira mijenya, mujenya ukaɓata Matia; iye akaʋereŋgwa pamŋe cete naʋaapostora ʋanegumi nomumŋe.