Read Original Shona Union Bible 1949 Baiberi Magwaro Matȿene aMŋari I ƲaKorinte 10 Bible Online

I ƲaKorinte 10 - Original Shona Union Bible 1949 Baiberi Magwaro Matȿene aMŋari bible

I ƲaKorinte 10

¹Nokuti handiɗi, hama dzaŋgu, kuti murege kuziʋa kuti madziɓaɓa eɗu ose akaŋga ari pasi pegore, ʋuye kuti ʋose ʋakayambuka guŋgwa;

²ʋose ʋakabapatidzwa munaMosesi mugore nomuguŋgwa;

³ʋose ʋakadya ɀokudya ɀimŋe ɀomŋeya;

⁴ʋose ʋakanwa ɀokunwa ɀimŋe ɀomŋeya; nokuti ʋakanwa paɗombo romŋeya rakaʋateʋera; ɗombo iro rakaŋga riri Kristu.

⁵Asi Mŋari haana‐kufadzwa naʋazhinji ʋaʋo; nokuti ʋakaparadzwa murenje.

⁶Ɀino, ɀinhu iɀi ɀakaŋga ɀiri ɀiratidzo kwatiri, kuti isu tirege kuciʋa ɀakaipa, seɀaʋakaciʋa iʋo.

⁷Imi regai kunamata ɀifananidzo, saʋamŋe ʋaʋo; seɀaɀakanyorwa, ɀicinzi: Ʋanhu ʋakagara pasi pakudya nokunwa, ʋakamuka kuti ʋatambe.

⁸Ɀino ŋgatirege kuita ʋupombge, saʋamŋe ʋaʋo ʋakaita ʋupombge, ʋakafa nezuʋa rimŋe ʋaneɀuru ɀinamakumi maʋiri neɀitatu.

⁹Ŋgatirege kuidza Ishe, saʋamŋe ʋaʋo ʋakamuidza, ʋakaparadzwa nenyoka.

¹⁰Murege kuŋuŋuna saʋamŋe ʋaʋo ʋakaŋuŋuna, ʋakaparadzwa nomuparadzi.

¹¹Ɀino, iɀi ɀakaʋawira, kuti ʋaʋe ɀiratidzo; ɀakanyorwa kuti tinyeʋerwe isu, takaȿikirwa nokuguma kwenyika.

¹²Naiɀoɀo, unoti ndinomira, ŋgaacenjere kuti arege kuwa.

¹³Hakunomuidzo wakakuɓatai imi, asi waʋanhu ʋose; asi Mŋari, wakatendeka, haaŋgatenderi kuti muidzwe kupfuʋura pamunogona napo; asi pamŋe cete nomuidzo, iye ucakupai ʋo nzira yokuɓuɗa nayo, muʋe nesimba rokutsuŋga.

¹⁴Naiɀoɀo, ʋaɗikanwa ʋaŋgu, tizai kunamata ɀifananidzo.

¹⁵Ndinotaura sokunaʋakacenjera; fuŋgai ɀandinotaura.

¹⁶Mukombe wokuʋoŋga watinoʋoŋga, hakuzi kusoŋgana neropa raKristu here? Ciŋgwa catinomeɗura, hakuzi kusoŋgana nomuʋiri waKristu here?

¹⁷Ɀaciri ciŋgwa cimŋe cete, isu ʋazhinji tiri muʋiri mumŋe; nokuti tinogoʋana tose paciŋgwa cimŋe.

¹⁸Tarirai ʋaIsraeri panyama; aʋo ʋanodya ɀiɓayiro haʋagoʋani neartari here?

¹⁹Ɀino ndotiyiko? Kuti cinoɓayirwa ɀifananidzo cinhu here, kana cifananidzo cinhu here?

²⁰Kwete, asi ndinoti iɀo ɀinoɓayirwa naʋahedeni, haʋaɀiɓayiri Mŋari, asi mŋeya yakaipa; ɀino handiɗi kuti muyanane nemŋeya yakaipa.

²¹Hamuŋganwiri pamukombe waShe, napamukombe wemŋeya yakaipa; hamuŋgadyiri patafura yaShe napatafura yemŋeya yakaipa.

²²Ko tinoɗa kumutsa goɗo raShe here? Tinomukunda nesimba here?

²³Ndakatenderwa ɀinhu ɀose; asi ɀose haɀindiɓatsiri. Ndakatenderwa ɀinhu ɀose; asi ɀose haɀisimbisi.

²⁴Munhu ŋgaarege kuɀitȿakira ɀake, asi ɀomumŋe.

²⁵Idyai ɀose ɀinoteŋgwa panoteŋgeswa nyama, musingabvunzi cinhu nokuɗa kwehana;

²⁶nokuti nyika ndeyaShe nokuzara kwayo.

²⁷Kana mumŋe waʋasiŋgatendi akakukokerai kuzodya, kana mukaɗa kuenda, idyai ɀose ɀinoiswa pamberi penyu, musiŋgabvunzi cinhu nokuɗa kwehana.

²⁸Asi kana mumŋe akati kwamuri: Ici cakaɓayirwa ɀifananidzo, regai kudya nokuɗa kwaiye wakakuratidzai, ʋuye nokuɗa kwehana;

²⁹handireʋi hana yako, asi yomumŋe; nokuti kusunuŋguka kwaŋgu kunotoŋgerweiko nehana yomumŋe?

³⁰Kana im ndicidya ndiciʋoŋga, ndiŋgagotukirweiko nokuɗa kwecinhu candinoʋoŋga pamsoro paco?

³¹Naiɀoɀo, kana mucidya, kana mucinwa, kana muciita cinhu cipi necipi, itai ɀose kuti Mŋari akudzwe.

³²Regai kugumbusa kana ʋaJuda, kana ʋaGiriki, kana kereke yaMŋari.

³³Seni ʋo ndinofadza ʋanhu ʋose paɀinhu ɀose, ndisiŋgatȿaki ɀiŋgandiɓatsira ini, asi ɀiŋgaɓatsira ʋazhinji, kuti ʋaponeswe.