Read Original Shona Union Bible 1949 Baiberi Magwaro Matȿene aMŋari Maɓasa Aʋaapostora 23 Bible Online

Maɓasa Aʋaapostora 23 - Original Shona Union Bible 1949 Baiberi Magwaro Matȿene aMŋari bible

Maɓasa Aʋaapostora 23

¹Ɀino Pauro wakati acitarisisa kumakurukota, akati: Ʋarume, hama, ini ndakafamba pamberi paMŋari nehana yakarurama kuȿikira zuʋa ranhasi.

²Ipapo Ananiasi, muprista mukuru, akaraira ʋakaŋga ʋamire naye, kuti ʋamuroʋe muromo.

³Ipapo Pauro akati kwaari: Mŋari ucakuroʋa iwe, ruȿiŋgo rwakaceneswa; ugere’po kuti unditoŋge nomurairo, ɀino woraira kuti ndirobge, uciɗarika murairo here?

⁴Ʋakaŋga ʋamire’po ʋakati: Ko unotuka muprista mukuru waMŋari here?

⁵Pauro akati: Hama dzaŋgu, ndakaŋga ndisiŋgaziʋi kuti ndiye muprista mukuru; nokuti kwakanyorwa, kucinzi: usataura ɀakaipa pamsoro pomuɓati waʋanhu ʋako.

⁶Ɀino Pauro wakati aciʋona kuti ʋamŋe ndiʋaSaduse naʋamŋe ʋaFarise, akaɗanidzira mumakurukota, akati: Ʋarume, hama, ini ndiri muFarise, mŋanakomana waʋaFarise, ndinotoŋgwa pamsoro petariro nokumuka kwaʋakafa.

⁷Wakati aɗaro, kupesana kukaʋa’po pakati paʋaFarise naʋaSaduse; ʋuŋgano ikaparadzana.

⁸Nokuti ʋaSaduse ʋaiti hapana‐kumuka kwaʋakafa, kana mutumŋa, kana mŋeya; asi ʋaFarise ʋaitenda iɀoɀo ɀose.

⁹Ɀino ɓope guru rikaʋa’po; ʋamŋe ʋanyori ʋokuʋaFarise ʋakasimuka, ʋakaita nharo, ʋaciti: Hatiʋoni cinhu cakaipa kumunhu uyu; ɀimŋe mŋeya wakataura naye, kana mutumŋa.

¹⁰Ɀino kupesana kukuru kuciɗa kumuka, mukuru wecuru camazana akatya kuti Pauro uŋgabvamburwa naʋo, akaraira ʋarwi kuti ʋaɓuruke, ʋamubvute pakati paʋo, ʋamuise muimba yaʋarwi.

¹¹Ʋusiku bgakateʋera, Ishe akamira naye, akati: Tsuŋga mŋoyo, seɀawakandipupurira kwaɀo paJerusarema, unofanira kupupura paRoma ʋo.

¹²Ɀino kwakati kwaedza, ʋaJuda ʋakaita raŋgano, ʋakaɀisuŋga nokupika, ʋaciti, haʋaŋgadyi kana kunwa kuȿikira ʋaʋuraya Pauro.

¹³Ʋakaŋga ʋaita raŋgano iyo, ʋakapfuʋura makumi manna.

¹⁴Aʋa ʋakaenda kuʋaprista ʋakuru naʋakuru, ʋakati: Taɀisuŋga nokupika kukuru, kuti hatiŋgadyi cinhu, kuȿikira taʋuraya Pauro.

¹⁵Naiɀoɀo ɀino imi, namakurukota, muziʋise mukuru wecuru camazana, kuti amuɓurusire kwamuri, muciita somunoɗa kunatso‐bvunzisisa mhoȿa yake; isu taɀigadzira kuti timuʋuraye, asati asweɗera.

¹⁶Ɀino mŋanakomana wehanɀadzi yaPauro akanzwa ɀokuʋandira kwaʋo, akaenda, akapinda mumba maʋarwi, akaʋudza Pauro.

¹⁷Ipapo Pauro akaɗana mumŋe waʋakuru ʋezana, akati: Isa jaya iri kumukuru wecuru camazana; nokuti uneshoko raanoɗa kumuʋudza.

¹⁸Naiɀoɀo akamutora, akaenda naye kumukuru wecuru camazana, akati: Pauro musuŋgwa, wakandiɗana, akakumbira, kuti ndiʋuye nejaya iri kwamuri; uneshoko raanoɗa kukuʋudzai.

¹⁹Mukuru wecuru camazana akaɓata ruʋoko rwake, akaenda naye ʋari ʋoga, akamubvunza ʋari ʋoga, akati: Uneshoko reiko, raunoɗa kundiʋudza?

²⁰Iye akati: ƲaJuda ʋakatenderana Kukumbira kwamuri, kuti muɓuruse Pauro kumakurukota maŋgwana, muciita somunoɗa kunatso‐bvunzisisa mhoȿa yake.

²¹Naiɀoɀo musaʋatenda; nokuti pakati paʋo kunaʋarume ʋanopfuʋura makumi manna ʋanomuʋandira ʋakaɀisuŋga nokupika, kuti haʋaŋgadyi, kana kunwa, kuȿikira ʋamuʋuraya; ɀino ʋakaɀigadzira, ʋakatarira tendero inobva kwamuri.

²²Naiɀoɀo mukuru wecuru camazana akaendisa jaya, akamuraira, aciti: Usaʋudza munhu, kuti wandiziʋisa iɀoɀo.

²³Ɀino akaɗana ʋakuru ʋezana ʋaʋiri, akati: Gadzirai ʋarwi ʋanamazana maʋiri, naʋanotaȿa mabiza ʋanamakumi manomŋe, naʋanamapfumo ʋanamazana maʋiri, ʋaende Kesaria neŋguʋa yecitatu yoʋusiku;

²⁴muʋatȿakire ɀipfuwo, kuti ʋataȿise Pauro, ʋagonatso‐muisa kumuɓati Feriksi.

²⁵Akanyora ŋwadi yakaŋga iciti:

²⁶Kraudio Risia, kunaFeriksi, muɓati wakakurumbira kwaɀo, kwaziwai!

²⁷Uyu munhu wakaɓatwa naʋaJuda, akaŋga oɗo‐kuʋurawa naʋo, ini ndikaȿika naʋarwi, ndikamurwira, ɀandakanzwa kuti muRoma.

²⁸Ɀino ndakati ndiciɗa kuziʋa mhoȿa yaʋakamukwirira nayo, ndikamuɓurusira kumakurukota aʋo;

²⁹ndikawana kuti wakwirirwa pamsoro pamashoko omurairo waʋo, asi asinemhoȿa yecinhu ciŋgafanira rufu kana kusuŋgwa.

³⁰Ɀino ndakati ndaʋudzwa, kuti ʋoɗa kuʋandira munhu uyu, ndikamutumira kwamuri pakarepo, ndikaraira ʋanomukwirira kuti ʋataure pamberi penyu mhoȿa yake.

³¹Ɀino ʋarwi ʋakatora Pauro seɀaʋakarairwa, ʋakamuisa Antipatri ʋusiku.

³²Fume maŋgwana ʋakarega ʋataȿi ʋamabiza, kuti ʋaende naye, iʋo ʋakadzokera kuimba yaʋarwi.

³³Ʋaya ʋakati ʋaȿika Kesaria, ʋakapa muɓati ŋwadi, ʋakaisa ʋo Pauro pamberi pake.

³⁴Wakati araʋa, akabvunza kuti ndowenyika ipi; ɀino wakati anzwa kuti ndoweKirikia,

³⁵akati: Ndicakunzwa kwaɀo, kana ʋanokukwirira ʋaȿika ʋo; akaraira kuti aceŋgetwe mumba maHerode.