Read Original Shona Union Bible 1949 Baiberi Magwaro Matȿene aMŋari ƲaRoma 15 Bible Online

ƲaRoma 15 - Original Shona Union Bible 1949 Baiberi Magwaro Matȿene aMŋari bible

ƲaRoma 15

¹Ɀino isu, tinesimba, tinofanira kutakura ʋutera bgaʋasinesimba, tisiŋgaɀifadzi.

²Mumŋe nomumŋe weɗu ŋgaafadze wokwake paneɀakanaka ɀinosimbisa.

³Nokuti Kristu ʋo haana‐kuɀifadza; asi seɀaɀakanyorwa, ɀicinzi: Kuɀidza kwaʋakakuɀidza nako kwakawira pamsoro paŋgu.

⁴Nokuti ɀose ɀakanyorwa kare, ɀakanyorwa kuti isu tidzidze kuti tiʋe netariro inobva pakutsuŋgirira napakunyaradza kwaMagwaro.

⁵Ɀino Mŋari wokutsuŋgirira nowokunyaradza ŋgaakupei mŋoyo mumŋe pakati penyu, seɀinoɗa Kristu Jesu;

⁶kuti mukudze Mŋari, Ƃaɓa ʋaShe weɗu Jesu Kristu, nomŋoyo mumŋe ʋuye nomuromo mumŋe.

⁷Saka gamuciranai, Kristu seɀaakatigamucira, kuti Mŋari akudzwe.

⁸Nokuti ndinoti: Kristu wakaitwa mushumiri wokudziŋgiswa kuratidza ɀokwaɗi yaMŋari, kuti asimbise ɀakapikirwa madziɓaɓa.

⁹Ʋuye, kuti ʋahedeni ʋakudze Mŋari nokuɗa kweŋgoni dzake; seɀaɀakanyorwa, ɀicinzi: Naiɀoɀo ndicakurumbidzai pakati paʋahedeni, Nokukuimbirai zita renyu.

¹⁰Ʋuye ɀe unoti: Farai imi ʋahedeni, naʋanhu ʋake.

¹¹Ʋuye ɀe: Rumbidzai Ishe, imi ʋahedeni ʋose; Marudzi ose ŋgaamukudze.

¹²Ʋuye ɀe, Isaya unoti: Mudzi waJese ucaʋa’po, Naiye unomuka, kuti aɓate ʋahedeni; Ʋahedeni ʋacamutarira iye.

¹³Ɀino Mŋari wetariro ŋgaakuzadzei nomufaro wose norugare pakutenda kwenyu, kuti muʋe netariro yakawandisa, nesimba roMŋeya Mutȿene.

¹⁴Ɀino, hama dzaŋgu, ini ndimene ndinoziʋa kwaɀo pamsoro penyu, kuti imi mumene muzere nokunaka, makazadzwa nokuziʋa kwose, munogona ʋo kurairana.

¹⁵Asi ndinokunyorerai ɀimŋe ndicinyanya kutsuŋga, ndiciita sendinokuyeʋudzai nenyasha dzandakapiwa naMŋari,

¹⁶kuti ndiʋe muranda waKristu Jesu kuʋahedeni, ndiciita ɓasa roʋuprista paEvaŋgeri yaMŋari, kuti ciɓayiro caʋahedeni cifadze Mŋari, cakaitwa citȿene noMŋeya Mutȿene.

¹⁷Naiɀoɀo ndiŋgaɀirumbidza munaKristu Jesu paɀinhu ɀaMŋari.

¹⁸Nokuti ndiŋgatya kutaura ɀimŋe ɀinhu, asi iɀo Kristu ɀaakaita neni, kuti ʋahedeni ʋaterereswe neshoko namaɓasa,

¹⁹nesimba reɀiratidzo neɀinoshamisa, nesimba roMŋeya Mutȿene; nokuɗaro kubva Jerusarema nenyika yakapoteredza, kuȿikira Iririko, ndakaparidza kwaɀo Evaŋgeri yaKristu;

²⁰ndicishiŋgairira cinhu ici kuti ndiparidze Evaŋgeri, apo pasina‐kumborebga zita raKristu, kuti ndirege kuʋaka pamsoro penheyo dzomumŋe munhu;

²¹asi, seɀaɀakanyorwa, ɀicinzi: Aʋo, ʋasina‐kuʋudzwa ɀake, ʋacaʋona; Naiʋo ʋasina‐kunzwa ʋacanzwisisa.

²²Naiɀoɀo ndakadziʋiswa ʋo kazhinji kuʋuya kwamuri;

²³ɀino ɀandisinapokuɓata panyika idzi, ʋuye ɀaaʋa makore mazhinji ndiciɗa ɀikuru kuʋuya kwamuri,

²⁴kana ndicienda Spania, ndicaʋuya kwamuri; (nokuti ndinotarira kukuʋonai parwendo rwaŋgu, ndiperekedzwe nemi ikoko, kana ndamboguta ɀishoma kuʋonana nemi).

²⁵Asi ɀino ndomboenda Jerusarema kundoshumira ʋatȿene.

²⁶Nokuti ʋeMakedonia naʋeAkaya ʋakati ɀakanaka kuti ʋagoʋane naʋarombo paʋatȿene ʋari paJerusarema.

²⁷Nokuti ʋakati ɀakanaka; ʋaneŋgaʋa naʋo. Nokuti kana ʋahedeni ʋakaitwa ʋagoʋani naʋo paɀinhu ɀoMŋeya, ʋaneŋgaʋa ʋo rokuʋashumira paɀinhu ɀenyama.

²⁸Naiɀoɀo kana ndapedza cinhu ici, ndikaʋaʋigira ciɓereko ici, ndicaenda Spania nokwenyu.

²⁹Ndinoziʋa kuti kana ndiciʋuya kwenyu, ndicaʋuya nokuropafadza kwakazara kwaKristu.

³⁰Ɀino ndinokumbira ɀikuru, hama dzaŋgu, naShe weɗu, Jesu Kristu, ʋuye noruɗo rwoMŋeya, kuti murwe pamŋe cete neni pakunyeŋgetera kwenyu kunaMŋari pamsoro paŋgu;

³¹kuti ndisunuŋgurwe kunaʋasiŋgatereri muJudea, ʋuye kuti kushumira kwaŋgu kunaʋeJerusarema kufadze ʋatȿene;

³²kuti ndiʋuye kwamuri nomufaro nokuɗa kwaMŋari, ndiwane zororo pamŋe cete nemi.

³³Ɀino Mŋari worugare ŋgaaʋe nemi mose. Ameni.