Read Original Shona Union Bible 1949 Baiberi Magwaro Matȿene aMŋari Maɓasa Aʋaapostora 6 Bible Online

Maɓasa Aʋaapostora 6 - Original Shona Union Bible 1949 Baiberi Magwaro Matȿene aMŋari bible

Maɓasa Aʋaapostora 6

¹Ɀino namazuʋa iwayo, ʋadzidzi ʋaciwanda, ʋaJuda, ʋaitaura ciGiriki, ʋakanyunyutira ʋaHeberu, nokuti cirikadzi dzaʋo dzaiɗarikwa pakugoʋerwa kwomusi mumŋe nomumŋe.

²Ɀino ʋanegumi naʋaʋiri ʋakaɗana ʋadzidzi ʋazhinji, ʋakati: Hakuzakafanira kuti isu tirege shoko raMŋari, tishumire pamatafura.

³Ɀino hama dzaŋgu, sanaŋgurai pakati penyu ʋarume ʋanomŋe, ʋanopupurirwa ɀakanaka, ʋazere noMŋeya noʋucenjeri, ʋatiŋgaisa paɓasa iri.

⁴Asi isu ticatsuŋgirira pakunyeŋgetera napaɓasa reshoko.

⁵Shoko iri rikafadza ʋazhinji ʋose, ʋakasanaŋgura Stefano, murume wakaŋga azere nokutenda noMŋeya Mutȿene, naFiripo, naProkoro, naNikanori, naTimoni, naParmenasi, naNikorasi, muproserite weAntiokia.

⁶Ʋakaʋaisa pamberi paʋaapostora; ʋakanyeŋgetera, ʋakaisa maʋoko pamsoro paʋo.

⁷Shoko raMŋari rikakura, ʋadzidzi ʋakawanda ɀikuru paJerusarema; naʋaprista ʋazhinji ʋakagamucira kutenda.

⁸Ɀino Stefano, azere nenyasha nesimba, akaita ɀinoshamisa neɀiratidzo ɀikuru pakati paʋanhu.

⁹Ipapo ʋamŋe ʋaʋo, ʋaiʋa ʋesinagoge rainzi raʋasunuŋguki, naʋaKureni, naʋaAreksandria, naʋeKirikia, naʋeAsia, ʋakasimuka ʋakaita nharo naStefano.

¹⁰Asi ʋakaŋga ʋasiŋgagoni kukunda kucenjera kwake, noMŋeya waaitaura naye.

¹¹Ipapo ʋakamutsa ʋarume, ʋaiti: Takamunzwa acitaura mashoko anomhura Mosesi naMŋari.

¹²Ʋakakurudzira ʋanhu, naʋakuru, naʋanyori; ʋakamuwira, ʋakamuɓata, ʋakamuisa kumakurukota,

¹³ʋakaisa’po ɀapupu ɀenhema, ɀaiti: Munhu uyu haaregi kutaura mashoko anomhura imba iyi tȿene nomurairo.

¹⁴Nokuti takamunzwa aciti: Uyu Jesu weNazareta ucaparadza nɀimbo iyi nokushandura tsika dzatakapiwa naMosesi.

¹⁵Ɀino ʋose ʋakaŋga ʋagere pamakurukota, ʋakamutarisisa, ʋakaʋona ciso cake cakaita seciso comutumŋa.