Read Original Shona Union Bible 1949 Baiberi Magwaro Matȿene aMŋari Maɓasa Aʋaapostora 14 Bible Online

Maɓasa Aʋaapostora 14 - Original Shona Union Bible 1949 Baiberi Magwaro Matȿene aMŋari bible

Maɓasa Aʋaapostora 14

¹Ɀino paIkonio ʋakapinda kamŋe ʋose musinagoge raʋaJuda, ʋakataura nokuɗaro kuti ʋazhinji‐zhinji ʋaʋaJuda naʋaGiriki ʋakatenda.

²Asi ʋaJuda ʋasina‐kuterera, ʋakamutsa mŋoyo yaʋahedeni, kuti ʋaʋeŋge hama.

³Naiɀoɀo ʋakagara’po ŋguʋa refu, ʋacitaura munaShe ʋasiŋgatyi; iye akapupurira shoko renyasha dzake, akaʋapa simba kuti ɀiratidzo neɀishamiso ɀiitwe namaʋoko aʋo.

⁴Asi ʋanhu ʋazhinji ʋeguta ʋakapesana, ʋamŋe ʋakaʋa kuʋaJuda, ʋamŋe kuʋaapostora.

⁵Ɀino ʋahedeni, naʋaJuda, naʋaɓati ʋaʋo ʋakati ʋaciʋaʋarira kuʋaitira ɀakaipa nokuʋataka namabge;

⁶iʋo ʋakaɀiziʋa, ʋakatizira Ristra neDerbe, aiʋa maguta eRikaonia, nokunyika yakapoteredza;

⁷ʋakaparidzira Evaŋgeri ikoko.

⁸Ɀino paRistra paigara mumŋe murume wakaŋga asinesimba patsoka dzake, cirema kubva paɗumbu ramai ʋake, asina‐kutoŋgofamba.

⁹Iye wakanzwa Pauro acitaura; ɀino iye wakati acimutarisisa, akaʋona kuti unokutenda kuti uŋgaporeswa,

¹⁰akati nenzwi guru: Mira kwaɀo netsoka dzako. Iye akavazuka, akafamba.

¹¹Ʋanhu ʋazhinji ʋakati ʋaʋona ɀaitwa naPauro, ʋakaɗanidzira norurimi rwaʋaRikaonia, ʋaciti: Ʋamŋari ʋaɓurukira kwatiri, ʋaita saʋanhu.

¹²Barnabasi ʋakamutumidza Jupiteri, naPauro Merkurio, nokuti ndiye waiʋa mutauri mukuru.

¹³Ipapo muprista waJupiteri waiʋa netembere yake pamberi peguta, akaʋuya pamasuʋo nenzombe namaruʋa okushoŋga, aciɗa kuʋaɓayira, anaʋanhu ʋazhinji naye.

¹⁴Ɀino ʋaapostora, Barnabasi naPauro, ʋakati ʋacinzwa iɀoɀo, ʋakabvarura ŋguʋo dzaʋo, ʋakamhanyira pakati paʋanhu ʋazhinji, ʋakaɗanidzira,

¹⁵ʋaciti: Ʋarume, munoitireiko iɀoɀi? Nesu tiri ʋanhu semi ʋo; tinokuparidzirai mashoko akanaka, kuti mubve panaiɀoɀo ɀisinamaturo, mutendeʋukire kunaMŋari mupenyu wakaita ɗeŋga napasi, neguŋgwa, neɀose ɀiri mukati maɀo.

¹⁶Iye, paŋguʋa dzakapfuʋura wakatendera ʋahedeni ʋose kufamba nenzira dzaʋo.

¹⁷Asi haana‐kurega kuɀipupurira, aciita ɀakanaka, acikupai mvura yokuɗeŋga, neŋguʋa dzeɀiyo ɀizhinji, acizadza mŋoyo yenyu neɀokudya nomufaro.

¹⁸Nokutaura kwaʋo saiɀoɀo, ʋakatambura kwaɀo kudziʋisa ʋanhu kuti ʋarege kuʋaɓayira.

¹⁹Ipapo ʋaJuda ʋakabva Antiokia neIkonio, ʋakaȿika, ʋakamutsa mŋoyo yaʋanhu ʋazhinji, ʋakataka Pauro namabge, ʋakamukweʋera kunze kweguta ʋaciti wafa.

²⁰Asi ʋadzidzi ʋakati ʋamukomba, iye akasimuka, akapinda muguta. Fume maŋgwana akaenda Derbe naBarnabasi.

²¹Ʋakati ʋaparidza Evaŋgeri paguta iro, ʋakaita ʋadzidzi ʋazhinji, ndokudzokera Ristra, neIkonio, neAntiokia,

²²ʋacisimbisa mŋeya yaʋadzidzi, ʋaciʋaraira kuti ʋatsuŋgirire pakutenda, ʋaciti, tinofanira kupinda ʋushe bgaMŋari namaɗambudziko mazhinji.

²³Ʋakaʋasanaŋgurira ʋakuru pakereke imŋe neimŋe, ʋakanyeŋgetera, ʋaciɀinyima ɀokudya, ʋakaʋaisa kunaShe, waʋaitenda.

²⁴Ʋakagura nePisidia, ndokuȿika Pamfiria.

²⁵Ʋakati ʋaparidza shoko paPerga, ʋakaɓurukira Ataria.

²⁶Ʋakabva’po, ʋakaenda Antiokia necikepe, apo paʋakaŋga ʋaiswa panyasha dzaMŋari kuɓate‐ɓasa raʋakaŋga ʋapedzisa ɀino.

²⁷Ʋakati ʋaȿika, ʋakaʋuŋganidza kereke, ʋakarondedzera ɀose ɀakaŋga ɀaitwa naMŋari naʋo, ʋuye kuti wakaŋga azarurira ʋahedeni mukoʋa wokutenda.

²⁸Ʋakagara ŋguʋa huru naʋadzidzi.