Read Original Shona Union Bible 1949 Baiberi Magwaro Matȿene aMŋari ƲaRoma 16 Bible Online

ƲaRoma 16 - Original Shona Union Bible 1949 Baiberi Magwaro Matȿene aMŋari bible

ƲaRoma 16

¹Ndinoreʋerera kwamuri Fibi, hanɀadzi yeɗu, mushandiri wekereke iri paKenkrea.

²Kuti mumugamucire munaShe, seɀinofanira ʋatȿene, nokumuɓatsira paɀinhu ɀose ɀaaŋgashaiwa; nokuti iye amene wakaɓatsira ʋazhinji, neni ʋo ndimene.

³Ndikwazisirei Priska naAkwira, ʋanoɓata neni munaKristu Jesu,

⁴ʋakaisa mitsipa yaʋo kurwira ʋupenyu bgaŋgu; ʋandisiŋgaʋoŋgi ini ndoga, asi nekereke dzose dzaʋahedeni.

⁵Ndikwazisirei ʋo kereke iri paimba yaʋo. Ndikwazisirei Epeneto, muɗikanwa waŋgu, ndiye ciɓereko cokutaŋga munaKristu paAsia.

⁶Ndikwazisirei Maria, wakakuɓatsirai ɀikuru.

⁷Ndikwazisirei Androniko naJunia, worudzi rwaŋgu, ʋakasuŋgwa pamŋe cete neni, ʋakakurumbira pakati paʋaapostora, ʋakanditaŋgira ʋo kuʋa munaKristu.

⁸Ndikwazisirei Ampriato, muɗikanwa waŋgu munaShe.

⁹Ndikwazisirei Urbano, unoɓata nesu munaKristu, naStako, muɗikanwa waŋgu.

¹⁰Ndiwazisirei Apere, wakatendwa munaKristu. Ndikwazisirei ʋokwaAristoburo.

¹¹Ndikwazisirei Herodio worudzi rwaŋgu. Ndikwazisirei ʋokwaNarkiso, ʋari munaShe.

¹²Ndikwazisirei Trifaina naTrifosa, ʋanoɓata munaShe. Ndikwazisirei Persisi, muɗikanwa, wakaɓata ɀikuru munaShe.

¹³Ndikwazisirei Rufosi, musanaŋgurwa munaShe, namai ʋake, naʋaŋgu.

¹⁴Ndikwazisirei Asinkrito, naFregoni, naHermesi, naPatrobasi, naHermasi, nehama dziri kwaʋari.

¹⁵Ndikwazisirei Firorogosi, naJuria, naNerea, nehanɀadzi yake, naOrimpasi, naʋatȿene ʋose ʋari kwaʋari.

¹⁶Kwazisanai nokuȿeta kutȿene. Kereke dzose dzaKristu dzinokukwazisai.

¹⁷Ɀino ndinokumbira ɀikuru kwamuri, hama dzaŋgu, kuti mucerekedze aʋo ʋanopesanisa, naʋanogumbusa, ʋaciita ɀinopesana nedzidziso yamakadzidza imi; muʋanɀeŋge.

¹⁸Nokuti ʋakaɗaro haʋaɓatiri Ishe weɗu Kristu, asi ɗumbu raʋo; ʋanonyeŋgera mŋoyo yaʋasina‐ɀakaipa namashoko aʋo akanaka, anoɓata kumeso.

¹⁹Nokuti kuterera kwenyu kwakaȿika kuʋanhu ʋose. Naiɀoɀo ndinofara pamsoro penyu; asi ndinoɗa kuti muʋe ʋakacenjera kuneɀakanaka, asi ʋasinenjere kuneɀakaipa.

²⁰Ɀino Mŋari worugare ucakurumidza kupxanya Satani pasi petsoka dzenyu. Nyasha dzaShe weɗu Jesu ŋgadziʋe nemi.

²¹Timotio, unoɓata neni, unokukwazisai; naRukio, naJasoni, naSosipatrosi, ʋorudzi rwaŋgu.

²²Ini Tertiosi, unonyora ŋwadi iyi, ndinokukwazisai munaShe.

²³Gaiosi, wakandigamucira ini nekereke yose, unokukwazisai.

²⁴Erastosi, muceŋgeti wemari yeguta, unokukwazisai, naKwartosi ʋo, hama.

²⁵Ɀino iye, unogona kukusimbisai, seɀinoreʋa Evaŋgeri yaŋgu, nokuparidzwa kwaJesu Kristu, nokuzarurwa kweɀakaʋanzika, ɀisina‐kurebga ŋguʋa dzisiŋgaperi,

²⁶asi ɀino ɀinoratidzwa nokuziʋiswa kumarudzi ose, naMagwaro aʋaprofita, seɀakarairwa naMŋari usiŋgaperi, kuti ʋaterere nokutenda;

²⁷iye Mŋari wakacenjera oga, ŋgaaʋe nokubginya naJesu Kristu nokusiŋgaperi. Ameni.